சென்னை, செப்.13–
தொழிலாளர்களின் விரோத த.வெ.க. அரசை கண்டித்து தமிழ்நாடு மின்கழகத் தொமுச சார்பாக தமிழ்நாடு முழுவதும் மாபெரும் கண்டன ஆர்ப்பாட்டம் நடைபெற்றது.
தமிழ்நாடு முழுவது முள்ள மின்வாரிய மேற்பார்வைப் பொறியாளர் அலுவலகம் முன்பு மற்றும் மின்வாரிய தலைமை அலுவலகம் முன்பு மின்கழகத் தொமுசவினர், மின்வாரி யம் தனியார்மயமாவதை கைவிட வலியுறுத்தி யும், ஒப்பந்தத் தொழிலாளர்களை அடையாளம் கண்டு பணி நிரந்தரம் , விடுபட்ட கேங்மேன் பணிநிரந்தரம் என பல்வேறு கோரிக்கைகளை வலியுறுத்தி 11.09.2026 மாலை 5.20 மணியளவில் தவெக அரசை எதிர்த்து மாநிலம் முழுவதும் நடைபெற்ற கண்டன ஆர்ப்பாட்டத்தில் 10 ஆயிரத்திற்கும் மேற்பட்ட தொழிலாளர்கள் பங்கேற்றனர்.
சென்னையில் மின்வாரிய தலைமை அலுவலகம் முன்பு மின்கழகத் தொமுச பொதுச்செயலாளர் பா.மணிமாறன் தலைமையில் 11.09.2026 மாலை 5.20 மணியளவில், தொமுச பேரவைச்செயலாளர் தனசேகரன் முன்னிலையில் சென்னை, அனைத்துத் திட்டச்சங்க நிர்வாகிகள் / உறுப்பினர்கள் மற்றும் ஒப்பந்தத் தொழிலாளர்கள் என 1000 பேர்கள் எழுச்சியுடன் கலந்துக்கொண்டனர்.
இக்கண்டன ஆர்ப்பாட்டத்தில் மின்கழகத் தொமுச பொதுச் செயலாளர் பா.மணிமாறன் பேசும்போது, திராவிட மாடல், கழகத்தலைவர் அன்புத்தளபதி அவர்களின் அரசு தொழிலாளர்கள் நலன் பாதுகாக்கும் அரசாக இருந்தது. மின்வாரியத்தில் பணிபுரியும் தொழிலாளர்கள், பொறியாளர்கள் மற்றும் அலுவலர்களுக்கு பலசலுகைகள் பெற்றுத்தந்தது.
2021–-2026 ஐந்து ஆண்டுகளில் வரலாற்றுச் சிறப்பு மிக்க 2 ஊதிய உயர்வுகளை மின்வாரிய பணியாளர்களுக்கு வழங்கியது. பணிபுரிகிறவர்கள் மற்றும் பணியிலிருந்து ஓய்வு பெற்றவர்களும், பாதுகாப்பை உறுதிசெய்தும், பெற்று வந்த சலுகைகளை பாதிக்காத வண்ணம் 13 ஆண்டுகள் கிடப்பில் இருந்த முத்தரப்பு ஒப்பந்தம் ஏற்படுத்திக்கொடுத்தார்கள். அதிமுக ஆட்சியில் நிறுத்தி வைக்கப்பட்டிருந்த ஈட்டிய விடுப்பை காசாக்கிக்கொள்ள அனுமதி அளித்தார்கள். உடனுக்குடன் அகவிலைப்படி உயர்வு, கருணைத்தொகையுடன் தீபாவளி போனஸ், பொங்கல் பரிசு உள்ளிட்ட பல சலுகைகளை வழங்கி மின்வாரி யத்தில் பணிபுரிகிறவர்களின் வாழ்வாதாரத்தை உயர்த்தினார்கள்.
புதியதாக பொறுப்பேற்ற இந்த தவெக அரசு 10,000 தொழிலாளர்கள் 5 ஆண்டுகளுக்கு தற்காலிகமாக பணியில் எடுக்க உத்தரவுவழங்கி, தற்போது மின்வாரியத்தில் பணிபுரியும் ஒப்பந்த தொழிலாளர்களை வஞ்சிப்பது நியாயம் ஆகாது. பணிபுரியும் ஒப்பந்த தொழிலாளர்களை அடையாளம் கண்டு அவர்களுக்கு உடனே பணி வழங்க வேண்டும்.
பணியாளர்களின் பற்றாக்குறையால், கூடுதலாக பணிச்சுமையில் உடல்ரீதியாகவும், மனரீதியாகவும் பாதிப்புள்ளாகியிருக்கும் தொழிலாளர்களின் பணிச்சுமையை குறைக்க காலிப்பணியிடங்களை உடனே நிரப்பிட வேண்டும்.
அதே போல கேங்மேன் தொழிலாளர்களுக்கு களப்பணி உதவியாளராக பதவிமாற்றம் வழங்கிட வேண்டும், விடுப்பட்ட கேங்மேன் தொழிலாளர்களுக்கு பணி வழங்க வேண்டும் என பல கோரிக்கைகள் வலியுறுத்தி தவெக அரசை எதிர்த்து கண்டன ஆர்ப்பாட்டத்தில் வலியுறுத்தினார்கள்.
தவெக அரசின் தொழிலாளர் எதிர்ப்பு நிலையை தொடர்ந்தால் மாநில முழுவதும் போராட்டம் விரிவுபடுத்தப்படும் என்று கூறினார்.