சென்னை, செப். 12 –
பேரவையில் இராமநாதபுரம் நகராட்சிக்குட்பட்ட பகுதியில் சேதுபதி மன்னர்கள் காலத்தில் கட்டப்பட்ட கட்டிடங்களை தொன்மை மாறாமல் புதுப்பிக்க வேண்டும் என்று காதர்பாட்சா முத்துராமலிங்கம் கோரிக்கை விடுத்துள்ளார்.
இது குறித்து பேரவையில் நடந்த விவாதங்கள் வருமாறு:–
காதர்பாட்சா முத்துராம லிங்கம்:
ராமநாதபுரம் நகராட்சிக்குட்பட்ட பகுதியில், தொன்மையான கோட்டாட்சியர் அலுவலகம் இருக்கிறது. கடந்த திராவிட மாடல் ஆட்சியில் தொன்மை மாறாமல் புதுப்பிப்பதற்கான ஆய்வுகள் மேற்கொள்ளப்பட்டன. சேதுபதி மன்னர்கள் காலத்தில் கட்டப்பட்ட கட்டடங்கள்.. .
சேதுபதி மன்னர்கள் காலத்தில் கட்டப்பட்ட அந்தக் கட்டடங்களை, தொன்மை மாறாமல் பராமரித்துத் தருவீர்களா எனக் கேட்டுக்கொள்கிறேன். மேலும், ராமநாதபுரம் மாவட்டஆட்சித் தலைவர் அலுவலகத்திற்கு, போதிய வசதிகளுடன்கூடிய புதிய கூட்ட அரங்கம் ஒன்று வேண்டும். பழைய கட்டடமானது 1991-ல் கட்டப்பட்ட கட்டடம். மழைக் காலங்களில் கூட்ட அரங்கமாகப் பயன்படுத்துவதற்கு, அதில் போதுமான வசதிகள் இல்லை. எனவே, புதிய கூட்ட அரங்கம் அமைக்க வேண்டுமென்றும் தங்களிடத்தில் கோரிக்கை வைக்கிறேன்.
அமைச்சர் கே.ஏ.செங்கோட் டையன்:
பழமைவாய்ந்த கட்டடங்களை யெல்லாம் புதுப்பித்தலைப் பொறுத்தவரை, அக்கட்டங்களுக்கு stability இருந்தால், பழமைமாறாமல் புதுப்பிக்க நடவடிக்கைகள் மேற்கொள்ளப்படும்.
மேலும், மாவட்ட ஆட்சியரகத்தில் கூட்ட அரங்கம் சரியாக இல்லை என்று சொன்னார்கள். அதையும் மனதிலே வைத்து அரசு நடவடிக்கை மேற்கொள்ளும் என்பதைத்தெரிவித்துக்கொள்கிறேன்.
இவ்வாறு விவாதம் நடைபெற்றது.