கு
திரை பேர த.வெ.க. ஆட்சி அமைந்த 100 நாட்களில், தமிழ்நாடு மக்கள் மீது தேவையற்றஇடைத்தேர்தல் திணிக்கப்பட்டிருக்கிறது. விஜய்க்குதமிழ்நாட்டு மக்கள் அறுதிப் பெரும்பான்மையை வழங்கவில்லை.
காரணம், அனைத்துத் தரப்பு மக்களுக்குமான தலைவராக அவர் இல்லை. சரியாகச் சொல்வதென்றால் அவர் தலைவரே இல்லை.
சினிமாவை மூலதனமாக்கி, ரசிகர்களிடம் வாக்குகளை அறுவடை செய்தவருக்கு, தி.மு.க. கூட்டணியில் இருந்த கட்சிகள்தான் தேர்தல்
முடிவுகளுக்குப் பிறகு, த.வெ.க.வை ஆதரித்து ஆட்சியமைக்க உதவின. பலன் எதிர்பார்த்துச் சென்ற கட்சிகள் மீது முழு நம்பிக்கையை விஜய்யும் அவரது கட்சி நிர்வாகிகளும் வைக்கவில்லை. அதனால்தான், அ.ம.மு.க. சார்பில் வெற்றி பெற்ற ஒரு எம்.எல்.ஏ.வைக் காரில் அழைத்துச் சென்று ஆதரவுக் கையெழுத்து வாங்கினார்கள். முஸ்லிம் லீக்கின் இரண்டு
எம்.எல்.ஏ.க்களில் ஒருவரின் ஆதரவை மட்டும் ஆளுநரிடம் அளித்த கடிதத்தில் த.வெ.க. தெரிவித்திருந்தது.
5 ஆண்டுகள் எதிர்க்கட்சியாக இருந்தபிறகும் ஆட்சியைப் பிடிக்க முடியாமல் போய்விட்டதேஎன்ற பரிதவிப்பில் இருந்த அ.தி.மு.க. எம்.எல்.ஏ.க்களில் ஒரு பகுதியினரிடமும் குதிரை பேரம் நடத்தப்பட்டு, அவர்களும் நம்பிக்கை வாக்கெடுப்பில் த.வெ.க. அரசை ஆதரித்த கூத்தை தமிழ்நாட்டு மக்கள் பார்த்தார்கள். கட்சித் தாவல் தடைச்சட்டம் பாயும் என்று தெரிந்தவுடன், அதில் ஒரு சிலர் தங்கள் எம்.எல்.ஏ. பதவியை ராஜினாமா செய்வதாக சபாநாயகரிடம் கடிதம் கொடுத்துவிட்டு, அடுத்த சில நிமிடங்களில் கோட்டையிலேயே த.வெ.க. வில் இணையும் விழாவை நடத்தினர். இவையெல்லாம் தமிழ்நாட்டு அரசியலில் இதுவரை எவரும் பார்த்திராத ‘சீன்’கள். அந்த ‘சீன்’கள் ஒவ்வொன்றும் ரீல்ஸ்களாகப் பரப்பப்பட்டன.
ஊழலே செய்யாத உத்தமர் வேடம் போடும் விஜய், கட்சி ஆரம்பிப்பதற்கு முன்பே, தன் ரசிகர்களிடமே அதிக விலைக்குத் தன் படத்தின் டிக்கெட்டுகளை விற்றுக் கொள்ளையடிக்கும் தொழில்நுட்பத்தை அறிந்தவர். கலர்ப்படங்களால் அள்ளிக் குவித்த கருப்பு-வெள்ளை பணத்தைக் கணக்கு காட்டாமல் வருமான வரி ஏய்ப்பு செய்து, அதற்காக வழக்கை எதிர்கொண்டவர். கட்சி தொடங்கியபிறகும், மாவட்டப் பதவி-எம்.எல்.ஏ. சீட் என்று த.வெ.க. நிர்வாகிகள் பேரம் நடத்தி கோடி கோடியாகச்
சுருட்டியதை சொந்தக் கட்சிக்காரர்களே வெட்டவெளிச்சமாக்கிய பிறகும் எந்த நடவடிக்கையும் எடுக்காதவர். தன்னை நம்பி ஆதரிப்பவர்களை முட்டாள்களாக்கும் வேலையை விஜய் தொடர்ந்து செய்து வருகிறார்
.
முந்தைய அ.தி.மு.க ஆட்சியில் குவாரி ஊழல்-குட்கா ஊழல் எனப் பல ஊழல் முறைகேடுகளில் ஈடுபட்டு வழக்குகளைச் சந்தித்து வரும் இரண்டு விஜயபாஸ்கர்களை த.வெ.க.வில் இணைத்திருக்கிறார், ஊழலை ஒழிக்கும் உத்தமர் போல நடிக்கும் விஜய். மேலும் சில அ.தி.மு.க. எம்.எல்.ஏ.க்களும் தங்கள் பதவியை ராஜினாமா செய்துவிட்டு, த.வெ.க.வில் இணைந்து, இடைத்தேர்தலில் மீண்டும் போட்டியிட்டு, த.வெ.க.வின் எம்.எல்.ஏ.க்களாக சட்டமன்றத்திற்கு செல்லலாம் என கனவு கண்டு கொண்டிருக்கிறார்கள்.
பதவியை ராஜினாமா செய்தவர்களில் மதுராந்தகம், தாராபுரம் தொகுதிகளின் அ.தி.மு.க. எம்.எல்.ஏ.க்களும் அடக்கம். அவர்கள் ராஜினாமா செய்த தொகுதிகளுக்கு மட்டும் தேர்தல் ஆணையம் இடைத்தேர்தலை அறிவித்துள்ளது. குதிரை பேரம் நடந்த மற்ற தொகுதிகளில் தேர்தல் தொடர்பான வழக்குகள் நடைபெறுவதைக் காரணம் காட்டி இந்த இரண்டு தொகுதிகளுக்கு மட்டும் அக்டோபர் 6ந் தேதி இடைத்தேர்தல் வாக்குப்பதிவாம். 9ந் தேதி வாக்கு எண்ணிக்கையாம்.
தேர்தல் ஆணையத்தின் சூழ்ச்சியான அறிவிப்புகள் குறித்து அரசியல் விமர்சகர்கள் பலரும் கருத்துகளைப் பதிவிட்டு வருகிறார்கள். ஒருதலைப் பட்சமாக இந்திய தலைமைத் தேர்தல் ஆணையம் செயல்பட்டு வருவதை எஸ்.ஐ.ஆர். நடவடிக்கைகள் உள்பட பலவற்றிலும் நேரடியாக அனுபவித்திருக்கிறார்கள் வாக்காளர்கள். மோசமான அனுபவங்களைத் தரும் மோசடியான நடைமுறைகள் ஒவ்வொரு தேர்தலிலும் தொடர்கின்றன. இடைத்தேர்தலும் அதற்கு விதிவிலக்கல்ல.
திராவிட முன்னேற்றக் கழகத்தைப் பொறுத்தவரை தேர்தல் களம்-போராட்டக் களம் என எந்தக் களத்தையும் எதிர்கொள்ளத் தயங்கியதில்லை. “ஆட்சியில் இருந்தாலும் இல்லாவிட்டாலும் மக்களின் உரிமைகளைக் காக்க சண்டை செய்வோம்” என்று கழகத் தலைவர் அவர்கள் குறிப்பிட்டிருப்பது தான் உடன்பிறப்புகளின் உணர்வு. குதிரை பேரத்தால் இடைத்தேர்தல்களைச் சந்திக்கும் தொகுதிகளுக்கு மொத்தமாக தேர்தல் நடத்தினாலும்,
த.வெ.க.வின் முதலாளியான பா.ஜ.க அரசு சொல்வதற்கேற்ப, பிரித்துப் பிரித்து பிட்டு பிட்டாகத் தேர்தல் நடத்தினாலும் தி.மு.க.வினருக்கு அது மக்களைச் சந்திக்கின்ற வாய்ப்பு. அவர்களிடம் உரையாற்றவும், பரப்புரை செய்யவும் கிடைக்கின்ற தருணம்.
மதுராந்தகம்- தாராபுரம் ஆகிய இரண்டு தனித் தொகுதிகளுக்கும் இடைத்தேர்தல் அறிவிக்கப்பட்ட நிலையில், வேட்பாளர்களைத் தேர்வு செய்து அறிவித்த முதல் கட்சி என்ற பெருமையைத் திராவிட முன்னேற்றக் கழகத்திற்கு உரித்தாக்கியிருக்கிறார் கழகத் தலைவரான நம் திராவிட நாயகர்.
மதுராந்தகம் தொகுதியில் கழகத்தின் சட்டத்துறை இணைச்செயலாளர் இ.பரந்தாமன் போட்டியிடுகிறார். தாராபுரம் தொகுதியில் வழக்கறிஞர் சுகன்யா போட்டியிடுகிறார்.
கழகம் தனது வேட்பாளர்களைக் களமிறக்கிய பிறகு, ஆளுங்கட்சியான த.வெ.க. தனது வேட்பாளர்களை அறிவித்தது. இரண்டு தொகுதிகளிலும், தங்கள் பதவியை ராஜினாமா செய்த- ‘குதிரை பேரம்’ புகழ் எம்.எல்.ஏ.க்களே மீண்டும் வேட்பாளர்களாகப் போட்டியிடுகின்றனர்.
100 நாட்களுக்கு முன்பு இரட்டை இலை
சின்னத்தில் போட்டியிட்டவர்கள், சுவரில் வரைந்த சின்னமும்- எழுதப்பட்ட பெயரும் அழிவதற்குள்ளாகவே விசில் சின்னத்தில் போட்டியிடுகிறார்கள். ’பருத்தி மூட்டைகள் குடோனிலேயே இருந்திருக்கலாம்’ என்பது போல, இவர்கள் தங்களுக்கு கிடைத்த வெற்றியின் அடிப்படையில் சட்டமன்ற உறுப்பினர்களாகவே தொடர்ந்திருக்கலாமே? ஏன் ராஜினாமா செய்தார்கள்?
மக்களுக்கு ஓட்டுக்குப் பணம் தராமல் ஜெயித்தோம் என வெற்று வசனம் பேசும்
த.வெ.க, அந்த மக்கள் ஓட்டுப் போட்டதால் ஜெயித்த எம்.எல்.ஏ.க்களை மொத்தமாகப் பணம் கொடுத்து விலைக்கு வாங்கியது. ‘லாட்டரி’ பணத்தில், கட்சி தாவிய அ.தி.மு.க. எம்.எல்.ஏ.க்களுக்கு ‘பம்பர் பரிசு’ அடித்தது. த.வெ.க.வை ஆதரிக்க விருப்பமில்லாத காரணத்தால்தான் மதுராந்தகம், தாராபுரம் மக்கள் இரட்டை இலையை வெற்றி பெற வைத்தார்கள்.
வாக்களித்த மக்களுக்குத் துரோகம் செய்துவிட்டு, தங்களை ஆளுங்கட்சியிடம் அதிக விலைக்கு விற்றுக் கொண்டார்கள் அ.தி.மு.க.
எம்.எல்.ஏ.க்கள். இப்போது, த.வெ.க வேட்பாளர்களாகக் களமிறங்குகிறார்கள். இதுதான் ஜனநாயகமா? இதுதான் ஊழலற்ற அரசியலா? இடைத்தேர்தல்கள் நடைபெறும் தொகுதிகளில் இந்தக் கேள்விதான் மக்கள் மனதில் முதன்மையாக எதிரொலிக்கும். எதிரொலிக்க வேண்டும். உடன்பிறப்புகள் அதனை முழுமையாக எதிரொலிக்கச் செய்ய வேண்டும்.
-– 100 நாட்களில் 200க்கும் அதிகமான கொலைகள்.
–- த.வெ.க. பெண் நிர்வாகிகளுக்கு த.வெ.க. எம்.எல்.ஏ.க்களாலேயே பாலியல் கொடூரங்கள்.
–- கட்டுபபாடற்ற வகையில் போதை மருந்துப் புழக்கம்.
-– த.வெ.க அமைச்சரே பவுடர் நுணுக்குகிறார்.
– - சொந்தக் கட்சி வழக்கறிஞர்களிடமே லஞ்சம் வாங்கி அரசு வழக்கறிஞர் பணி நியமனம் என த.வெ.க. பெண் வழக்கறிஞரே புகார் தெரிவிக்கிறார்.
–- யார் மீது புகாரோ அவர்கள் மீது நடவடிக்கை எடுக்காமல், புகார் கொடுத்தவர்கள் மீதே த.வெ.க. தலைமை நடவடிக்கை எடுக்கிறது.
-– காவல்துறையிடம் பாதுகாப்பு கேட்டு புகார் சொன்னவர்கள் அடுத்த சில நாட்களில் கொலை செய்யப்படுகிறார்கள்.
-– சென்னை- கோவை எனப் பல நகரங்களும் கொலை நகரங்களாகிவிட்டன.
–- தேர்தல் வாக்குறுதிகளை நிறைவேற்ற
வக்கில்லை.
-– அரிசி உள்ளிட்ட அத்தியாவசியப் பொருட்களின் விலை உயர்வைக் கட்டுப்படுத்த நிர்வாகத் திறனில்லை.
–- குடிநீர் விநியோகத்தைக் கூட கவனிக்கத் துப்பில்லை.
-– மின்கட்டணம் தாறுமாறாக உயர்ந்து ‘ஷாக்’ அடிக்கிறது. இரவு நேரத்தில் மின்வெட்டு பாடாய்ப் படுத்துகிறது.
– தொழில் முதலீடுகளை ஆந்திராவுக்குத் தாரை வார்த்தாகிவிட்டது. இளைஞர்களுக்கு வேலை இல்லை.
–- ரீல்ஸ் மட்டுமே கிளுகிளுப்பாக வெளியிடப்படுகிறது.
இப்படி ஒரு மோசமான ஆட்சியை மக்களிடம் அம்பலப்படுத்த கிடைத்த நல்வாய்ப்பாக இரண்டு தொகுதிகளின் இடைத்தேர்தலைப் பயன்படுத்த உடன்பிறப்புகள் களமிறங்குகின்றனர்.
நேரடியாக களத்தில் இறங்கி மக்களை வீடு வீடாகச் சென்று சந்தித்து வாக்கு சேகரிப்பதுடன், சமூக வலைதளங்கள் வாயிலாக ஒவ்வொருவர் கையிலும் உள்ள செல்போனிலும் உண்மைத்
தகவல்களைக் கொண்டு சேர்த்து, த.வெ.க.வின் மோசடிகளைத் தோலுரித்துக் காட்டும் செயல்பாடுகளும் இடைத்தேர்தல் களத்தில் வேகமாக
நடக்கும்.
கழகத் தலைவரின் கட்டளையை ஏற்று களத்திலும், சமூக வலைத்தளத்திலும் செயல்படும் உடன்பிறப்புகளின் அயராத உழைப்பு கழக வேட்பாளர்களின் வெற்றிக்குக் கட்டியம் கூறும்.
வேட்பாளர்கள் அறிவிக்கப்பட்ட நாளில் கழகப் பொதுச்செயலாளர் சொன்னதுபோல, எம்.ஜி.ஆர். ஆட்சிக்காலத்தில் அண்ணாநகர், மயிலாடுதுறை இடைத்தேர்தல்களில் தி.மு.க. பெற்ற வெற்றியின் வரலாறு, மதுராந்தகம்- தாராபுரம் தொகுதிகளிலும் தொடரட்டும்!