#Title

100 சதவீதம் எங்களுக்கு வெற்றி வாய்ப்பு உள்ளது! த.வெ.க. ஆட்சியின் அவலங்களை மக்களிடத்தில் எடுத்துச் சொல்லி வெற்றி பெறுவோம்! மதுராந்தகம் தொகுதி கழக வேட்பாளர் இ.பரந்தாமன் பேட்டி!

சென்னை, செப்.11 –

மதுராந்தகம் தொகுதி வேட்பாளர் – தி.மு.க. சட்டத்துறை இணைச் செயலாளர் இ.பரந்தாமன் அளித்த பேட்டி வருமாறு :

திராவிட முன்னேற்றக் கழகத்தினுடைய தலைவர், கழகத் தலைவர் அவர்கள், மதுராந்தகத்தில் திராவிட முன்னேற்றக் கழகத்தினுடைய வேட்பாளராக முன்னாள் அமைச்சர் அண்ணன் அன்பரசு அவர்களும், மாவட்டக் கழகத்தினுடைய செயலாளரும் முன்னாள் சட்டமன்ற உறுப்பினருமான அண்ணன் சுந்தர் அவர்களுடைய பரிந்துரையை ஏற்று, கழகத் தலைவர் அவர்களும், கழகத்தினுடைய இளைஞரணிச் செயலாளர் அவர்களும், கழகத்தினுடைய பொதுச் செயலாளர் உள்ளிட்ட தலைமைக்கழக நிர்வாகிகள் அனைவரும் என்னை இன்றைக்கு மதுராந்தகத்தில் போட்டியிடுவதற்கான வாய்ப்பினை நல்கியிருக்கிறார்கள்.

திராவிட முன்னேற்றக் கழகத்தினுடைய வேட்பாளராக நிறுத்தப்பட்டிருக்கிற நான், த.வெ.க. ஆட்சியினுடைய அவலங்களை மக்களிடத்தில் எடுத்துச்சொல்லி, திராவிட முன்னேற்றக் கழகம் அந்தத் தொகுதியில் வெற்றி பெற்று, வெற்றிக் கனியைப் பறித்து, எங்களுடைய தலைவரிடத்திலே சமர்ப்பிப்போம். திராவிட முன்னேற்றக் கழகத்தினுடைய தோழர்கள் களத்தில் என்றைக்கும் வலிமையாகவும், வலுவாகவும் இருக்கக்கூடியவர்கள்.

ஏமாற்றம் தரும் ஆட்சி!

கடந்த 100 நாட்களாக இந்த அரசு எப்படிப்பட்ட அவலநிலையை அடைந்திருக்கிறது என்பது எல்லோருக்கும் தெரியும். சொன்ன வாக்குறுதிகளை நிறைவேற்றவில்லை. எதிர்பார்த்த மக்களுக்கு ஏமாற்றத்தைத் தந்திருக்கிறது.

திராவிட முன்னேற்றக் கழகத்தினுடைய தலைவர் ஆட்சியில் எந்த அளவுக்கு நாங்கள் எல்லாம் மகிழ்ச்சியாக இருந்தோம் என்று மக்கள் சொல்லி வருகிறார்கள். இந்த அரசின் திட்டங்கள் சென்றடையவில்லை. விலைவாசி அதிகமாக உயர்ந்திருக்கிறது. மின்கட்டணம் அதிகமாக உயர்ந் திருக்கிறது.

அரசினுடைய சமூகநலத் திட்டங்கள் எல்லாம் ஒவ்வொரு தனிநபரையும் சென்று அடையவில்லை. முதியோர் உதவித்தொகை பலருக்குக் கிடைக்கவில்லை. கைம்பெண்கள் உதவித்தொகை பலருக்குக் கிடைக்கவில்லை. இதுபோன்ற எண்ணற்ற பிரச்சினைகள் இருக்கின்றன.

ஆட்சியின் அவநிலையை வீடு வீடாக எடுத்து செல்வோம்!

இவற்றை எல்லாம் நாங்கள் வீடு வீடாகச் சென்று எடுத்துச் சொல்லி, எங்கள் வெற்றிக் கனியைப் பறிப்போம்.

எங்களுடைய சாதனைகளைச் சொல்லி நாங்கள் வாக்குக் கேட்போம். எங்களுடைய தலைவரை முன்னிறுத்தி நாங்கள் வாக்குக் கேட்போம்.

இடைத்தேர்தல் ஆளும் கட்சிக்கு பலமாக இருக்குமா என்ற செய்தியாளர் கேள்விக்கு..

இதுவே ஒரு மைனாரிட்டி கவர்மென்ட். அவர்களுக்கு என்ன பெரிய பலம் இருக்கிறது? கழகத் தொண்டர்கள் எங்களோடு இருக்கிறார்கள். மக்கள் எங்களோடு இருக்கிறார்கள். நிச்சயமாக நல்ல உள்ளங்கள் எங்களோடு இருக்கின்றன. நாங்கள் வெற்றி பெறுவோம். எங்களுக்கு 100% வெற்றி வாய்ப்பு இருக்கிறது.

இவ்வாறு இ.பரந்தாமன் பேட்டியளித்தார்.