தமிழ்நாடு சட்டமன்றத்தில் மானிய கோரிக்கை பதில் உரையில் மோசமான உடல் மொழியுடன் முதலமைச்சர் விஜய் பேசிய பேச்சை கண்டித்து மாபெரும் கண்டன ஆர்ப்பாட்டம் தூத்துக்குடி சிதம்பரநகர் பேருந்து நிறுத்தத்துக்கு அருகில் மாவட்ட கழக செயலாளர் பி.கீதாஜீவன் தலைமையில் நடைபெற்றது. ஆர்ப்பாட்டத்தில் விளாத்திகுளம் சட்டமன்ற உறுப்பினர் ஜி வி.மார்க்கண்டேயன், கோவில்பட்டி சட்டமன்ற உறுப்பினர் கா.கருணாநிதி, தூத்துக்குடி மேயர் ஜெகன் பெரியசாமி, முன்னாள் சட்டமன்ற உறுப்பினர் சண்முகையா, சி.எஸ்.முரளிதரன், உமரி சங்கர், ஜெயக்குமார் ரூபன், மாநகர செயலாளர் எஸ்.ஆர்.ஆனந்தசேகரன், மாவட்ட துணைச்செயலாளர் ராஜ்மோகன் செல்வின் மற்றும் மாநில, மாவட்ட, மாநகர, ஒன்றிய, நகர, பகுதி, பேரூர் கழக கிளை நிர்வாகிகள், சார்பு அணிகளின் அமைப்பாளர்கள், உள்ளாட்சி அமைப்புகளின் பிரதிநிதிகள், பொதுமக்கள் என திரளாக கலந்து கொண்டனர்.

சட்டமன்றத்தில் முதலமைச்சரின் ஆணவப் பேச்சைக் கண்டித்து இராமநாதபுரம் மாவட்ட ஆட்சியர் வளாகம் முன்பு “மாபெரும் கண்டன ஆர்ப்பாட்டம்” மாவட்ட அவைத்தலைவர் வ.சத்தியமூர்த்தி தலைமையிலும் மாவட்ட கழக செயலாளர் சட்டமன்ற உறுப்பினர் காதர் பாட்ஷா முத்துராமலிங்கம் முன்னிலையிலும் நடைபெற்றது. இக்கண்டன ஆர்ப்பாட்டத்தில் முன்னாள் அமைச்சர் கழக தேர்தல் பணிக்குழு தலைவர் ஆர்.எஸ்.இராஜகண்ணப்பன் எம்.எல்.ஏ, பரமக்குடி சட்டமன்ற உறுப்பினர் கே.கே.கதிரவன்,முன்னாள் அமைச்சர் அன்வர் ராஜா உட்பட, மாநில இளைஞரணி துணைச் செயலாளர் ஏ என்.இன்பா ரகு உள்ளிட்ட கழகத்தினர் பங்கேற்றனர். மண்டபம் மேற்கு ஒன்றிய செயலாளர் கே.ஜே.பிரவீன் நிகழ்ச்சி ஏற்பாடு செய்திருந்தார்.