வேலூர், செப்.11–
சமீபத்தில் நடந்து முடிந்த சட்டமன்ற கூட்டத் தொடரில் முன்னாள் முதல்வர் கழகத் தலைவர் மு.க.ஸ்டாலின் அவர்களை உருவ கேலி மூலம் கொச்சைப்படுத்தி பேசிய பேச்சை கண்டித்து மாபெரும் கண்டன ஆர்ப்பாட்டம் நடைபெறும் என வேலூர் தெற்கு மாவட்ட செயலாளர் ஏ.பி.நந்தகுமார் அவர்கள் தனது அறிக்கையின்வாயிலாக பின்வரு மாறு தெரிவித்துள்ளார்.
பிரிட்டிஷ் இந்தியாவின் சென்னை ராஜதானியில் 1920-–ல் அமையப்பெற்ற சட்டப்பேரவையில் பணியாற்றிய முதல்வர்கள் மற்றும் சுதந்திர இந்தியாவில் சென்னை மாகானத்தில் 1952-ல் அமையப்பெற்ற
சட்டபேரவையில் பணியாற்றிய முதல்வர்கள் மற்றும் 1967- சென்னை மாகானமாக இருந்ததை பேரறிஞர் அண்ணா அவர்கள் முதல்வராக இருந்த போது தமிழ் அன்னை பெயரில் தமிழ்நாடு என பெயர் சூட்டப்பட்டு நடைபெற்ற சட்டமன்ற தேர்தல்களில் தேர்வுபெற்ற முதல்வர்கள் உள்ளிட்ட அனைத்து முதல்வர்கள் பெரும் ஜாம்புவான்களாகவும் மக்கள் நலம், சமூக சீர்த்திருத்தம் போன்ற காரணிகளை திரம்பட கையாண்டு தமிழ்நாட்டை ஒவ்வொரு காலக்கட்டத்திலும் வளர்ச்சிப்பாதைக்கு இட்டுச்சென்ற மாபெரும் ஆளுமைகளாகவும் திகழ்ந்த முதல்வர்கள் அமர்ந்து பணியாற்றி
சட்டமன்றமரபு, மாண்பு, தொண்மை ஆகிய பண்புகளையெல்லாம் தனது நச்சு காலால் இட்டு மிதித்து இன்றைய சட்டமன்றத்தை சண்டை மன்றமாகவும், சினிமா படபிடிப்பு தளமாகவும், ஒழுக்க மற்று ஒரு முதல்வர் எப்படியெல்லாம் சட்டமன்ற அவையில் தரம் தாழ்ந்து செயல்பட கூடாதோ அதற்கு எடுத்துக்காட்டாக இருந்து மூத்த சட்டமன்ற உறுப்பினர்கள் மற்றும் எதிர்க்கட்சி உறுப்பினர்களை உதாசினம்படுத்தி சட்டமன்ற அவையை போர்களமாக்கி தனது திராணியற்ற செயல்பாடுகளால் வாக்களித்த மக்கள் மற்றும் உலகதமிழ்மக்கள் அனைவரும் முகம் சுளிக்கும் வகையில் தற்குறிகளின் தலைவனாகவும், எதிர்கட்சிகளின் கேள்விகளுக்கு பதில் அளிக்காமல்
திசைதிருப்பி வீரா வசனம் பேசும் தமிழ்நாடு முதலைமைச்சர் ஜோசப் விஜய் அவர்களால், மக்கள் முதல்வராக இருந்து தமிழ்நாட்டை முதன்மை மாநிலமாக உயர்த்திய மாண்புமிகு முத்துவேல் கருணாநிதி ஸ்டாலின் அவர்களின் மிசா கால சிறைதண்டனையை கொச்சை படுத்தியும், உருவ கேலி செய்து விமர்சிக்கும் வகையிலும், சட்டமன்ற அவையில் அநாகரிகமாகவும், அவதூராகவும் பேசிய ஆணவபோக்கை கண்டித்து கழகத் தலைவர் அவர்கள் தமிழ்நாட்டின் அனைத்து வருவாய் மாவட்ட தலைநகரங்களில் கண்டன கூட்டம் நடத்த வேண்டும் என கேட்டுக்கொண்டதன் பேரில் நாளை (12-.9-.2026 –சனிக்கிழமை) காலை 10.30 மணிக்கு வேலூர் அண்ணா கலையரங்கம் அருகில் மாபெரும் கண்டன ஆர்ப்பாட்டம் நடைபெற உள்ளது.
எனவே இம்மாபெரும் கண்டன ஆர்ப்பாட்டத்தில் வேலூர் மாவட்ட தி.மு.கவிற்கு உட்பட்ட மாவட்ட நிர்வாகிகள், தலைமை செயற்குழு, பொதுக்குழு உறுப்பினர்கள், மாநகர, ஒன்றிய, நகர, பகுதி மற்றும் பேரூர் செயலாளர்கள், நிர்வாகிகள், தலைமை கழக நிர்வாகிகள், மாநில அணிகளின் துணை செயலாளர்கள், மாவட்ட சார்பு அணிகளின் நிர்வாகிகள், வட்ட, வார்டு, ஊர் கிளை நிர்வாகிகள், உள்ளாட்சிமன்ற பிரதிநிதிகள், கழக இந்நாள், முன்னாள் முன்னோடிகள் அனை வரும் திரளாக கலந்துகொண்டு இம்மாபெரும் கண்டன ஆர்ப்பாட்டத்தை வெற்றிபெறசெய்திட திரண்டு வாரீர்.
இவ்வாறு அவர் தெரிவித்துள்ளார்.