கொடைக்கானல், செப்.17–
மூன்றுமாதமாக சம்பளமேகொடுக்கவில்லை என்று கூறி கொடைக்கானலில் தோட்ட கலை ஒப்பந்த ஊழியர்கள் நிதியமைச்சர் மரிய வில்சனை முற்றுகையிட்ட சம்பவம் பரபரப்பை ஏற்படுத்தி உள்ளது.
தமிழக நிதியமைச்சர்மரிய வில்சன் கொடைக்கானலுக்கு வந்தார். நேற்று அறிஞர் அண்ணாபிறந்த தினத்தை முன்னிட்டு, நகர் ஏரிச்சாலை பூங்காவில் உள்ள அண்ணாசிலைக்குமாலை அணிவிக்க அமைச்சர் மரிய வில்சன்காலை 9.40 மணியளவில் தனது கட்சியினருடன் வந்தார். அப்போது, பூங்காநுழைவாயில் கதவு பூட்டப்பட்டிருந்தது. இதனால் அமைச்சர், அதிகாரிகள் காத்திருந்தனர்.
அப்போது, அங்கிருந்த த.வெ.க.வினர் மற்றும் ஊழியர்கள் சிலர் பூங்கா நுழைவாயில் கதவு பூட்டை உடைக்க முயன்றனர். உடனே அமைச்சர் தடுத்து, ‘‘பூட்டை உடைக்கக் கூடாது’’ எனக்கூறிவிட்டு சுமார் அரை மணி நேரம் காத்திருந்தார்.
பின்னர், அவர் தனது கட்சியினரிடம், ‘‘நான் மதுரைஏர்போர்ட் செல்ல வேண்டும்.நேரம் குறைவாக உள்ளதால் மதுரையில் அண்ணாசிலைக்கு மாலை அணிவித்துக் கொள்கிறேன்’’ என கூறிவிட்டு அங்கிருந்து புறப்பட முயன்றார்.
அப்போது, நகராட்சி நிர்வாக ஊழியர்களால் திடீரென பூங்கா நுழைவாயில் கதவு திறக்கப்பட்டது. பின்னர், அமைச்சர்மரிய வில்சன், அண்ணாசிலைக்கு மாலை அணிவித்து மரியாதை செலுத்தினார்.
அப்போது, அமைச்சரை முற்றுகையிட்ட பிரையண்ட் பூங்கா ஊழியர்கள், ‘‘எங்களுக்கு கடந்த 3 மாதங்களாக சம்பளம் வழங்கப்படவில்லை.
உடனடியாக சம்பளம் வழங்க நடவடிக்கை எடுக்க வேண்டும்’’என்றனர். ‘‘இதுகுறித்துவேளாண்துறை அமைச்சரின் கவனத்திற்கு கொண்டு சென்று நடவடிக்கை எடுக்கப்படும்’’ என அமைச்சர் தெரிவித்தார்.