குவைத், செப்.13–
அபுதாபியில் நடைபெற்ற சதுரங்கப் போட்டிகளில் பல சாதனைகள் படைத்து வெள்ளி மற்றும் தங்கப் பதக்கங்கள் பெற்ற “குவைத் வாழ் தமிழ் மாணவனுக்கு பாராட்டு”, தி.மு.க., அயலக அணி. குவைத் பொறுப்பாளர் சிதம்பரம் ந.தியாகராஜன் தலைமையில் நிர்வாகிகள் நேரில் சென்று வாழ்த்தினர்.
தமிழன் எங்கு இருப்பினும் தமிழனே, தமிழனோடு கரம் கோர்ப்பது திராவிட முன்னேற்றக் கழகம் மட்டுமே எனும் தமிழகத்தின் முன்னாள் முதல்வர், திராவிட மாடல் நாய கர், கழகத் தலைவர் தளபதி மு.க.ஸ்டாலின், எதிர்க்கட்சித் தலைவர், இளைஞரணி செயலாளர் உதயநிதி ஸ்டாலின் ஆகியோரின் ஆணைப்படி,
கழக அயலக அணியின் தலைவர் டாக்டர் கலாநிதி வீராசாமி எம்.பி. மற்றும் செயலாளர் புதுக்
கோட்டை எம்.எம்.அப்துல்லா மு.எம்.பி ஆகியோரின் வழிகாட்டுதலின்படி
இளம் வயதில் சதுரங்க போட்டிகளில் பல சாதனைகள் படைத்து , அபுதாபி சர்வதேச சதுரங்கப் போட்டியில் பல பதக்கங்கள் வென்ற தமிழகத்தை சேர்ந்த குவைத் மாணவர் மித்திலேஷ் ரஞ்சித்
குமாரை, தி.மு.க., அயலக அணி குவைத் நிர்வாகிகள் நேரில் சென்று வாழ்த்தினர்.
அபுதாபியில் 2026 ஆகஸ்ட் 15 முதல் 26 வரை நடைபெற்ற 32வது அபுதாபி சர்வதேச சதுரங்க விழாவில் உலகின் சுமார் 80 நாடுகளைச் சேர்ந்த வீரர்கள் பங்கேற்றனர்.
இந்தியாவை பிரதி நிதித்துவப்படுத்தி, தமிழ்நாட்டின் சிவகங்கை மாவட்டம் காரைக்குடியைச் சேர்ந்த
வரும், தற்போது குவைத்தில் வசித்து வரும் ரஞ்சித்
குமார் –- சாந்தி தம்பதியரின் மகனுமான மித்திலேஷ் ரஞ்சித்குமார், பல்வேறு பிரிவுகளில் சிறப்பாக விளையாடி பதக்கங்கள்,கோப்பை கள் மற்றும் ரொக்கப் பரிசுகளை வென்று சாதனை படைத்துள்ளார்.
குவைத்தில் உள்ள கல்ஃப் இந்தியன் ஸ்கூல் பள்ளியில் கல்வி பயிலும் மித்திலேஷ், இந்தப் புகழ்பெற்ற போட்டியில் 4வது முறையாக பங்கேற்றது குறிப்பிடத்தக்கது.
அபுதாபியில் நடந்த சதுரங்க போட்டிகளில்
மித்திலேஷ் பெற்ற
சாதனைகள்:
ஸ்கூல் U-15 பிரிவு – தங்கப் பதக்கம்
ஜூனியர் ஓபன் பிரிவு – வெள்ளிப் பதக்கம்
அகாடமி பிரிவு – வெள்ளிப் பதக்கம் ஓபன் A பிரிவு – 9வது இடம்.
மேலும் பல கோப்பைகள் மற்றும் ரொக்கப் பரிசுகள் பெற்றுள்ளார்
கடந்த ஆண்டு இதே சர்வதேச போட்டியின் ஜூனியர்ஸ் பிரிவில் தங்கப் பதக்கம் வென்று சாம்பியன் பட்டம் பெற்ற மித்திலேஷ், இந்த ஆண்டும் தனது திறமையை நிரூபித்து தொடர்ச்சியான வெற்றிகளைப் பதிவு செய்துள்ளார்.
கடந்த ஆண்டு சாம்பியன் பட்டம் பெற்ற மித்திலேஷ் - ஐ பாராட்டி தி.மு.க. அயலக அணி - குவைத் சார்பில் “இளம் சாதனையாளர்” விருது வழங்கியது குறிப்பிடத்தக்கது.
இளம் வயதிலேயே சர்வதேச அளவில் சாதனைகள் படைத்து வரும் மித்திலேஷ் ரஞ்சித்குமார், இந்தியா, தமிழ்நாடு மற்றும் குவைத் தமிழ் சமூகத்திற்கு பெருமை சேர்த்துள்ளார்.
இந்த செய்தியறிந்த குவைத்தில் உள்ள தி.மு.க. அயலக அணியின் நிர்வாகிகள்குவைத் நாட்டின் பொறுப்பாளர் சிதம்பரம் ந.தியாகராஜன் தலைமையில் செயலாளர் புதூர் உத்தமனூர் ஜலீல் முஸ்தபா, துணைச் செயலாளர் மருதூர் ம.பிரேம்குமார்,
தகவல் தொழில்நுட்ப அணி செயலாளர் மேட்டுவிளை ஜ.ஜானவாஸ், தொண்டரணி துணைச் செயலாளர் உடையார்பாளையம் எஸ்.செந்தில்குமார் ஆகியோர் நேரில் சென்று அவரை வாழ்த்தி மகிழ்ந்தனர்.
மேலும் அவர் முன்னெடுக்கும் அனைத்து முயற்சிகளுக்கும் தி.மு.க. துணை நிற்கும் என உறுதி அளித்தனர். கழக நிர்வாகிகள் நேரில் சென்று வாழ்த்தியது இந்த மாணவனுக்கு ஊக்கத்தையும், உற்சாகத்தையும் அளித்தது. மேலும் அவரின் பெற்றோர்மிகவும் மகிழ்ச்சி அடைந்தனர்.