#Title

சட்டமன்றத்தில் முதல்வர் விஜய் அடாவடி ஆணவப் பேச்சைக் கண்டித்து விழுப்புரத்தில் நாளை கண்டன ஆர்ப்பாட்டம்! விழுப்புரம் வடக்குமாவட்டச் செயலாளர் செஞ்சி மஸ்தான்வேண்டுகோள்!

செஞ்சி, செப்.11–

விழுப்புரம் வடக்கு மாவட்ட திமுக சார்பில் நாளை 12ஆம் தேதி சட்டமன்றத்தில் முதல்வர் விஜய் அடாவடி ஆணவப் பேச்சை கண்டித்து விழுப்புரத்தில் நடைபெறும் கண்டன ஆர்ப்பாட்டத்தில் கழகத்தினர்கள்திரளாக பங்கேற்க வேண்டும் என விழுப்புரம் வடக்குமாவட்ட செயலாளர்,முன்னாள் அமைச்சர் செஞ்சி மஸ்தான்வேண்டுகோள் விடுத்துள்ளார்.

இது குறித்து அவரது அறிக்கையும் கூறுகையில்:

திராவிட முன்னேற்றக் கழகத்தையும், ஐந்து முறை இந்த நாட்டை ஆண்ட முதலமைச்ச தலைவர் கலைஞரையும் இந்தியாவின் புகழை தோகாமாநாட்டில் நிலை நாட்டிய பொருளாதார மேதை முரசொலி மாறனின் , திருமணம் ஆன ஐந்தே மாதத்தில் 23 வயதில் மிசா அவசர நிலை சட்டத்தில் கைதாக்கப்பட்டு சிறைச்சாலை, சித்திரவதைகளை அனுபவித்து ஓராண்டு காலம் சிறையில் இருந்த தியாகத் தலைவர் மு.க.ஸ்டாலின் அவர்களின்தியாகத்தை கொச்சைப் படுத்தி சட்டமன்றத்தில் முதலமைச்சர் விஜய் பேசிய பேச்சு பெரும் கடுமையான கண்டனத்துக்குரியது.முதலமைச்சர் விஜயின் ஆட்சியின் தோல்விகளுக்கு பதில் சொல்ல முடியாமல் தப்பித்துக் கொள்ள கொச்சையான பேச்சுக்களை பேசும் தரம் மற்ற மனிதராக முதலமைச்சர் மாறி இருக்கிறார்.

இவரது பேச்சைக் கண்டிக்கும் வகையில் திமுக சார்பில் வருவாய் மாவட்ட தலைநகரங்களில் நாளை 12.9.2026சனிக்கிழமை காலை 10:30 மணி அளவில் மாவட்ட கழக செயலாளர் தலைமையில் மாபெரும் கண்டன ஆர்ப்பாட்டம் நடைபெறும் என தலைமைக் கழகம்அறிவித்திருந்தது .

அந்த வகையில் தமிழ்நாடு சட்டமன்றத்தில் மிகவும் அருவருக்கத்தக்க வகையில் சட்டமன்ற மாண்புக ளை மீறி மறைந்த தலைவர்களை கலங்கப்படுத்தும் வகையில் பேசிய முதல்வர் விஜயின் அடாவடி ஆவண பேச்சை கண்டித்து நாளை 12ஆம் தேதி சனிக்கிழமை காலை10 மணியளவில் விழுப்புரம் புதிய பேருந்து நிலையம் அருகில் மாபெரும் கண்டன ஆர்ப்பாட்டம் நடைபெறுகிறது.

நாளை நடைபெறும் கண்டன ஆர்ப்பாட்டத்தில் கலந்து கொள்வது “நமது உரிமை நமது கடமை “என்ற லட்சிய உணர்வோடு விழுப்புரம் வடக்கு மாவட்டத்தில் உள்ளசெஞ்சி, மயிலம்,திண்டிவனம் தொகுதிக்கு உட்பட்ட மாநில, மாவட்ட ,ஒன்றிய, நகர, பேரூர் கழக நிர்வாகி கள் ,அனைத்து அணி அமைப்பாளர்கள், கழக மூத்த நிர்வாகிகள், உள்ளாட்சி மன்ற பிரதிநிதி கள்என ஒட்டு மொத்த கழகத்தினரும் ஆயிரம் கணக்கில் அலைகட என திரண்டு வந்துகண்டன ஆர்ப்பாட்டத்தில் பங்கேற்க வேண்டும் என அன்புடன் கேட்டுக்கொள்ளப்படுவதாக விழுப்புரம் வடக்கு மாவட்ட செயலாளர், முன்னாள் அமைச்சர் செஞ்சி மஸ்தான் தனது அறிக்கையில் தெரிவித்துள்ளார்.