திருவண்ணாமலை, செப். 12 –
செப்டம்பர் 15 அன்று சென்னை, அண்ணா அறிவாலயத்தில் கழகத்தின் முப்பெரும் விழா நடைபெறவுள்ளது. திருவண்ணாமலை தெற்கு, வடக்கு மாவட்ட தி.மு.க. சார்பில், சென்னையை நோக்கி அணித்திரள்வோம், ஆர்ப்பரிப்போம் என்று முன்னாள் அமைச்சரும், கழகத்தின் கொறடாவுமான எ.வ.வேலு அறிக்கை விடுத்துள்ளார்.
இதுகுறித்து, அவர் விடுத்துள்ள அறிக்கையில்,
கடமை, கண்ணியம், கட்டுப்பாடு என்ற தாரக மந்திரத்தை அரசியல் உலகிற்கு அறிமுகம் செய்த ஆற்றலாளர் பேரறிஞர்அண்ணா அவர்களின் பிறந்தநாளாம்
செப்டம்பர் 15,
பண்பாட்டுத் துறையில் பகுத்தறிவு, சமத்துவம், பொருளாதாரத் துறையில் சமதர்மம், அரசியலில் ஜனநாயகம் என்ற கோட்பாட்டுடன், அடுத்த தேர்தலை அல்ல, அடுத்த தலைமுறையைப் பற்றி சிந்திக்கின்ற இயக்கமாம், பவள விழாக்கண்ட திராவிட முன்னேற்றக் கழகம் தொடங்கிய நாள்
செப்டம்பர்- 16,
பாராட்டி போற்றி வந்த பழமைலோகம், ஈரோட்டு பூகம்பத்தால் இடியுதுபார் என்று தலைவர் கலைஞரால் கொண்டாடப்பட்ட, பகுத்தறிவு பகலவன் தந்தை பெரியார் அவர்களின் பிறந்த நாளாம்
செப்டம்பர் -17,
ஆக இவை மூன்றையும் கழகம் ஒவ்வொரு ஆண்டும் முப்பெரும் விழாவாக கொண்டாடி வருகிறது. விழாவில் பெரியார் விருது, அண்ணா விருது, கலைஞர் விருது, பாவேந்தர் விருது, பேராசிரியர் விருது, கழகத் தலைவர் மு.க.ஸ்டாலின் ஆகியோரின் பெயரில் விருதுகள் வழங்கப்படுகிறது.
இந்த ஆண்டு செப்டம்பர் 15 செவ்வாய் அன்று சென்னை, அண்ணா அறிவாலயத்தில், கழகத்தின் முப்பெரும் விழா நடை பெறவுள்ளது.
கழகத் தலைவர் அண்ணன் மு.க.ஸ்டாலின், எதிர்க்கட்சித் தலைவர் உதயநிதி ஸ்டாலின் ஆகியோரின் ஆணையை ஏற்று,
திருவண்ணாமலை தெற்கு, வடக்கு மாவட்டத்தில்உள்ள மாவட்ட, மாநகர, நகர, ஒன்றிய, பேரூர், கிளைக் கழக, வட்டக் கழக நிர்வாகிகள், அணி சார்ந்த அமைப்பின் நிர்வாகிகள், உள்ளாட்சி அமைப்பின் பிரதிநிதிகள் மற்றும் கழக முன்னோடிகள், சென்னை, அண்ணா அறிவாலயம் நோக்கி அணித் திரள்வோம், ஆர்ப்பரிப்போம்.
இவ்வாறு முன்னாள் அமைச்சர் எ.வ.வேலு அறிக்கையில் கூறியுள்ளார்.