புதுக்கோட்டை, -
செப். -14 –
புதுக்கோட்டை தெற்கு மாவட்டச் செயலாளரும், முன்னாள் அமைச்சருமான எஸ்.ரகுபதி எம்.எல்.ஏ வெளியிட்டுள்ள அறிக்கையில் கூறி யிருப்பதாவது:-
காஞ்சி தந்த காவியத் தலைவர் - உலகத் தமிழர் உள்ளங்களில் எல்லாம் சிம்மாசனம் போட்டுக் கொலு வீற்றிருக்கும் செந்தமிழ் அறிஞர் - தமிழ் மொழி உயர்வுக்காகவும் . தமிழர்களின் மேம்பாட்டுக்காக வும் ,
தமிழ் நாட்டின் சிறப்புக்காகவும் வாழ்நாள் எல்லாம் ஓயாது பாடுபட்ட உத்தமர் - கடமை , கண்ணியம் , கட்டுப்பாடு எனும் தாரக மந்திரத்தை அரசியல் உலகத்திற்கு அறிமுகம் செய்து வைத்த ஆற்றலாளர் - “ இப்படை தோற்கின் எப்படை வெல்லும்
“ என்று தம்பிமார் பெரும்படையைக் கண்டு , நெஞ்சுயர்த்தி பெருமிதம் கொண்ட பெருமகன் -
“ மெட்ராஸ் ஸ்டேட்“ என்ற பெயரை “ தமிழ்நாடு ” என்று பெயர் மாற்றம் செய்து தாய்க்குப் பெயர் தந்த தனிப் பெரும் தனயன் - சுய மரியாதை சுடரொளி சொக்க வைக்கும் சொற்பொழிவாளர் - எழுத்து வேந்தர் - தென்னகத்தின் மிகப் பெரும் அரசியல் தலைவர் - பேரறிஞர் பெருந்தகை அறிஞர் அண்ணா அவர்களின் 118 வது பிறந்த நாளான 15.9.2026 செவ்வாய்க்கிழமை காலை 9 மணியளவில் புதுக்கோட்டை தெற்கு மாவட்ட தி.மு.க சார்பில் எனது (முன்னாள் அமைச்சர் எஸ்.ரகுபதி எம்.எல்.ஏ) தலைமையிலும், முன்னாள் அமைச்சர் சிவ.வீ.மெய்யநாதன் எம்.எல்.ஏ, முன்னாள் சட்டப்பேரவை உறுப்பினர் உதயம் சண்முகம் ஆகியோர் முன்னிலையிலும் அறந்தாங்கி பேருந்து நிலை யத்திலிருந்து ஊர்வலமாக புறப்பட்டு சென்று அண்ணா சிலைக்கு மாலை அணிவித்து மரியாதை செலுத்தப்படுகிறது. அது சமயம்
புதுக்கோட்டை தெற்குமாவட்டத்தைச் சேர்ந்த மாநில, மாவட்ட கழக நிர்வாகிகள், தலைமைச் செயற்குழு. பொதுக்குழு உறுப்பினர்கள், முன்னாள், இந்நாள் நாடாளுமன்ற, சட்டமன்ற உறுப்பினர்கள்,
ஒன்றிய, நகர, பேரூர், வட்ட, கிளைக் கழக செயலாளர்கள் மற்றும் நிர்வாகிகள், அணிகளின் அமைப்பாளர்கள், துணை அமைப்பாளர்கள், முன்னாள், இந்நாள் உள்ளாட்சி பிரதிநிதிகள், கழக முன்னோடிகள், செயல்வீரர்கள் கலந்து கொண்டு சிறப்பிக்க கேட்டுக்கொள்கிறேன்.
இவ்வாது தமது அறிக்கையில் கூறி உள்ளார். இந்நிகழ்ச்சிக்கான அனைத்து ஏற்பாடுகளையும் அறந்தாங்கி நகர தி.மு.க செயலாளர் க.ராஜேந்திரன் செய்து வருகிறார்.
கழகத் தலைவர் வழிகாட்டுதலில், இளைஞர் அணிச் செயலாளராக உதயநிதி ஸ்டாலின் அவர்கள் பொறுப்பேற்றதில் இருந்து, தி.மு.க. இளைஞர் அணி அறக்கட்டளை மூலம், பல்வேறு நிதி உதவிகளைத் தொடர்ந்து வழங்கி வருகிறார். அந்த வகையில், காஞ்சிபுரம் வடக்கு மாவட்டம், பல்லாவரம் தெற்கு பகுதி இளைஞர் அணி துணை அமைப்பாளர் ஸ்டாலின் அவர்களுடைய மகன் அவர்களுக்கு கல்வி உதவியாக ரூ.25,000– க்கான காசோலையை நேற்று அன்பகத்தில் வழங்கப்பட்டது. இந்த காசோலையை காஞ்சிபுரம் வடக்கு மாவட்ட இளைஞரணி அமைப்பாளர் கோல்டு டி.பிரகாஷ் வழங்கினார்.