முனைவர் டி.ஆர்.பி.ராஜா

செய­லா­ளர், தகவல் தொழில்நுட்ப அணி தி.மு.க.

சென்னை, செப்.12–

சென்னை பட்­டி­னப்­பாக்­கத்­தில் புதிய தலை­மைச் செய­ல­கம் கட்ட பொது­மக்­க­ளும், மீன­வர்­க­ளும் கடும் எதிர்ப்பு தெரி­வித்­துள்­ள­னர். கடலை பார்த்­த­படி முதல்­வர் அறை இருக்க வேண்­டும் என விஜ­யின் ஜோதி­டர் கூறி­ய­தற்­காக மீன­வர்­க­ளின் வாழ்­வா­தா­ரத்தை அடி­யோடு அழிப்­பதா என மீன­வர்­கள் கடும் கண்­ட­னம் தெரி­வித்­துள்­ள­னர். இத­னை­யும் மீறி அர­சாணை வெளி­யி­டப்­பட்­டுள்­ளது.

சென்னை பட்­டி­னப்­பாக்­கத்­தில் த.வெ.க. அரசு புதி­தாக தலை­மைச் செய­ல­கம் கட்­டப்­பட உள்ள பகு­தி­யில், முள்­ளிக்­குப்­பம், சீனி­வா­ச­பு­ரம், ராஜீவ் காந்தி நகர், பவானி குப்­பம், இரு­த­ய­பு­ரம், செல்­வ­ராஜ்­பு­ரம், டூமிங் குப்­பம், நொச்சி நகர், நொச்­சிக்­குப்­பம் ஆகிய 9 மீனவ கிரா­மங்­க­ளைச் சேர்ந்த மக்­கள், மீன்­பி­டித் தொழி­லையே நம்பி வாழ்ந்து வரு­கின்­ற­னர்.

இப்­ப­கு­தி­யில் புதிய தலை­மைச் செய­ல­கம் அமை­யும் பட்­சத்­தில், தங்­க­ளு­டைய வாழ்­வா­தா­ரம் அடி­யோடு பாதிக்­கப்­ப­டும் என மீன­வர்­கள் அச்­ச­ம­டைந்­துள்­ள­னர். மேலும், பட்­டி­னப்­பாக்­கம், சாந்­தோம், மயி­லாப்­பூர் ஆகிய பகு­தி­கள் பள்ளி மண்­ட­ல­மாக உள்ள நிலை­யில், 10 ஆயி­ரத்­துக்­கும் மேற்­பட்ட மாணவ, மாண­வி­யர் இப்­ப­கு­தி­க­ளில் உள்ள பள்­ளி­க­ளில் படித்து வரு­கின்­ற­னர். இவற்­றை­யெல்­லாம் கருத்­தில் கொண்­டு­தான், ஏற்­க­னவே ஆட்சி புரிந்த திமுக, அதி­முக அர­சு­கள், புதிய தலை­மைச் செய­ல­கம் கட்ட பட்­டி­னப்­பாக்­கத்தை தேர்வு செய்­ய­வில்லை.

ஆனால், கள நில­வ­ரத்­தையே கருத்­தில் கொள்­ளா­மல் இடத்தை மட்­டும் கணக்­கில் கொண்டு தவெக அரசு எடுத்­துள்ள முடிவு மீனவ மக்­களை அச்­ச­ம­டைய வைத்­துள்­ளது. விஜ­யின் வீட்­டின் அருகே தலை­மைச்­செ­ய­ல­கம் வேண்­டும் என்­ப­தற்­காக பட்­டி­னம்­பாக்­கத்தை தேர்வு செய்­வதா என அப்­ப­குதி மக்­கள் கேள்வி எழுப்­பி­யுள்­ள­னர்.

கடலை பார்த்­த­படி முதல்­வர் அறை இருக்க வேண்­டும் என விஜ­யின் ஜோசி­யர் கூறி­ய­தற்­காக மீன­வர்­க­ளின் வாழ்­வா­தா­ரத்தை அடி­யோடு அழிப்­பது எந்த வகை­யில் நியா­யம்? என்­றும் மீன­வர்­கள் வேதனை தெரி­வித்­துள்­ள­னர்.

பிரச்­சா­ரங்­க­ளில் மீன­வர்­க­ளின் நண்­பன் என வச­னம் பேசி­விட்டு, முத­ல­மைச்­ச ­ரா­ன­தும் மீன­வர்­க­ளுக்கு எதி­ராக விஜய் நடந்து கொள்­கி­றார் என்­றும் சினி­மா­வில் எளி­தாக வச­னம் பேசி சென்­று­வி­ட­லாம் - நிஜத்­தில் மக்­க­ளின் நலனை விஜய் அரசு கருத்­தில் கொள்ள வேண்­டும் என்­றும் மீனவ மக்­கள் தெரி­வித்­துள்­ள­னர்.

மக்­கள் நலத்­திட்­டங்­க­ளுக்கு நிதி இல்லை - ஆனால், முதல்­வ­ருக்கு புதிய அறை, புதிய தலை­மைச்­செ­ய­ல­கம் கட்ட மட்­டும் எங்­கி­ருந்து பணம் வந்­தது? த.வெ.க. எம்­எல்­ஏக்­க­ளுக்கு கார் வழங்க எங்­கி­ருந்து நிதி வந்­தது? என­வும் மீனவ மக்­கள் கேள்­வி­ எழுப்பியுள்­ள­னர்.

மேலும் நொச்­சிக்­குப்­பம், சீனி­வா­ச­பு­ரம், முள்­ளிக்­குப்­பம் உள்­ளிட்ட 9 கிரா­மங்­கள் மட்­டு­மின்றி, பழ­வேற்­காடு முதல் கோவ­ளம் வரை உள்ள மீனவ அமைப்­பு­கள் ஒன்று சேர்ந்து வரும் 15–ஆம் தேதி ஆலோ­ச­னைக் கூட்­டம் நடத்த முடிவு செய்­துள்­ள­னர். புதிய தலை­மைச் செய­ல­கம் கட்­டும் முடிவை த.வெ.க. அரசு கைவிட மறுக்­கும் பட்­சத்­தில், தொடர் போராட்­டங்­களை நடத்த முடிவு செய்­துள்­ள­தா­க­வும் மீனவ சங்­கங்­கள் தெரி­வித்­துள்­ளன.

இத­னி­டையே, பொது­மக்­க­ளின் கடும் எதிர்ப்­பை­யும் மீறி பட்­டி­னப்­பாக்­கத்­தில் தலை­மைச்­செ­ய­ல­கம் கட்­டு­வ­தற்­கான அர­சா­ணையை தமி­ழக அரசு இன்று வெளி­யிட்­டுள்­ளது. 22 ஏக்­கர் பரப்­ப­ளவு நிலத்­தில் 20 லட்­சம் சதுர அடி பரப்­ப­ளவு கொண்ட கட்­டி­டம் 1200 கோடி ரூபாய் மதிப்­பீட்­டில் உரு­வாக்­கப்­ப­டும் என்று அர­சா­ணை­யில் குறிப்­பி­டப்­பட்­டுள்­ளது.