நெல்லை, செப். 10 –
சட்டப்பேரவை முன்னாள் தலைவர் மு.அப்பாவு தனது எக்ஸ் வலைதளப் பதிவில் கூறி யிருப்பதாவது:–
சட்டமன்றத்தில்
07-.09-.2026 ம்தேதி காவல்துறை மானியத்திற்கு பதில் அளித்த முதல்வர் தமிழக மாணவர், மாணவிகளை சீரழித்து வரும் போதைப் பொருள் கலாச்சாரத்தை கட்டுப்படுத்தவும், தமிழ்நாடு மற்றும் பிற மாநிலங்களில் இருந்து கடத்தி விற்பனை செய்து வரும் கஞ்சா போன்ற போதைப்பொருட்களை கட்டுப்படுத்தவும் எந்த பதிலும் சொல்லாமல் இது 100 நாட்களில் உருவானதல்ல பல ஆண்டு களாக வேரூன்றி இருக்கிறது என்று பொறுப்பற்ற பதில் சொல்லி கஞ்சா போன்ற போதை பொருள் கடத்தலுக்கும், விற்பனைக்கும் துணை நிற்கும் செயலில் ஈடுபட்டு விட்டீர்களே CM sir ?
தமிழ்நாட்டில் நடைபெற்று வரும் கொலை, கொள்ளை, பாலியல்வன் கொடுமைகளை தடுக்கஎந்த நடவடிக்கையும் எடுப்பதாக பதில் சொல்ல முடியாமல் 50 ஆண்டு களுக்கு முன் பொய்க் குற்றச்சாட்டு என்று நிரூபிக்கப்பட்ட “சர்காரியா கமிஷன்”அறிக்கையை சட்டமன்றத்தில் வாசிக்க வெட்கமாக இல்லையா CMsir?
சட்டமன்றத்தில் எதிர்க்கட்சித் தலைவர் எடுத்து வைத்த மக்கள் பிரச்சி னைக்கு பதில் சொல்லதிராணியில்லாமல், தி.மு.க. மேடை பேச்சிகளை எடுத்துபதிலளிக்கும் முதல்வரே! உங்கள் அமைச்சரவை பெண் உறுப்பினர் அலைபேசி மூலம் “லட்சுமணன்” என்பவரை ஜட்டியோடு உட்கார வைத்து அடித்து கொன்று விடுவேன் என்று மிரட்டியதையும் சட்டமன்றத்தில் பேசி இருக்கலாமே CMsir?
தமிழ்நாட்டில் த.வெ.க. நிர்வாகிகளும், உறுப்பினர்களும் செய்து வருகின்ற கொலை,கொள்ளை போதை பொருள் விற்பனை பாலியல் சீண்டல் போன்ற வழக்குகள் மீது உறுதியான நடவடிக்கை எடுப்போம் என்று தெரிவிப்பதை விட்டுவிட்டு FIR பதிவு செய்து இருக்கிறோம் என அலட்சியமாக சொன்ன பதில் மக்களை ஏமாற்றும் செயல் இல்லையா CM sir?
நாட்டின் சட்டம் – ஒழுங்கை நிலை நிறுத்து வதற்கு என்ன நடவடிக்கை எடுக்கப்பட்டுள்ளது அடுத்து என்ன நடவடிக்கை எடுக்க போகி றோம் என்பது பற்றி எந்தபதிலும் பேசாமல் அண்டைமாநில உதவியாளர்கள் எழுதிக் கொடுத்ததை சினிமா அங்க அசைவுகளோடு (நடித்து ) வாசித்து பொதுக்கூட்டத்தில் நான்காம் தர மேடைப் பேச்சாளரை போன்று தரம் தாழ்ந்து பேசியது சட்டமன்றத்தின் மாண்பை சந்திக்க வைத்து விட்டதே CM sir?
இவ்வாறு அவர் தனது எக்ஸ் வலைதளப் பதிவில் கூறியுள்ளார்.