வேலூர்,செப்.15–
வேலூர் தெற்கு மாவட்டதி.மு.க.விற்கு உட்பட்ட அனைத்து அமைப்புகளிலும் அண்ணா பிறந்தநாள், கழக முன்னோடிகளுக்கு விருது வழங்கும் கழக முப்பெரும் விழா மற்றும் பெரியார் பிறந்தநாளை அனைத்துநிர்வாகிகளும் தம்தம்அமைப்புகளில் கொண்டாடவேண்டுமென வேலூர் தெற்கு மாவட்டமாவட்டப் பொறுப்பாளர் ஏ.பி.நந்தகுமார் தனது அறிக்கையின் வாயிலாக வேண்டுகோள் விடுத்துள் ளார்.
அவரது அறிக்கை வருமாறு:–
தென்னிந்தியாவில் அன்றைய ஆங்கிலேயர் ஆட்சியிலும், இந்திய துணை கண்டத்தில் காங்கிரஸ் கட்சி யின் அடக்குமுறை ஆட்சியிலும், நிலவிய எண்ணற்ற மக்கள் விரோத நிகழ்வுகள் சமுதாயத்தில் பெரியதொரு பின்னடைவு ஏற்பட்டு மக்கள் எல்லோரும் பெரும் துன்பத்திற்கு ஆளாகி அவதிப்பட்டு வந்தனர். இதனை களைந்திடும் பொருட்டு இந்தியாவில்குறிப்பாக தமிழ்நாட்டில் எத்தனையோ தலைவர்கள் தோன்றினாலும் அவர்களிடையே ஒரு புரட்சி புயலாக பகுத்தறிவு பகலவன் தந்தை பெரியாரின் பாசறையில் ஒரு மாபெரும் போர் வீரனாக தன்னெழுச்சியாக உருவெடுத்து ஒட்டுமொத்த தமிழ்மக்களின் மனசாட்சியாக தமிழ்நாடு தமிழ்மொழி, தமிழ்நாட்டு மக்களின் முன்னேற் றத்திற்கும், உயர்விற்கும் 1949 செப்டம்பர் மாதம் சென்னை ராபின்சன் பூங்காவில் எழு ஞாயிறாக திராவிடச் சூரியனாக உருவெடுத்த திராவிட முன்னேற்ற கழகத்தை தோற்றுவித்து அவ் இயகத்தை தமிழக மக்களின் இயக்கமாக தனது முற்போக்கு எழுத்தாற்றல், பேச்சாற்றல் மூலமாக சுயமரியாதை கருத்துக்களால் முன்னெடுத்து தமிழ்நாடுஒரு புதிய விடியலை நோக்கிநடைபோட்டு தேர்தல் மூலமாக மக்களாட்சியை தமிழக சட்டமன்றத்தில் கட்டியமைத்து எண்ணற்ற திட்டங்களாலும், மக்கள் நலம் சார்ந்த சட்டங்களாலும் நிறைவேற்றி ஒரு மாபெரும் ஒப்பற்ற தலைவராக தன்னை நிலைநிறுத்திய தலைவனாக திகழ்ந்த தென்னாட்டின் பெர்னாட்ஷா, இந்நாட்டின் இங்கர்சால் என மக்களால் போற்றப்பட்ட பேரறிஞர் பெருந்தகை அண்ணா அவர்களின் பிறந்தநாளான இன்று வேலூர் தெற்கு மாவட்டத்தில் உள்ள அண்ணா சிலைகளுக்கு, திருவுருவப்படத்திற்குபுகழ்மாலை அணிவித்தும், ஏழை எளிய இயலாதோர்க்கு நலத்திட்டங்கள் வழங்கியும் கொண்டாட வேண்டுமாய் கேட்டுக்கொள்ளப்படுகிறார்கள்.
மேலும், இன்று மாலை சென்னை அண்ணா அறிவாலயத்தில் முன்னாள் முதல்வர் கழகத் தலைவர் தளபதி முத்துவேல் கருணாநிதி ஸ்டாலின் அவர்களின் தலைமையில் கழக முன்னோடிகளுக்கு விருது வழங்கும் விழாவான கழக முப்பெரும் விழாவில் வேலூர் தெற்கு மாவட்டத்திற்கு உட்பட்ட அனைத்து நிர்வாகிகளும் பெருந்திரளாக கலந்துகொண்டு சிறப்பித் திட வேண்டுமாய் கேட்டுக்கொள்ளப்படுகிறார்கள். இதனைத் தொடர்ந்து, தமிழ்நாடு மூடப்பழக்கவழக்கத்தினால் மூழ்கடிக்கப்பட்டு பிற்போக்கான தங்களது அறிவற்ற செயல்களால் சீறழிந்து சின்னாபின்னமாகஉருக்குலைந்து ஆரிய மாயையில் மூழ்கியிருந்த தமிழ் சமூகத்தை தனது முற்போக்கு சிந்தனையால் தட்டி எழுப்பி மனிதர்களை மனிதர்களாக தலைநிமிர்ந்து நடந்திட தனது வாழ்நாளையெல்லாம் தியாகம் செய்து கல்வி, கலாச்சாரம், பண்பாடு, தமிழ்மொழி சீரமைப்பு மற்றும் வளர்ச்சி ஆகிய காரணிகளில் புரட்சி செய்து மாபெரும் மாற்றத்தை நிகழ்த்தி அன்று முதல் இன்று வரை ஆன்மிகம் என்ற பெயரில் தமிழ் இனத்தை சிதைக்கும் கபடதாரிகளை தனது நாத்திக கொள்கையால் வென்று,தனது பெயரை கேட்டாலே இன்றும் நடுங்கும் அளவிற்கு சீர்மிகு சிந்தனைவாதி யாக திகழ்ந்த பகுத்தறிவு பகலவன் சமத்துவ பெரியாரான தந்தை பெரியாரின் பிறந்தநாளான செப்டம்பர் -17 அன்றும் அன்னாரது திருவுருவ ச்சிலை மற்றும் படத்திற்கு மாலை அணிவத்து மரியாதை செய்திட வேண்டுமாய் வேலூர் தெற்கு மாவட்ட மாநகர, ஒன்றிய, நகர, பகுதி மற்றும் பேரூர் செயலாளர்கள் உரிய ஏற்பாடுகளை செய்திட வேண்டுமாய் கேட்டுக்கொள்ளப்டுகிறார்கள்.
எனவே, மேற்குறிப்பிட்டமூன்று நிகழ்வுகளிலும் மாவட்ட நிர்வாகிகள், தலைமைச் செயற்குழு, பொதுக்குழு உறுப்பினர்கள், மாநகர, ஒன்றிய, நகர, பகுதி மற்றும் பேரூர் செயலாளர்கள்,நிர்வாகிகள் தலைமை கழக நிர்வாகிகள், மாநில அணிகளின் துணை செயலாளர்கள், மாவட்ட சார்பு அணிகளின் நிர்வாகிகள், வட்ட,வார்டு, ஊர்கிளை நிர்வாகிகள், உள்ளாட்சிமன்ற பிரதிநிதிகள், கழக இந்நாள்,முன்னாள் முன்னோடிகள் ஆகியோர்திரளாககலந்து கொண்டுசிறப்பித்திட வேண்டுமாய் கேட்டுக்கொள்ளப்படுகிறார்கள்.
இவ்வாறு வேலூர் தெற்கு மாவட்டமாவட்டப் பொறுப்பாளர் ஏ.பி.நந்தகுமார் தனது அறிக்கையின் வாயிலாக வேண்டுகோள் விடுத்துள்ளார்.