புதுக்கோட்டை -செப்-13
நடந்து முடிந்த சட்டப்பேரவை கூட்டத் தொடரில் மிசா குறித்து பேசிய முதல்வரை கண்டித்து புதுக்கோட்டை திலகர் தேர்தலில் திமுக சார்பில் கண்டன ஆர்ப்பாட்டம் நடைபெற்றது. இதில் முன்னாள் அமைச்சர்கள் எஸ்.ரகுபதி, சிவ.வீ.மெய்யநாதன், புதுக்கோட்டை வடக்கு மாவட்ட செயலாளர் கே.கே.செல்லப்பாண்டியன், டாக்டர் வை.முத்துராஜா எம்.எல்.ஏ உள்ளிட்ட ஆயிரக்கணக்கா னோர் கலந்து கொண்டு கண்டன முழக்கம் எழுப்பினர்.
பின்னர் செய்தியாளர்களை சந்தித்த முன்னாள் அமைச்சர் எஸ்.ரகுபதி,
நடிகர் விஜய் சினிமாவில் ஹீரோ, அரசியலில் வில்லன் என்று செயல்பட்டு வருகிறார்.
சட்டப்பேரவையில் அவதூறாக பேசிய முதல்வரை கண்டித்து ஆர்ப்பாட்டம் நடைபெற்றது/
சர்க்காரியா கமிஷன் வழக்கில் ஏற்கனவே குற்றம் சாட்டப்பட்டவர்கள் விடுதலை ஆகிவிட்டார்கள்.
குற்றப்பத்திரிகையை எடுத்து வைத்துக் கொண்டு அவதூறாக முதல்வர் சட்டசபையில் பேசினார்.
தீர்ப்புகள் குறித்து தான் பேசப்பட வேண்டுமே தவிர குற்றப்பத்தி ரிகையை வைத்துக்கொண்டு குற்றச்சாட்டை முன்வைக்க கூடாது.
அதே போன்று அமலாக்கத்துறை வழக்கில் குற்றங்கள் குறித்து கருத்துதான் தெரிவிக்கப்பட்டு உள்ளதே தவிர நீதிமன்றத்தில் வழக்கு முடிந்து தீர்ப்பு வரவில்லை.
தீர்ப்பு வந்த பிறகு அது குறித்து விமர்சனம் செய்யலாம்.
மிசா காலத்தில் எங்கள் தலைவர் எதற்காக சிறை சென்றார் என்பது அனைவருக்கும் தெரியும். எதற்காக போனார் என்று அமைச்சர் நிர்மல் குமார் கேட்கிறார், அவருக்கு வரலாறு தெரியாது.
வரலாற்றை மாற்ற பார்க்கும் இயக்கமாக இன்றைக்கு தமிழக வெற்றிக்கழகம் உள்ளது.
இதே நிலை நீடித்தால் இந்தியாவிற்கு சுதந்திரம் வாங்கித் தந்தது காந்தி கிடையாது. விஜய் தாத்தாவுக்கு தாத்தா என்று அவர்கள் ரீல்ஸ் போடுவார்கள். அதையும் மக்கள் நம்பக்கூடிய சூழ்நிலை ஏற்படும்.
அபாண்டமாக பேசுவதையே தொழிலாக தமிழக வெற்றி கழகத்தினர் வைத்துள்ளனர்.
உண்மையை ஒரு தடவையாவது பேசுவார்களா?
சட்டமன்றத்தில் எதிர்க்கட்சித் தலைவர் 15 குற்றச்சாட்டுகள் குறித்து கேள்வி கேட்டிருந்தார். அதற்கெல்லாம் முதலமைச்சர் பதில் கூறவில்லை.
யாராவது லஞ்சம் வாங்கினால் விஜய் மாமாவிடம் கூறி விடுவேன் என்று கூறுங்கள் என்று முதலமைச்சர் கூறினார். லஞ்சம் வாங்குவது குறித்து வெளியே கூறியவர்கள், அடுத்த நாள் அவர் உயிரோடு இல்லை, இருப்பது கிடையாது, இதுதான் இன்றைய நிலை.
தமிழகத்தில் தற்போது கடும் மின்வெட்டு ஏற்பட்டுள்ளது
இதைத் தீர்ப்பதற்கு முதல்வர் நடவடிக்கை எடுக்கவில்லை.
தமிழக முழுவதும் தற்போது ஒரு மணி நேரம் மின்வெட்டு என்று மறைமுகமாக அறிவித்து விட்டனர். இதை தமிழக அரசும் ஒத்துக்கொண்டு விட்டது போல் தான் செயல்பட்டு வருகிறது
விலைவாசி உயர்வு விண்ணை முட்டி விட்டது. இதே நிலை நீடித்தால் இந்தியாவிலேயே முதல்முறை யாக தமிழகத்தில் மக்கள் புரட்சி வெடிக்கும் நிலை ஏற்படும்.
அந்த புரட்சிதான் இந்த ஆட்சிக்கு முற்றுப்புள்ளி வைக்கப்போகிறது.
தி.மு.க. அரசு கார் பந்தயம் நடத்தியதை அப்போது தமிழக வெற்றிக் கழக தலைவர் விமர்சனம் செய்தார். ஆனால் தற்போது அவரே 400 கோடி ரூபாய் செலவில் கார் ரேஸ் நடத்துவதற்கு தனி மைதானம் அமைக்கப்படும் என்று கூறியுள்ளார்.
இந்தியாவிலேயே விளையாட்டுக்குரிய தலைநகரமாக தமிழகத்தை தி.மு.க. ஆட்சி கொண்டு வந்துள்ளது.
காலை உணவுத் திட்ட விழாவிற்கு ஆசிரியர்களே செலவு செய்ய வேண்டும் என்று தமிழக அரசு கூறிவிட்டதாக தகவல் வந்துள்ளது. இதன் மூலமாக ஆசிரியர்களை கேவலப்படுத்தி கொச்சைப்படுத்தும் விதமாக அரசு நடந்து கொண்டு வருகிறது
இரண்டு தொகுதி இடைத்தேர்தல் என்பது சாம்பிள்தான்.
தமிழகத்தில் நடைபெற்று வரும் எல்லா கருத்துகளையும் மக்களிடம் எடுத்து கூறுவோம்.
இரண்டு தேர்தலிலும் வன்னிய சமுதாய மக்கள் என்ன முடிவு எடுக்கிறார்களோ அதுதான் முடிவாக இருக்கும்.
சட்டத்துறை அமைச்சர் என்ற முறையில் கரூர் சம்பவத்தின் போது முதல் குற்றவாளியாக விஜயை சேர்க்க வேண்டும் என்று நான் முதல்வரிடம் மன்றாடினேன். ஆனால் மனிதாபிமான அடிப்படையில்அன்றைய முதல்வர்எங்களுடைய தலைவர் விஜய் மீது வழக்கு பதியாமல் விட்டுவிட்டார்.இது எங்களுக்கு மிகப்பெரிய வருத்தமாகவும் உள்ளது.
கூட்டணிக் கட்சிகளை மதிக்கக்கூடிய தலைவர்தான் எங்களுடைய தலைவர்.
எங்களுடன் இருந்த விடுதலை சிறுத்தைகள் கட்சி வேறு, தற்போது விஜய் கூட்டணியில் உள்ள விடுதலை சிறுத்தை கட்சி வேறு.
கூட்டணியில் இருந்து வெளியேறியவுடன் எங்களை பாராட்ட மாட்டார்கள். அவதூறுதான் பேசுவார்கள். தற்போது அதுதான் திருமாவளவன் செய்துள்ளார்.
விடுதலை சிறுத்தைகள் தற்போது திருமாவள வனோடு உள்ளதா அல்லது விஜய்யுடன் உள்ளதா என்பதை அவர் கூற வேண்டும்.
வைகோ மற்றும் துரை வைகோ ஆகியோர் அரசியல் ஜோக்கர்ஸ்
சந்தர்ப்பவாத அரசியல்வாதிதான்இருவரும் என்று கூறினார்.