மதுரை, செப். 12 –

தமிழ் அறி­ஞ­ரும், பட்­டி­மன்ற நடு­வ­ரு­மான சால­மன் பாப்­பையா அவர்கள் இயற்கை எய்­தி­னார் என்­பதை அறி­விக்­கப் பெரி­தும் வருந்­துகி­றோம்.

கடந்த 5ம் தேதி சிவ­கா­சி­யில் நடந்த சன் டி.வி. சிறப்பு பட்­டி­மன்­றத்­தில் நடு­வ­ராக பொறுப்­பேற்றுநடத்­தி­னார். 2 நாட்­க­ளாக காய்ச்­சல்கார­ண­மாக ஓய்­வெ­டுத்து வந்த நிலை­யில் நேற்று காலை சால­மன்பாப்­பையா அவர்­கள் உயிர் பிரிந்­தது.

வயது மூப்பு கார­ண­மாக சால­மன் பாப்­பையா அவர்­கள் மது­ரை­யில் இயற்கை எய்­தி­னார். அவ­ருக்கு வயது 90.

12,000க்கும் மேற்­பட்ட பட்­டி­மன்றங்­களை நடத்­தி­ய­வர் சால­மன்பாப்­பையா அவர்­கள், கல­க­லப்­பாக பட்­டி­மன்­றங்­களை நடத்­து­வ­தில்புகழ்­பெற்­றவர் சால­மன் பாப்­பையாஅவர்­கள்.

அன்பு தாய்­மார்­களே, அருமைபெரி­யோர்­களோ, இனிய குழந்­தை­களே என்­றொ­லிக்­கும் கணீர்க் குர­லுக்கு சொந்­தக்­கா­ரர். புரா­ணங்­கள், இலக்­கி­யங்­களை பேசிக்­கொண்­டி­ருந்த பட்­டி­மன்­றங்­க­ளில் எளிய மக்­க­ளின் வாழ்க்­கையைபேச வைத்­த­வர். 2021ஆம் ஆண்டுஒன்­றிய அர­சின் பத்­மஸ்ரீ விருது உள்­பட ஏரா­ள­மான விரு­து­க­ளைப் பெற்­றுள்­ளார்.

முத்தமிழறிஞர் கலைஞர் அவர்களிடத்தும், கழகத் தலைவர் அவர்களிடத்தும் மிகுந்த அன்புகொண்டு பழகிய பண்பாளர் அவர்.

கலைஞர் பிறந்த நாள் விழா போன்று கழகம் நடத்திடும் பல்வேறு விழாக்களிலும் பங்கேற்று உரை நிகழ்த்திய பெருமைக்குரியவர்.

குறிப்பாக, முத்தமிழறிஞர் கலைஞர் அவர்கள் யாத்த “தொல்காப்பியப் பூங்கா” நூல் வெளியீட்டு விழா சென்னை – அண்ணா அறிவாலயம் ‘கலைஞர் அரங்கில்’ நடைபெற்றபோது – அவ்விழாவில் பங்கேற்று “தொல்காப்பியப் பூங்கா” நூலின் முதற்படியைப் பெற்றுக் கொண்டு, அந்நூல் குறித்து திறனாய்வுரை நிகழ்த்தி, அவ்விழாவிற்குப் பெருமைச் சேர்த்தார் சால­மன் பாப்­பையா அவர்கள்.

எழுத்து, பேச்சு என இலக்கியத் தின் அனைத்து வடிவங்களிலும் ஆளுமைமிக்கவராக விளங்கிய சால­மன் பாப்­பையா அவர்களின் மறைவு, தமிழ் இலக்கிய உலகிற்குப் பேரிழப்பு எனின் அது மிகையல்ல.

மறைந்த சாலமன் பாப்பையா அவர்களின் இறுதி ஊர்வலம் அவரது இல்லத்தில் இருந்து புறப்பட்டு இன்று (12.09.2026) பிற்பகல் மதுரை தத்தனேரி மின் மயானத்தில் தகனம் செய்யப்படு கிறது.