நெல்லை,செப்.13–
“கல்லாப்பெட்டி கூட்டணி” என்று வர்ணிக்கப்பட்ட கட்சிகளை அழைத்து “மதச் சார்பற்ற சமூகநீதி வெற்றி கூட்டணி” என்ற பெயர் மாற்றம் செய்தாலேயே மக்களின் செல்வாக்கை பெற்று விடலாம் என்று கனவு காணாதீர்கள் CMsir? என சட்டப்பேரவை முன்னாள்தலைவர் மு.அப்பாவு தனது எக்ஸ் வலைதளப் பதிவில் கூறியுள்ளார்.
அதில் அவர்கூறி யிருப்பதாவது.
த.வெ.க.ஆட்சி அமைந்த 100 நாட்களுக்குள் மக்களின் கோபம், இளைஞர்களின் அதிருப்தி, பெண்களின் சாபம், விவசாயி களின் கண்ணீர், அரசு ஊழியர்களின் ஆவேசம் ஆகியவற்றால்செல்வாக்கு சரிந்து வருவதை உணர்ந்து இடைத்தேர்தலில் பழைய பருப்பு வேகாது என்பதற்காக உங்களால் “கல்லாப்பெட்டி கூட்டணி” என்று வர்ணிக்கப்பட்ட கட்சிகளை அழைத்து “மதச்சார்பற்ற சமூக நீதி வெற்றி கூட்டணி” என்று பெயர் மாற்றம் செய்தாலேயே மக்களின் செல்வாக்கை பெற்று விடலாம் என்று கனவு காணாதீர்கள் CMsir?
நேற்று தங்கள் தலைமையில் நடைபெற்ற கூட்டணிக் கட்சிகளின் கூட்டம் முடிந்த பின்பு கூட்டத்தின் நோக்கம் குறித்தோ,பிரதமர் வேட்பாளர் குறித்தோ, இடைத்தேர்தலில் போட்டியிடுது குறித்தோ பத்திரிகையாளர்களைச் சந்தித்து பேச துணிவில்லாமல்,கூட்டணி கட்சி தலைவர்கள் தங்கள் விருப்பப்படி கருத்துச் சொல்லிகொள்ளுங்கள் என்று அவர்களை அவமதித்திப்பது,உங்கள் “நரித்தனத்தின் வெளிப்பாடு” என்பது நாட்டு மக்களுக்கு நன்றாக தெரியும் CMsir ?
இந்தியாவில் அரசியல் அமைப்புசட்டம், பத்திரிக்கை சுதந்திரம்,கருத்து சுதந்திரம், மக்களின் உரிமைகளுக்கு எதிரான அன்னைஇந்திரா அவர்களால் கொண்டுவரப்பட்ட நெருக்கடி நிலையை அன்றைய முதல்வர் கலைஞர் அவர்கள் எதிர்த்து குரல் கொடுத்ததால் முன்னாள் முதல்வர் மு.க.ஸ்டாலின் அவர்கள் கைது செய்யப்பட்டு சிறையில் சித்திர வதை அனுபவித்த தியாக வரலாற்றை சட்டமன்றத்தில் கேலி செய்து கூத்தடிக் கும்,பண்பில்லா, அறிவில்லா, நாகரிகமில்லா கூத்தாடிக்கு முதல்வர் பதவி ஒரு கேடா?
ஒருமுறை ஆந்திர முன்னாள் முதல்வர் மறைந்த என்.டி.ராமராவ் அவர்கள் வெளிநாடு பயணம் சென்று திரும்புவதற்குள் சந்திரபாபு நாயுடு அவர்கள் ஆட்சியை கவிழ்த்துமுதல்வரானது போல் ஆதவ்அர்ஜூனா முதல்வராகிவிடக்கூடாது என்ற பயத்தில் உங்களோடு லண்டன்அழைத்து செல்கிறீர்களா CMsir?
இவ்வாறு அவர் கூறியுள்ளார்.