சென்னை, செப்.15–
ஒப்பந்த முறையில் செவிலியர் பணியிடங்களை நிரப்புவதற்கு எதிர்ப்பு தெரிவித்து செவிலியர் சங்கங்கள் வரும் 18ம் தேதி தமிழகம் முழுவதும் போராட்டம் நடத்தப்படும் என தெரிவித்துள்ளன. தமிழகம் முழுவதும் அரசு மருத்துவமனைகளில் சுமார் 6,500 தொகுப்பூதிய செவிலியர்கள் பணியாற்றி வருவதாகவும், தேர்தலின்போது த.வெ.க. அளித்த வாக்குறுதியின்படி
தங்களை பணி நிரந்தரம் செய்ய வேண்டும்.
நீண்ட காலமாக குறைந்த ஊதியத்தில் பணியாற்றி வருவதால், நிரந்தர அரசு ஊழியர்களுக்கு வழங்கப்படும் ஊதியச் சலுகைகள், பணி பாதுகாப்பு மற்றும் பிற நலன்கள் தங்களுக்கும் வழங்கப்பட வேண்டும் உள்ளிட்ட கோரிக்கைகளை மாநில அரசு உடனடியாக பரிசீலித்து, உரிய நடவடிக்கை எடுக்க வேண்டும் என்றும் சென்னை டி.எம்.எஸ். வளாகத்தில் தொகுப்பூதியத்தில் பணியாற்றும் 500க்கும் மேற்பட்ட செவிலி யர்கள் போராட்டத்தில் ஈடுபட்டனர்.
அப்போது போராட்டம் நடந்த இடத்திற்கு நள்ளிரவிலும், நேரில் சென்ற தமிழக வெற்றிக் கழகத்தின் மாநிலச்செயலாளர், முதன்மைப்பொதுச்செயலாளர் ஆதவ் அர்ஜுனாமுழு ஆதரவை தெரிவித்தார்.செவிலியர்கள் மத்தியில் ‘கொரோனாபோன்ற இக்கட்டான பேரிடர் காலங்களில் தங்கள் உயிரைப் பணயம் வைத்து பணியாற்றிய செவிலியர்களை நடுரோட்டில் உட்கார வைத்திருப்பது கண்டிக்கத்தக்கது என்று குற்றம் சாட்டினார்.
வாக்குறுதி அளித்த
ஆதவ் அர்ஜூனா
மேலும், எவ்வளவு செலவானாலும் பரவாயில்லை, தமிழக வெற்றிக் கழகம் எப்போதுமே செவிலியர்களின் நியாயமான கோரிக்கை களுக்காக துணையாக நிற்கும்’ என்று உறுதியளித்தார். மேலும் த.வெ.க. தேர்தல் அறிக்கையில், ஆசிரியர்கள், செவிலியர்கள் மற்றும் மின் வாரிய ஊழியர்கள் உள்பட அரசுத் துறைகளில் 5 ஆண்டுகள் பணி அனுபவம் கொண்ட ஒப்பந்த ஊழியர்கள் அனைவரும் பணி நிரந்தரம் செய்யப்படுவார்கள் என்ற
முக்கிய வாக்குறுதியை அளித்திருந்தது. ஆனால் ஆட்சிக்கு வந்த நிலை யில் வாக்குறுதி நிறைவேற்றப்படவில்லை.
இந்நிலையில் நேற்று முன்தினம் த.வெ.க. அரசு ஒப்பந்த அடிப்படையில் 4,724செவிலியர் காலிப்பணியிடங்களை நிரப்புவதற்கான அறிவிப்பாணையை வெளியிட்டது. அதன்படி தமிழ்நாடு மருத்துவம் மற்றும் மக்கள் நல்வாழ்வுத் துறை சார்பில் வெளியிடப்பட்டுள்ள அறிவிப்பில், தேசிய நலவாழ்வு குழுமத்தின் கீழ் இயங்கும் சுகாதார நிலையங்கள், அரசு மருத்துவமனைகள் மற்றும் மருத்துவக் கல்லூரி மருத்துவமனைகளில் காலியாக உள்ள பணி யிடங்களுக்கு ஒப்பந்த அடிப்படையில் செவிலியர்கள் தேர்வு செய்யப்படுவர்.
அதன்படி, ஒப்பந்தம் மற்றும் தற்காலிக செவிலியர் பணிக்கு மொத்தம் 4,724 காலிப் பணியிடங்கள் உள்ளது. இதற்கு விண்ணப்பிப்ப வர்கள் அதிகபட்சம் 50 வயதுக்குள் இருக்க வேண்டும். செவிலியர் பட்டயப் படிப்பான ஜி.என்.எம். அல்லது இளங்கலை செவிலியர் படிப்பான பி.எஸ்.சி. நர்சிங் முடித்திருக்க வேண்டும், அரசு அல்லது அரசு அங்கீகாரம் பெற்ற நிறுவனத்தில் செவிலியர் கல்வி பயின்றிருக்க வேண்டும் என்று அந்த அறிவிப்பில் தெரி விக்கப்பட்டுள்ளது.
https://nhm.tn.gov.in என்ற இணையதளத்தில் விண்ணப் பத்தை பதிவிறக்கம் செய்து வரும் 25ம் தேதி மாலை 5 மணிக்குள் பூர்த்தி செய்யப்பட்ட விண்ணப்பங் களை சம்பந்தப்பட்ட மாவட்ட நலவாழ்வு சங்க அலுவலகத்தில் சமர்ப்பிக்க வேண்டும். தற்போது தேர்தல் நடத்தை விதிமுறைகள் நடைமுறையில் உள்ள திருப்பூர் மற்றும் செங்கல்பட்டு மாவட்டங்களை தவிர்த்து, பிற மாவட்டங்களுக்கு இந்த அறிவிப்பு பொருந்தும் என்று மாநில நலவாழ்வு சங்கம் அறிவிப்பு வெளியிட்டது.
இந்நிலையில் தமிழ்நாடு அரசு, பணியமர்த்தப்படும் ஊழியர்களின் நலனையும் பொதுமக்களின் நலனையும் கருத்தில் கொண்டு இந்த முடிவை கைவிடுவதுடன், மருத்துவத்துறை தொடர்ந்து நிரந்தர தன்மையுடன் இயங்க அனைத்துப் பணியாளர்களையும் நிரந்தர தன்மையுடன் பணியமர்த்த நடவடிக்கை எடுக்க வேண்டும். மேலும் தற்காலிகப் பணிநியமனத்தை கைவிடக் கோரி அனைத்து மாவட்டங்களிலும் வரும் 18ம் தேதி மாபெரும் போராட்டம் நடைபெறும் என்று தமிழ்நாடு செவிலியர்கள் மேம்பாட்டு சங்கம் அறிவித்துள்ளது.