திருவாரூர்,செப். 11 –
தமிழ்நாட்டின் “ரீல்ஸ்” முதலமைச்சராய், சட்டமன்ற மாண்புகளை காற்றில் பறக்கவிட்டு ,யாரோ எழுதிக்கொடுக்கும் வசனங்களை பேசி, தொடர்ந்து மக்களை ஏமாற்றிவரும் “குதிரைபேர முதல மைச்சரின்” ஆணவப்பேச்சினை கண்டித்து, நாளை ( 12.09.2026 –. சனிக்கிழமை) திருவாரூரில் மாபெரும் கண்டன ஆர்ப்பாட்டம் நடைபெறுகிறது . இதுகுறித்து மாவட்ட செயலாளர் பூண்டி.கே.கலைவாணன் எம்.எல்.ஏ. தமது அறிக்கையில் கூறி இருப்பதாவது.
திரையுலக மோகம், போலியான கவர்ச்சிகளை வைத்து மக்களை மயக்கி, தனது சுய ரூபங்களை மறைத்து, போலியான பிம்பத்தை சமூக ஊடகங்களில் பொய்யாக கட்டமைத்து குழந்தைகளையும் பெண்களையும் ஏமாற்றி, குடும்பத்துக்குள் குழப்பங் களை ஏற்படுத்தி, போலியான வாக்குறுதிகளையும் கொடுத்து ஆட்சியை குறுக்கு வழியில் கைப்பற்றி, தி.மு.க. தயவால் வெற்றிபெற்றவர்களையும், அ.தி.மு.க. சட்டமன்ற உறுப்பினர்களை அமைச்சர் பதவி தருவதாயும் ஏமாற்றி, குதிரைபேரம் நடத்தி ஆட்சி நடத்திக்கொண்டிருக்கும் நடிகர் விஜய் அவர்கள், பொறுப்புக்கு வந்த பின்னும் பொறுப்போடு செயல்படாமல் உளறிகொண்டிருக்கிறார்.
மக்களுக்கு கொடுத்த வாக்குறுதிகளை நிறைவேற்ற முடியாம லும், சந்தி சிரிக்கும் சட்டம் ஒழுங்கை சீர்படுத்த முடியாமலும், தவெக நிர்வாகிகளின் பாலியல் குற்றங்களை தடுக்க முடியாமலும் , பெருகிவரும் கொலை கொள்ளைகளை கட்டுப்படுத்தமுடியாமலும், சட்டமன்றத்தில் எதிர்க்கட்சித்தலைவர் உதயநிதி ஸ்டாலின் அவர்களின் மக்கள்
நலன் சார்ந்த கேள்விகளுக்கு பதிலளிக்க முடியாமல், கையாலாகாத தங்களின் நிர்வாக சீர்கேட்டை மறைக்க, யாரோ எழுதிக்கொடுத்த சம்பந்தமே இல்லாத வசனங்களை பேசி மக்களை திசைதிருப்பியும் வருகிறார்.
ஐந்துமுறை ஆட்சிப்பொறுப்பில் இருந்த தமிழினத்தின் தலைவராம், மண்ணின் மைந்தர் முத்தமிழ் அறிஞர் கலைஞர் அவர்களையும், ஒட்டுமொத்த இந்தியாவின் புகழை உலக அரங்கில் உயர்த்திய முன்னாள் மத்திய அமைச்சர் முரசொலி மாறன் அவர்களையும், திருமணமான ஐந்தே மாதங்களில் தனது 23 வது வயதில் மிசா எனும் கருப்பு சட்டத்தில் கைது செய்யப்பட்டடு சிறையில்சித்திரவதைகளை அனுபவித்த, திராவிட நாயகர் தளபதி அவர்களையும், அவர்கள்தம் தியாகத்தையும் கொச்சைப்படுத்தும் விதமாக, சட்டமன்றத்தில் பேசியிருக்கும் முதல்வர் விஜய் அவர்களை வன்மையாக கண்டிக்கி றோம்.
காற்றில் பறக்கவிடப்படும் சட்டமன்றத்தின் மாண்புகள் , வரலாறு தெரியாத தற்குறிகளால் கொச்சைப்படுத்தப்படும் கழகத்தின் தியாக வரலாறுகள், மீம்ஸ்களை உருவாக்கதவெகவினர் செய்யும் கேலிக்கூத்துக்கள், இவைகளை கண்டித்து கழகத்தலைவர் திராவிட நாயகர் தளபதி, எதிர்க்கட்சித் தலைவர் உதயநிதி ஸ்டாலின் ஆகியோர்களின் வழிகாட்டுதல்களின்படி, நாளை ( 12.09.2026 – சனிக்கிழமை) காலை 10.30. மணியள வில் திருவாரூர் கலைஞர் பேருந்துநிலையம் எதிரே-பெரியார் சிலை அருகில் மாபெரும் கண்டன ஆர்ப்பாட்டம் நடைபெற இருக்கிறது.
இந்த ஆர்ப்பட்டத்தில் மாநில, மாவட்ட நிர்வாகிகள், தலைமைச் செயற்குழு, பொதுக்குழு உறுப்பினர்கள், ஒன்றிய, நகர, பேரூர்
மற்றும் கிளை வார்டு கழக நிர்வாகிகள், அனைத்து சார்பு அணிகளின் அனைத்து அமைப்பாளர்கள் , உள்ளாட்சி அமைப்புக்களின் பிரதி நிதிகள் மற்றும் கழக முன்னோடி கள், கழக உடன்பிறப்புகள், சமூக ஆர்வலர்கள் பெருந்திரளாக பங்கேற்க வேண்டும் என அழைக்கிறேன்.
இவ்வாறு மாவட்டச் செயலாளர் பூண்டி.கே.கலைவாணன்
எம்.எல்.ஏ. தமது அறிக்கையில் குறிப்பிட்டுள்ளார்.