சென்னை, செப். 13–

‘‘தமிழ்நாடு முழுவதும் அறிவிக்கப்படாத மின்வெட்டினால் பொதுமக்கள் வெகுண்டெழுந்து போராடிவரும் நிலையில் துறையின் அமைச்சர் தேவையில்லாத அவதூறுகளை அள்ளி வீசுவதா?’’ என்று சட்டமன்ற எதிர்க்கட்சித் தலைவர் உதயநிதி ஸ்டாலின் அவர்கள் கேள்வி எழுப்பியுள்ளார்.

இது குறித்து அவர் தமது சமூக வலைதளத்தில் பதிவிட்டிருப்பதாவது:

நேற்று முதல் ஊடகங்களில் வெளி யாகி வரும் செய்திகள் இவை.

தொடர்ந்து தமிழ்நாடு முழுவதும் அறிவிக்கப்படாத மின்வெட்டு, மின்சாரம் இருந்தாலும் voltage பிரச்சினை என மக்கள் வெகுண்டெழுந்து வீதிக்கு வந்து போராடிக் கொண்டு இருக்கிறார்கள்.

ஆனால், துறைக்குப் பொறுப்பு வகிக்கும் அமைச்சரோ, இதைச் சரி செய்யும் முயற்சி களைச் செய்யாமல் தேவையில்லாத அவதூறுகளை உளறிக் கொண்டிருக்கிறார்.

மின்சாரம், ஆவின் பால் விநியோகம் என மக்களின் அன்றாட அடிப்படைத் தேவை களையே பூர்த்தி செய்ய முடியாமல் திண்டாடும் 'ப்யூஸ் போன' த.வெ.க. அரசு திசைதிருப்பும் வேலை களை நிறுத்திவிட்டு, மக்கள் பிரச்சினை களில் கவனம் செலுத்த வேண்டும்.

இவ்வாறு சட்டமன்ற எதிர்க்கட்சித் தலைவர் உதயநிதி ஸ்டாலின் அவர்கள் தமது சமூக வலைதளத்தில் பதிவிட்டுள்ளார்.