கிருஷ்ணகிரி, செப். 12 –
கிருஷ்ணகிரி மேற்கு மாவட்டம் ஓசூரில் உள்ள மாவட்டக் கழக அலுவலகத்தில் கிருஷ்ணகிரி மேற்கு மாவட்ட திமுக செயற்குழுக் கூட்டம் மாவட்ட அவைத்தலைவர் அ. யுவராஜ் தலைமையில் நடைபெற்றது.
கழகத் தலைவரின் ஆணைக்கிணங்க, மாநிலம் முழுவதும் கழக அமைப்புகளை மேலும் வலுப்படுத்தும் வகையில் 110 கழக மாவட்டங்கள் உருவாக்கப்பட்டு, மறுசீரமைப்புப் பணிகள் துரிதமாக மேற்கொள் ளப்பட்டு வருகின்றன. அதன் ஒரு பகுதியாக, கிருஷ்ண கிரி மேற்கு மாவட்டத்திற்குட்பட்ட கிளைக் கழகங்கள், பேரூர், ஒன்றியம், வட்டம், பகுதி மற்றும் நகரக் கழகங்களை முழுமையாக மறுசீரமைக்கவும், வரவிருக்கும் உட்கட்சி அமைப்புத் தேர்தல் பணிகளைத் திட்டமிட்டு ஒருங்கிணைக்கவும் இக்கூட்டம் ஏற்பாடு செய்யப் பட்டது.
இக்கூட்டத்திற்கு மேற்கு மாவட்டச் செயலாளர் ஒய். பிரகாஷ் கிருஷ்ணகிரி மாவட்ட கழக மறுசீரமைப்புப் பணிகளுக்காக தலைமைக் கழகத்தால் நியமிக்கப் பட்டுள்ள தலைமைக் கழகப் பிரதிநிதிகளான முன்னாள் நாடாளுமன்ற சட்டமன்ற உறுப்பினர் ஆ. கிருஷ்ணசாமி, மாநில மகளிர் தொண்டரணிச் செயலாளர் நாமக்கல்
ப. ராணி ஆகியோர் சிறப்புரை யாற்றினர்.
உட்கட்சித் தேர்தலை ஜனநாயக முறைப்படியும், தலைமைக் கழகம் வகுத்துத் தந்துள்ள நெறிமுறைகளின்படியும் நடத்தி முடிப்பது, அடித்தள அமைப்புகளை முழுமையாக மறுசீரமைப்பது மற்றும் வரவிருக்கும் மக்கள் நலப் பணிகள், கழக ஆக்கப்பணிகளைத் தீவிரப் படுத்துவது குறித்து கூட்டத்தில் சிறப்புரையாற்றினார்கள் .
இக்கூட்டத்தில் முன்னாள் சட்டமன்ற உறுப்பினர் முருகன், வேப்பனஹள்ளி சட்டமன்ற உறுப்பினர் சீனிவாசன்,ஓசூர் துணை மேயர் ஆனந்தய்யா சின்னசாமி, தலைமைச் செயற்குழு உறுப்பினர்கள் வீராரெட்டி, கிரிஷ், பொதுக்குழு உறுப்பினர்கள் தனலட்சுமி, முனிராஜ், அப்துல்கலாம், மாநில அணிகளின் நிர்வாகிகள் மாதேஸ்வரன், அரியப்பன், ஞானசேகரன்.
ஒன்றியச் செயலாளர்கள் சீனிவாசலுரெட்டி, திவாகர், ரகுநாத், நாகேஷ், சின்ராஜ், கருணாகரன், ராஜா, சிரிதர், பாக்கியராஜ், அப்பையா, ராமமூர்த்தி, பகுதிச் செயலாளர்களான ஓசூர் மாநகராட்சி துணை மேயர் ஆனந்தய்யா, ராமு, பேரூர் செயலாளர்கள் சீனிவாசன், தஸ்தகீர் உள்ளிட்ட மாவட்ட, ஒன்றிய, பகுதி, பேரூர் கழக நிர்வாகி கள் மற்றும் சார்பு அணிகளின் பொறுப்பாளர்கள் பெருந்திரளாகக் கலந்துகொண்டனர்.