திருவள்ளூர், செப்.16-
திருவள்ளூர் மத்திய மாவட்டம், திருவள்ளூர் கிழக்கு மற்றும் மேற்கு ஒன்றிய திமுக சார்பில் கழக நிர்வாக மறுசீரமைப்பு தொடர்பான கலந்தாய்வு ஆலோ சனைக் கூட்டம், ஒன்றியக் கழகச் செயலாளர்கள் சே. பிரேம் ஆனந்த், ஆர்.ஜெயசீலன் ஆகியோர் தலைமையில் நடைபெற்றது. கூட்டத்தில் மாவட்டக் கழகச் செயலாளரும், முன்னாள் அமைச்சருமான ஆவடி சா.மு.நாசர், கழக ஆதிதிராவிடர் நலக்குழு அணிச் செயலாளரும், முன்னாள் சட்டமன்ற உறுப்பினருமான ஆ.கிருஷ்ணசாமி ஆகியோர் கலந்து கொண்டு, கழக மறுசீரமைப்புப் பணிகள் குறித்து ஆலோசனைகளை வழங்கினர். மேலும், மறுசீரமைப்புப் பணிகளுக்கான படிவங்களை சம்பந்தப்பட்ட ஒன்றியக் கழகச் செயலாளர்களிடம் வழங்கினர்.
கூட்டத்தில் ஆவடி சா.மு.நாசர் பேசுகையில், கழகத் தலைவர் தளபதி மு.க.ஸ்டாலின் தலைமையில் நடைபெற்ற தலைமைச் செயற்குழுக் கூட்டத்தில் நிறைவேற்றப்பட்ட கழக மறுசீரமைப்புத் தீர்மானத்தின்படி, மாவட்டத்தில் உள்ள ஒன்றியக் கழக நிர்வாகங்களில் மேற்கொள்ள வேண்டிய பணிகளை அனைவரும் ஒற்றுமையுடன் மேற்கொண்டு விரை ந்து நிறைவேற்ற வேண்டும் என்றார்.
கழகத்தின் அடித்தளத்தை மேலும் வலுப்படுத்தி, மக்களுடன் நெருக்கமாகப் பணியாற்றும் வகை யில் நிர்வாகிகள் தங்களது பணிகளைத் தீவிரப்படுத்த வேண்டும் என்றும் அவர் வலியுறுத்தினார்.
தொடர்ந்து பேசிய அவர், த.வெ.க. ஆட்சியில் பொதுமக்களுக்கான திட்டங்களையும், தேர்தல் வாக்குறுதிகளையும் நிறை வேற்றுவதில் போதிய கவனம் செலுத்தப்படவில்லை . மக்கள் வரிப்பணத்தில் வெளிமாநிலங்களுக்கு பயணம் மேற்கொள்வதிலேயே முதலமைச்சர் கவனம் செலுத்தி வருகிறார்
எதிர்க்கட்சித் தலைவர் சட்டம்–ஒழுங்கு மற்றும் மக்கள் பிரச்சினைகள் குறித்து கேள்வி எழுப்பும்போது, அதற்கு உரிய பதில் அளிக்காமல் சினிமா வசனங்களைப் பேசி திசைதிருப்பும் போக்கு தொடர்கிறது. இதனை தமிழக மக்கள் நன்றாகக் கவனித்துக் கொண்டிருக்கிறார்கள்
எனவே, கழக நிர்வாகி கள் அனைவரும் மறுசீரமைப்புப் பணிகளைச் சிறப்பாக மேற்கொண்டு, கழகக் கட்டமைப்பை மேலும் வலுப்படுத்த வேண்டும். தளபதி மு.க.ஸ்டாலின் அவர்களின் தலைமையில் மீண்டும் கழக ஆட்சி அமைந்திடவும், அவரையே மீண்டும் முதலமைச்சராக அமர்த்திடவும் முழு அர்ப்பணிப்புடன் களப்பணியாற்ற வேண்டும் என்று அவர் கேட்டுக்கொண்டார். இவ்வாறு ஆவடி சா.மு.நாசர் தெரிவித்தார் . இதில் மாநில மாவட்ட கழக நிர்வாகிகள் கே.ஜெ.ரமேஷ், சி.ஜெரால்டு, எஸ் ஜெயபாலன், காயத்ரி ஸ்ரீதரன், பா.நரேஷ் குமார், த.எத்திராஜ், ஜி.விமல் வர்ஷன், எஸ்.சங்கர்,
இளைஞர் அணி நடுகுத்தகை கே.சுரேஷ்குமார், வழக்கறிஞர் எஸ்.மூர்த்தி, பெ.வினோத், வி.தியாகராஜன், எஸ்.செளந்தரராஜன், ஒன்றிய நிர்வாகிகள் ஞா.ரமேஷ், மு.ராஜா, மகேஷ்வரி பால விநியோகம், குட்டி, ஆர்.திலிப்ராஜ், இம்மானுவேல், வி.தியாகராஜன், எஸ்.செளந்தரராஜன், கே.கே.சொக்கலிங்கம், தரணி, சாமுண்டீஸ்வரி சண்முகம், சண்முகம், டி.டி.தயாளன், பரமேஸ்வரன், த.சுகுமார், கெளரி கஜேந்திரன், வ. ஹரி, கசுவா ஆர்.ராஜி, சரவணன் மூர்த்தி, எட்வின், ஆல்பர்ட், உதயகுமார், செல்வி செளந்தரராஜன், ஐ.சி.எப்.ரவி உள்பட திமுக நிர்வாகிகள் கலந்துகொண்டார்கள்.