மதுரை, ஆனையூர் கூடல் புதூரைச் சேர்ந்த 11ம் வகுப்பு மாணவர் தமிழ்ச்செல்வன் மரணத்தை கொலை வழக்காக மாற்றக்கோரி கமிஷனர் அலுவலகத்தை முற்றுகையிடும் போராட்டம் நேற்று நடந்தது. இதில் பங்கேற்ற இளம்பெண்ணை தரதரவென இழுத்தும், மேலே அமர்ந்தும், இரு கால்களால் அப்பெண்ணின் முகத்தை இறுக்கியும் கைது செய்ய முயன்றனர். சாலையில் விழுந்த அவரை பெண் இன்ஸ்பெக்டர் உட்பட போலீசார் கொடூரமான முறையில் கை, கால்களை பிடித்து குண்டுக்கட்டாக தூக்கி சென்றனர்.