மதுராந்தகம், செப். 16 –
மதுராந்தகம் மற்றும் தாராபுரம் சட்டமன்ற இடைத்தேர்தலில் போட்டியிடும் தி.மு.க. வேட்பாளர்கள்
பரந்தாமன் மற்றும் எஸ்.சுகன்யா ஆகியோர் தங்களின் வேட்பு மனுக்களை தாக்கல் செய்தனர்.
மதுராந்தகம் மற்றும் தாராபுரம், சட்டமன்றத் தொகுதிகளுக்கான இடைத்தேர்தல் அக்டோபர் 6-ம் தேதி நடைபெறுகிறது. இதற்கான வேட்பு மனுத் தாக்கல் கடந்த 9-ம் தேதி தொடங்கி நடைபெற்று வருகிறது.
இந்நிலையில், மதுராந்தகம் சட்டமன்றத் தொகுதியில் போட்டியிடும்தி.மு.க. வேட்பாளர் பரந்தாமன்,
தேர்தல்நடத்தும் அதிகாரி நரேந்திரனிடம் தனது வேட்பு மனுவை தாக்கல் செய்தார்.
இந்நிகழ்வின் போது, மாவட்டச் செயலாளர்கள் தா.மோ.அன்பரசன், க.சுந்தர், மாநில இளைஞரணி துணை செயலாளர் அப்துல்மாலிக், நாடாளுமன்ற உறுப்பினர் க.செல்வம் உள்ளிட்டவர்கள் உடனிருந்தனர்.
இதனைத் தொடர்ந்து செய்தி யாளர்களிடம் பேசிய பரந்தாமன்,
த.வெ.க. அரசின் நடவடிக்கைகள் ஏமாற்றம் அளிப்பதாக உள்ளதாகவும், இத்தேர்தலில் தி.மு.க. வெற்றி பெறுவது உறுதி என்றும் கூறினார்.
தாராபுரம்!
இதேபோல், தாராபுரம் தொகுதியில்தி.மு.க. சார்பில் போட்டியிடும் வழக்கறிஞர் எஸ்.சுகன்யா, தாராபுரம் கோட்டாட்சியர் பெலிக்ஸ் ராஜாவிடம் தனது வேட்புமனுவைத் தாக்கல் செய்தார்.
அப்போது, துணைப் பொதுச் செயலாளர் மு.பெ.சாமிநாதன், கிழக்கு மாவட்டச் செயலாளர் இல.பத்மநாபன், முன்னாள் அமைச்சர் கயல்விழி செல்வராஜ், நாடாளுமன்ற உறுப்பினர் பிரகாஷ் ஆகியோர்
உடனிருந்தனர்.
இதனைத் தொடர்ந்து செய்தியாளர்களிடம் பேசிய மு.பெ.சாமிநாதன்,த.வெ.க. ஆட்சியில் அனைத்து தரப்பு மக்களும் மிகுந்த இன்னலுக்கு உள்ளாகி வருவதாகவும், இத்தேர்தலில் தி.மு.க. வெற்றி பெறுவது உறுதிஎனறும் தெரிவித்தார்.
இரண்டுதொகுதிகளுக்கானஇடைத்தேர்தலில், வேட்புமனுத் தாக்கல்செய்ய நாளைஇறுதி நாள். வேட்பு மனுக்கள் மீது 17-ம்தேதி பரிசீலனை நடைபெறுகிறது.வேட்புமனுவை திரும்பப் பெற செப்.19-ம்தேதி கடைசி நாள் ஆகும். அக்.9ம் தேதி வாக்கு எண்ணிக்கை நடைபெற உள்ளது.
மதுராந்தகம் சட்டமன்றத் தொகுதி இடைத்தேர்தலில் மதச்சார்பற்ற முற்போக்குக் கூட்டணி சார்பில் போட்டியிடும் கழக வேட்பாளர் இ.பரந்தாமன் வருவாய் கோட்டாட்சியர் நரேந்திரன் அவர்களிடம் தனது வேட்பு மனுவை தாக்கல் செய்தார். உடன் சட்டமன்றத் தொகுதி பொறுப்பாளர்களும், மாவட்டச் செயலாளர்களுமான தா.மோ.அன்பரசன் மற்றும் க.சுந்தர், க.செல்வம் எம்.பி. உள்ளிட்ட மதச்சார்பற்ற முற்போக்குக் கூட்டணி நிர்வாகிகள் உடன் இருந்தனர்.
மதச்சார்பற்ற முற்போக்குக் கூட்டணி சார்பில் தாராபுரம் சட்டமன்றத் தொகுதியில் போட்டியிடும் கழக வெற்றி வேட்பாளர், வழக்கறிஞர்
எஸ்.சுகன்யா தனது வேட்பு மனுவினை தேர்தல் நடத்தும் அலுவலர் ஆ.பெலிக்ஸ் ராஜாவிடம் வழங்கினார். இதில் கழக துணை பொதுச் செயலாளர், முன்னாள் அமைச்சர் மு.பெ.சாமிநாதன் தலைமையில், மாவட்டக் கழகச் செயலாளர் இல.பத்மநாபன், கழக மகளிர் அணி துணை செயலாளர் – முன்னாள் அமைச்சர் என்.கயல்விழி செல்வராஜ், கழக இளைஞர் அணி துணைச் செயலாளர், ஈரோடு நாடாளுமன்ற உறுப்பினர் கே.இ.பிரகாஷ் உள்ளனர்.