இன்னும் சொல்லப்போனால், கடந்த சட்டமன்றத்தேர்தலில் வெற்றி வாய்ப்பை நாம் இழந்திருக்கிறோம். ஆனால், இன்றைக்கும் ஒரு சிறப்பான எதிர்க்கட்சியாக, மக்களோடு நிற்கக்கூடிய ஒரு எதிர்க்கட்சியாக நாம் ஒவ்வொருவரும் இன்று செயல்பட்டுக் கொண்டிருக்கிறோம்.
இன்று ஒவ்வொரு நாளும் இங்கு இருக்கக்கூடிய `டம்மி’ ஆட்சியாளர்களால் மக்களாகிய அவர்கள் இன்று பல்வேறு பிரச்சினைகளைச் சந்தித்துக் கொண்டிருக் கிறார்கள். ஒவ்வொரு நாளும் ஒவ்வொரு பிரச்சினை வந்து கொண்டிருக்கின்றன. இன்று தமிழ்நாட்டில் பார்த்தீர்கள் என்றால், எங்கு பார்த்தாலும் மின்வெட்டு. சட்டம் ஒழுங்கு எப்படி இருக்கிறது என்று நான் உங்களுக்குச் சொல்லத் தேவையில்லை.
இந்த ஆட்சியில் அரிசி, பருப்பு என்று விலைவாசியும், அவற்றின் பற்றாக்குறையும் ஏறிக்கொண்டே இருக்கின்றன.ஆனால், இதைப் பற்றியெல்லாம் கேள்வி கேட்டால் இங்கு இருக்கக்கூடிய முதலமைச்சரால் பதில் சொல்ல முடியவில்லை. பதில் சொல்ல முடியாத காரணத்தால் நம் மீது, கழகத்தின் மீது, நம்முடைய தலைவர் மீது இன்று பல்வேறு அவதூறுகளை ஒவ்வொரு நாளும் கிளப்பிக் கொண்டிருக்கிறார்கள்.
பெயரை மாற்றி செயல்படும் அரசு
இன்று தமிழ்நாட்டினுடைய வரலாற்றி லேயே இப்படி ஒரு அநாகரிகமான, இப்படி ஒரு `டம்மி’ முதலமைச்சரை நாம் அனைவரும் பார்த்ததே கிடையாது. வரலாற்றிலேயே இதுதான் முதல்முறை. இந்த நான்கு மாதத்தில், ஆட்சிக்கு வரும்போது பல்வேறு வாக்குறுதிகளைச் சொல்லி ஆட்சிக்கு வந்தார்கள். இந்த நான்கு மாதத்தில் ஏதாவது ஒரு திட்டத்தை நிறைவேற்றி இருக்கிறார்களா என்று பார்த்தால் எதுவும் கிடையாது. நாம் கொண்டு வந்த, நம்முடைய தலைவர் முதலமைச்சராக இருக்கும்போது நம்முடைய திராவிட மாடல் அரசு கொண்டு வந்த திட்டங்களை எல்லாம், பெயரை மாற்றி இன்று இந்த அரசு செயல்பட்டுக்கொண்டி ருக்கிறது.
நம்முடைய அரசு கொண்டு வந்த அனைத்துத் திட்டங்கள் மீதும் ஸ்டிக்கர் ஒட்டி அவர்கள் கொண்டு வந்த மாதிரி பொய்யைப் பரப்பிக் கொண்டிருக்கிறார்கள். அதுமட்டுமல்ல, அடுத்த கட்சி சட்டமன்ற உறுப்பினர்களை, விலைக்கு வாங்கி ஆட்சி அமைத்த காரணத்தால்தான் இன்று உங்களுக்குத் தெரியும் இரண்டுதொகுதிகளில் சட்டமன்ற இடைத்தேர்தல் வர இருக்கின்றது.
இந்த ஆட்சியாளர்களின் வீழ்ச்சிக்கு இந்த இடைத்தேர்தல் வெற்றி, ஒரு தொடக்கமாக இருக்க வேண்டும். அதற்கு நாம் அந்த உறுதிமொழியை ஏற்றுக்கொள்ள வேண்டும். இந்த இடைத்தேர்தலில், இங்கு இருக்கக்கூடிய ஆட்சியாளர்களுக்கு, இந்த டம்மி முதலமைச்சருக்கு நாம் அத்தனை பேரும் சேர்ந்து ஒரு சரியான பாடத்தைப் புகட்டவேண்டும்.
தமிழ்ப்பெயர் சூட்டுங்க
ள்
இந்த நேரத்தில் மணமக்களுக்கு ஒரு சிறிய வேண்டுகோள். ஒருவரை ஒருவர் புரிந்து நல்ல நண்பர்களாக நடந்து கொள்ளுங்கள். சுயமரியாதையுடன் விட்டுக்
கொடுக்காமல் இணைந்து வாழுங்கள். உங்களுக்குப் பிறக்கின்ற குழந்தைகளுக்கு அது ஆண் குழந்தையாக இருந்தாலும் சரி, பெண் குழந்தையாக இருந்தாலும் சரி, ஒரு அழகான தமிழ்ப்பெயரைச் சூட்டிக்கொள்ள வேண்டும் என்று கூறிக்கொண்டு, இந்தத் திருமண விழாவிற்கு வருகை தந்திருக்கும் அத்தனை பேருக்கும் மீண்டும் என்னுடைய வாழ்த்துகளைத் தெரிவித்து, மணமக்களுக்கு நம்முடைய வாழ்த்துகளையும் தெரிவித்து, வாய்ப்பிற்கு நன்றி கூறிக் கொள்கிறேன்.
இவ்வாறு கழக இளைஞர் அணிச் செயலாளரும் சட்டப்பேரவை எதிர்க்கட்சித் தலைவருமான உதயநிதி ஸ்டாலின் வாழ்த்திப் பேசினார்.
பங்கேற்றவர்
கள்
மாவட்டக் கழகச் செயலாளர்
மா.சுப்பிரமணியன், முன்னாள் சட்டமன்ற உறுப்பினர் மாவட்ட இளைஞர் அணி அமைப்பாளர் பிரபாகர் ராஜா, மாவட்டப் பொருளாளர் வேளச்சேரி பாஸ்கரன், பகுதிக் கழகச் செயலாளர் ஆனந்தம், வட்டக் கழகச் செயலாளர்கள் கோபி, பார்த்திபன், மதிவாணன், மாவட்ட இளைஞர் அணித் துணை அமைப்பாளர் தரமணி சண்முக நாதன், சந்திரேஷ், தியாகராஜன், வழக்கறிஞர் அணி அமைப்பாளர் ஜெகதீசன், பகுதி இளைஞர் அணி அமைப்பாளர் ராகுல், துணை அமைப்பாளர்கள் விஷ்வா, அருண் உள்பட கழக முன்னணியினர் பலரும் கலந்து
கொண்டனர்.