திருவள்ளூர், செப். 15;-
திருவள்ளூர் மத்திய மாவட்டம், பூந்தமல்லி மேற்கு ஒன்றிய தி.மு.க. சார்பில் நிர்வாக மறுசீரமைப்பு தொடர்பான கலந்தாய்வு ஆலோசனைக் கூட்டம், ஒன்றியக் கழகச் செயலாளர் டி.தேசிங்கு தலைமையில் நடைபெற்றது.
கூட்டத்திற்கு ஒன்றிய துணைச் செயலாளர் சி.அண்ணாகுமார் வரவேற்புரையாற்றினார். ஒன்றியக் கழக நிர்வாகிகள் இ.கந்தபாபு, சுமதி விஜயகுமார், ஜெ.சாக்ரடீஸ், ஜி.சுகுமார், எம்.குணசேகரன், இ.கந்தன், மாவட்ட இளைஞர் அணி துணை அமைப்பாளர் ஜி.சி.சி.கருணாநிதி, ஜி.பிரவீன்குமார், வெள்ளவேடு கே.கோபிநாத் ஆகியோர் முன்னிலை வகித்தனர்.
கூட்டத்தில் திருவள்ளூர் மத்திய மாவட்ட தி.மு.க. செயலாளரும், முன்னாள் அமைச்சருமான ஆவடி சா.மு.நாசர், முன்னாள் சட்டமன்ற உறுப்பினரும் ஆதிதிராவிடர் நலக்குழு செயலாளருமான ஆ.கிருஷ்ணசாமி ஆகியோர் கலந்து கொண்டு, கழக நிர்வாக மறுசீரமைப்பு பணிகள் குறித்து விரிவான ஆலோசனைகளை வழங்கினர்.
கிளைகள் முதல் ஒன்றியம் வரையிலான கழக அமைப்புகளை மேலும் வலுப்படுத்துதல், நிர்வாகப் பணிகளை முறைப்படுத்துதல், கழக நிர்வாகிகளின் செயல்பாடுகளை ஒருங்கிணைத்தல், தொண்டர்களின் பங்களிப்பை அதிகரித்தல் உள்ளிட்ட பல்வேறு அம்சங்கள் குறித்து ஆலோசிக்கப்பட்டது.
நிர்வாக மறுசீரமைப்பு பணிகளுக்கான படிவங்கள் நிர்வாகிகளுக்கு வழங்கப்பட்டு, அவற்றை முழுமையாகவும் முறையாகவும் பூர்த்தி செய்து உரிய முறையில் சமர்ப்பிக்க வேண்டும் என்றும் அறிவுறுத்தப்பட்டது.
கூட்டத்தில் ஆவடி சா.மு.நாசர் பேசுகையில் கூறியதாவது:
“அண்மையில் நடைபெற்ற சட்டமன்றத் தேர்தலில் பொய்யான வாக்குறுதிகளையும், ரீல்ஸ் பிம்பத்தையும் முன்வைத்து மக்களை ஏமாற்றி ஆட்சிக்கு வந்தவர்கள், இன்று மக்களுக்கு நன்மை செய்வதற்குப் பதிலாக பல்வேறு பாதிப்புகளை ஏற்படுத்தும் வகையில் ஆட்சி நடத்தி வருகின்றனர்.இன்றைய ஆட்சியில் பொறுப்பேற்றது முதல், கொலை, கொள்ளை, பாலியல் குற்றங்கள், திருட்டு உள்ளிட்ட பல்வேறு சட்டம்–ஒழுங்கு பிரச்சினைகள் தொடர்ந்து நடைபெற்று வருவதாக பொதுமக்கள் மத்தியில் கவலை எழுந்துள்ளது. மக்களின் அடிப்படைப் பிரச்சினைகளுக்குத் தீர்வு காண வேண்டிய அரசு, அதற்குப் பதிலாக ஆட்சியின் தோல்விகளை மறைப்பதிலேயே கவனம் செலுத்துகிறது.
சட்டமன்றத்தில் எதிர்க்கட்சித் தலைவர் எழுப்பும் கேள்விகளுக்கு உரிய பதில் அளிக்க முடியாமல், கேள்வியை திசைதிருப்பும் வகையில் பொதுக்கூட்ட மேடைகளில் சினிமா வசனங்களைப் பேசுவது ஆட்சிப் பொறுப்பில் இருப்பவர்களுக்கு அழகல்ல. சட்டமன்றம் என்பது மக்கள் பிரச்சினைகளுக்குப் பதில் சொல்ல வேண்டிய இடம்; சினிமா மேடை அல்ல! மக்கள் அனைத்தையும் கவனித்துக் கொண்டிருக்கிறார்கள். தேர்தல் நேரத்தில் அளிக்கப்பட்ட வாக்குறுதிகளை நம்பி மக்கள் வாக்களித்திருக்கலாம். ஆனால், ஆட்சியின் உண்மை நிலையை மக்கள் தற்போது உணரத் தொடங்கியுள்ளனர்.
எவ்வாறு மக்களை ஏமாற்றி வாக்குகளைப் பெற்றார்களோ, அதே மக்கள் தங்களது ஜனநாயக வாக்கின் மூலம் விரைவில் அவர்களுக்கு உரிய பதிலடியை வழங்குவார்கள்.
கூட்டத்தில் தலைமைச் செயற்குழு உறுப்பினர் கே.ஜெ.ரமேஷ், மாநில மற்றும் மாவட்டக் கழக நிர்வாகிகள் சி.ஜெரால்டு, எஸ்.ஜெயபாலன், ஜி. விமல் வர்ஷன், மாவட்ட இளைஞரணி அமைப்பாளர் நடுக்குத்தகை கே.சுரேஷ்குமார், மாவட்ட நிர்வாகிகள் வழக்கறிஞர் பெ.வினோத், வழக்கறிஞர் என்.பி.மாரிமுத்து, நெமிலிச்சேரி சுரேஷ்குமார், பொன் புனித ராஜ், ஜி.பி.பரனிதரன், இ.வி.இ.பிரதீப், என்.லட்சுமி, உதயா, சி.கருணைக்கடல், மு.தே.ராஜேஷ், மு.உதயா, டி.மணிகண்டன், ஹரிஹரன், கார்த்திக், சிபி, ராஜேஷ் உள்ளிட்ட கழக நிர்வாகிகள், அணிகளின் நிர்வாகிகள் மற்றும் தொண்டர்கள் பலர் கலந்து கொண்டனர்.