கிருஷ்ணகிரி, செப். 11 –
திரையுலகக் கவர்ச்சியையும் சமூக ஊடகப் பிம்பத்தையும் அரசியல் மூலதனமாக்கி, மக்களுக்கு ஏராளமான வாக்குறுதிகளை அளித்து ஆட்சிக்கு வந்த முதலமைச்சர் விஜய் தலைமையிலான அரசு, இன்று மக்களின் எதிர்பார்ப்புகளை நிறைவேற்ற முடியாமல் திணறி வருகிறது.
மக்களுக்கு அளித்த வாக்குறுதிகள் முழுமையாக நிறைவேற்றப்பட வில்லை. திராவிட மாடல் ஆட்சியில் கழகத் தலைவர் தளபதி மு.க. ஸ்டாலின் அவர்களால் கொண்டுவரப்பட்ட மக்கள் நலத் திட்டங்களில் சிலவற்றை நிறுத்துவதும், நிறுத்த முடியாத திட்டங்களின் பெயர்களை மாற்றி அவற்றைத் தங்களது சாதனைகளாகக் காட்ட முயல்வதும் நடைபெற்று வருகிறது.
சட்டம்–ஒழுங்கு, போதைப்பொருள் தடுப்பு, பெண்கள் மற்றும் குழந்தைகளின் பாதுகாப்பு உள்ளிட்ட முக்கியப் பிரச்சி னைகளில் அரசின் செயல்பாடு குறித்து மக்களிடையே எழும் கேள்விகளுக்குப் பதிலளிக்க வேண்டிய முதலமைச்சர், அவற்றி லிருந்து மக்களின் கவனத்தைத் திசைதிருப்பும் வகையில் தமிழ்நாடு சட்டமன்றத்தையே அரசியல் வசன மேடையாக மாற்ற முயல்வது கடும் கண்டனத்திற்குரியது.
சட்டமன்றம் சினிமா வசனம் பேசும் மேடை அல்ல!
அது தமிழ்நாட்டு மக்களின் உரிமைகளையும் வாழ்வாதாரத்தையும் பேச வேண்டிய ஜனநாயகத்தின் உயரிய மன்றம்!
திராவிட முன்னேற்றக் கழகத்தையும், ஐந்து முறை தமிழ்நாட்டின் முதலமைச்சராகப் பொறுப்பேற்று தமிழகத்தின் வளர்ச்சிக்காக வாழ்நாள் முழுவதும் உழைத்த முத்தமிழறிஞர் தலைவர் கலைஞர் அவர்களையும், இந்தியாவின் பெருமையை உலக அரங்கில் நிலைநாட்டிய முரசொலி மாறன் அவர்களையும் விமர்சித்ததோடு, இளம் வயதில் மிசா சட்டத்தின் கீழ் கைது செய்யப்பட்டு சிறைச்சாலைக் கொடுமைகளை எதிர்கொண்டு ஓராண்டு காலம் சிறைவாசம் அனுபவித்த கழகத் தலைவர் மாண்புமிகு தளபதி மு.க. ஸ்டாலின் அவர்களின் அரசியல் தியாகத்தைக் கொச்சைப்படுத்தும் வகையில் முதலமைச்சர் விஜய் சட்டமன்றத்தில் பேசியிருப்பது வன்மையான கண்டனத்திற்குரியது.
சிறைச்சாலைக் கொடுமைகளைத் தாங்கியது தியாகம்!
மக்களுக்காகப் போராடியது வரலாறு!
அந்த வரலாற்றை ஏளனம் செய்வதை தி.மு.க. தொண்டர்கள் ஒருபோதும் ஏற்றுக்கொள்ள மாட்டார்கள்!
சட்டமன்றத்தின் மாண்பு, மரபு மற்றும் வரலாற்றைப் பாதுகாக்க வேண்டிய முதலமைச்சரே, அதன் கண்ணியத்தைக் குறைக்கும் வகையில் பேசுவது தமிழக அரசியல் வரலாற்றில் விரும்பத்தகாத முன்னுதாரணமாகும்.
மக்கள் பிரச்சினைகளுக் குப் பதில் சொல்ல வேண்டிய சட்டமன்றத்தில், சமூக ஊடகங்களில் ‘மீம்ஸ்’, ‘ரீல்ஸ்’ உருவாக்குவதற்கான வசனங்களைப் பேசுவதும், அவை மக்களிடம் சென்றடைந்த பின்னர் அவைக்குறிப்பிலிருந்து நீக்குவதும் ஜனநாயக மரபுகளுக்கு உகந்ததல்ல.
மக்கள் கேட்பது வசனம் அல்ல – வளர்ச்சி!
மக்கள் எதிர்பார்ப்பது விளம்பரம் அல்ல – நல்லாட்சி!
சட்டமன்றத்திற்குத் தேவை ஆணவம் அல்ல – ஜனநாயக மாண்பு!
எனவே, திராவிட இயக்க வரலாற்றையும், கழகத் தலைவர்களின் தியாகத்தையும் கொச்சைப்படுத்தும் வகையில் தமிழ்நாடு சட்டமன்றத்தில் முதலமைச்சர் விஜய் பேசிய ஆணவப் பேச்சை வன்மையாகக் கண்டித்து, ஒருங்கிணைந்த கிருஷ்ணகிரி மாவட்ட தி.மு.க. சார்பில், கிருஷ்ணகிரி கிழக்கு மாவட்டச்செயலாளர் தே. மதியழகன் Ex.MLA., அவர்கள் தலைமையிலும்,
கிருஷ்ணகிரி மேற்கு மாவட்டச் செயலாளர் ஒய். பிரகாஷ் Ex.MLA., முன்னிலையிலும், நாளை (12.09.2026 – சனிக்கிழமை) காலை 10.00 மணியளவில்,
கிருஷ்ணகிரி புதிய பேருந்து நிலையம் – பேரறிஞர் அண்ணா சிலை முன்பு
“மாபெரும் கண்டன ஆர்ப்பாட்டம்” நடைபெற உள்ளது.
இக்கண்டன ஆர்ப்பாட்டத்தில் கழக மூத்த முன்னோடிகள், முன்னாள் நாடாளுமன்ற மற்றும் சட்டமன்ற உறுப்பினர்கள், மாநில மற்றும் மாவட்டக் கழக நிர்வாகிகள், ஒன்றிய, மாநகர, நகர, பகுதி, பேரூர், வட்ட மற்றும் கிளைக் கழகச் செயலாளர்கள் – நிர்வாகிகள், அனைத்து சார்பு அணிகளின் நிர்வாகிகள், உள்ளாட்சி அமைப்புகளின் பிரதிநிதிகள் மற்றும் கழகத் தோழர்கள் அனைவரும் பெருந்திரளாகக் கலந்து கொண்டு,
“வரலாற்றை கொச்சைப்படுத்தாதே!
சட்டமன்றத்தின் மாண்பைக் காப்பாற்று!
ஆணவப் பேச்சை நிறுத்து!”
என்ற கண்டனக் குரலை ஜனநாயக வழியில் வலிமையாகப் பதிவு செய்யும் வகையில், இம்மாபெரும் கண்டன ஆர்ப்பாட்டத்தில் அனைவரும் பெருந்திரளாகக் கலந்து கொண்டு சிறப்பிக்குமாறு கேட்டுக்கொள்கிறோம்.
இவ்வாறு அவர்கள் கூறியுள்ளார்கள்.