திருவள்ளூர், செப். 10–
திருவள்ளூர் மேற்கு மாவட்டம் தி.மு.க. சார்பில் நடைபெற்ற செயற்குழு கூட்டத்தில் சட்டமன்ற கூட்டத்தில் எதிர்க்கட்சித் தலைவர்சட்டம்–ஒழுங்கு சீர்குலைவுகுறித்து கேள்விகளுக்கு பதிலளிக்காமல் திசை திருப்பும் கொடாநாடு வாட்ச்மேன் ஜோசப்விஜய்க்குகண்டனத் தீர்மானம் நிறைவேற்றப்பட்டது.இக்கூட்டத்தில் மாவட்டக் கழக செயலாளர் திருத்தணி எஸ்.சந்திரன் சிறப்புரையாற்றினார்.
திருவள்ளூரில் மேற்கு மாவட்ட கழக சார்பில் நடைபெற்ற செயற்குழு கூட்டத்தில் மாவட்ட கழக செயலாளர்
திருத்தணி எஸ். சந்திரன் கூட்டத்தில் நிறைவேற்றிய தீர்மானம் வருமாறு:
தமிழ்நாட்டில் சட்டம்–ஒழுங்கு சீர்குலைவு குறித்து எதிர்க்கட்சித் தலைவர் எழுப்பிய கேள்விகளுக்கு பதிலளிக்காமல் திசைதிருப்பும் த.வெ.க. அரசுக்கு கண்டனம்
நடைபெற்ற சட்டமன்றக் கூட்டத்தொடரில் விவாதத்தில் பங்கேற்ற நமது மாண்புமிகு எதிர்க்கட்சித் தலைவர், இளம் தலைவர் அவர்கள், த.வெ.க. அரசு அமைந்த குறுகிய காலத்திலேயே தமிழ்நாட்டில் நடைபெற்றுவரும் கொலை, கொள்ளை, போதைப் பொருள் புழக்கம் உள்ளிட்ட சட்டம்–ஒழுங்கு சீர்குலைவுகளைச் சுட்டிக்காட்டியும், தமிழ்நாட்டின் வளர்ச்சிக்கும் மக்களின் நலனுக்கும் பயனளிக்கும் திட்டங்களை அரசியல் காழ்ப்புணர்ச்சியுடன் கிடப்பில் போட்டிருப்பதைக் கண்டித்தும், தேர்தல் காலத்தில் அளித்த வாக்குறுதிகளை நிறைவேற்றாததைக் கேள்விக்குட்படுத்தியும் சட்டமன்றத்தில் ஆக்கப்பூர்வமாகப் பேசியுள்ளார்.
எதிர்க்கட்சித் தலைவர் அவர்கள் எழுப்பிய கேள்விகளுக்கும் குற்றச்சாட்டு களுக்கும் உரிய முறையில் பதிலளிக்க வேண்டிய கோடநாடு வாட்ச்மேன் ஜோசப் விஜய் அதற்குப் பதிலாகபொதுக்கூட்ட மேடையில் பேசுவதுபோல் எதிர்க்கட்சித் தலைவர் மீது தனிப்பட்ட முறையில்அவதூறு பரப்பும் வகையிலும், நாகரிகமற்ற முறையிலும் பதிலளித்திருப்பதை இக்கூட்டம் வன்மையாகக் கண்டிக்கிறது.
சட்டமன்றத்தில் முன்வைக்கப்பட்ட மக்கள் பிரச்சினைகளுக்கு உரிய விளக்கமும், ஆதாரப்பூர்வமான பதிலும் அளிப்பதைத் தவிர்த்து, அரசியல் திசைதிருப்பல் நடவடிக்கைகளில் ஈடுபடும் த.வெ.க. அரசின் செயல்பாடுகளையும், அதற்கு துணைபோகும் வகையில் செயல்படும் ஜோசப் விஜய்யின் பேச்சுகளையும் இக்கூட்டம் வன்மையாகக் கண்டிக்கிறது என மாவட்டக் கழகச் செயலாளர் திருத்தணி எஸ் சந்திரன் தீர்மானத்தை நிறைவேற்றினார்.