#Title

திருவண்ணாமலை தெற்கு மாவட்ட தி.மு.க. சார்பில் பேரறிஞர் அண்ணா 118-ஆம் ஆண்டு பிறந்த நாள் ஊர்வலம்! முன்னாள் அமைச்சர் எ.வ.வேலு தலைமையில் நடைபெறுகிறது

திருவண்ணாமலை, செப்.14–

திருவண்ணாமலை தெற்கு மாவட்ட திமுக சார்பில், பேரறிஞர் அண்ணா அவர்களின் 118-ஆம் ஆண்டு பிறந்த நாள் விழா ஊர்வலம் நடைபெறுகிறது. ஊர்வலத்திற்கு முன்னாள் பொதுப்பணித்துறை அமைச்சர் எ.வ.வேலு அவர்கள் தலைமையேற்று, பேரறிஞர் அண்ணா அவர்களின் திருவுருவச்சிலைக்கு மாலை அணிவித்து மரியாதை செலுத்துகிறார்.

காஞ்சி தந்த காவியத் தலைவர் - உலக தமிழர்களின் உள்ளங்களிளெல்லாம் சிம்மாசனம் போட்டு, கொலுவீற்றிருக்கும் செந்தமிழறிஞர் - தமிழ்மொழி உணர்வுக்காகவும், தமிழர் மேம்பாட்டிற்காகவும், தமிழ்நாட்டின் சிறப்பிற் காகவும், வாழ் நாளெல்லாம் ஓயாது பாடுபட்ட உத்தமர் - கடமை, கண்ணியம், கட்டுப்பாடு எனும் தாரக மந்திரத்தை அரசியல் உலகிற்கு அறிமுகம் செய்துவைத்த ஆற்றலாளர். இப்படை தோற்கின் எப்படை வெல்லும் என்று தம்பியர் பெரும்படை கண்டு, நெஞ்சுயர்த்தி பெருமிதம் கொண்ட பெருமகன், மெட்ராஸ் ஸ்டேட் என்ற பெயரை தமிழ்நாடு என்று பெயர் மாற்றம் செய்து, தாய்க்கு பெயர் தந்த தனிபெரும் தனயன் - சுயமரியாதை சுடரொளி - சொக்கவைக்கும் சொற்பொழிவாளர் - எழுத்து வேந்தர் - தென்னகத்தின் மிகப்பெரும் அரசியல் தலைவர் பேரறிஞர் அண்ணா அவர்களின் 118-ஆம் ஆண்டு பிறந்த நாள் விழா ஊர்வலம் நடைபெறவுள்ளது.

15.09.2026 செவ்வாய்க்கிழமை காலை சரியாக 9.00 மணிக்கு, திருவண்ணாமலை, காந்தி சிலைஅருகிலிருந்து, திருவண்ணாமலை தெற்கு மாவட்ட திமுக சார்பில், பேரறிஞர் அண்ணா அவர்களின் 118வது பிறந்த விழா ஊர்வலம் நடைபெறவுள்ளது. ஊர்வலத்திற்கு முன்னாள் பொதுப்பணித்துறை அமைச்சரும், சட்டமன்ற கழககொறடாவுமான எ.வ.வேலு அவர்கள் தலைமையேற்று, பேரறிஞர் அண்ணா அவர்களின் திருவுருவச்சிலைக்கு மாலை அணிவித்து மரியாதை செலுத்துகிறார்.

கழக தணிக்கைக்குழு உறுப்பினர் கு.பிச்சா ண்டி, கழக மருத்துவர் அணி துணைத் தலைவர் டாக்டர் எ.வ.வே.கம்பன், நாடாளுமன்ற உறுப்பினர் சி.என்.அண்ணாதுரை, மாவட்ட கழக அவைத் தலைவர் கோ.கண்ணன், தலைமை செயற்குழு உறுப்பினர்இரா.ஸ்ரீதரன், மாநில பொறியாளர் அணி செயலாளர் கு.கருணாநிதி, தலைமைசெயற்குழு உறுப்பினர்கள் பொன்.முத்து, மாவட்ட துணை செயலாளர் மு.பெ.கிரி, தலைமைச் செயற்குழு உறுப்பினர் பெ.சு.தி.சரவணன், மாவட்ட பொருளாளர் எஸ்.பன்னீர்செல்வம், மாவட்ட துணை செயலாளர்கள் ப்ரியா ப.விஜயரங்கன், விஜயலட்சுமி ரமேஷ், மாநில தொ.மு.ச., பேரவைச் செயலாளர் க.சௌந்தர ராசன், மாநகர செயலாளர் ப.கார்த்தி வேல்மாறன்,சிவ.ஜெயராஜ், மாநகர மேயர் நிர்மலா வேல்மாறன், துணை மேயர் சு.ராஜாங்கம், மாநில அமைப்புசாரா அணி ஏ.ஏ. ஆறு முகம் மற்றும் பலர் கலந்து கொண்டனர்.