சென்னை, செப். 17 –
சென்னை பட்டினப்பாக்கம் பகுதியில் புதிய தலைமைச் செயலகம் அமைக்கும் தமிழக அரசின் திட்டத்தை கைவிடக் கோரி, பட்டினப்பாக்கம் கடற்கரை பகுதியில் 56 மீனவ கிராமங்களைச் சேர்ந்த
பிரதிநிதிகள் பங்கேற்ற அவசர கலந்தாய்வுக் கூட்டம் நேற்று நடைபெற்றது. கூட்டத்தில், அரசாணையை திரும்பப் பெறாவிட்டால், தொடர் போராட்டங்களை நடத்துவது, அதற்கு முன்னோட்டமாக வீடு
களில் கருப்புக்கொடி போராட்டம் நடத்துவது என்று முடிவு எடுக்கப்பட்டுள்ளது.
தமிழக அரசு கடந்த 8ம் தேதி வெளியிட்ட அரசாணை அடிப்படையில், சென்னை மயிலாப்பூர் வட்டம், பட்டினப்பாக்கம் பகுதியில் புதிய சட்டமன்றம் மற்றும் தலைமைச் செயலக வளாகம் அமைக்க நடவடிக்கை எடுக்கப்பட்டு வருகிறது. சுமார் ரூ.1,200 கோடி மதிப்பில் 20 லட்சம் சதுர அடி பரப்பளவில் புதிய வளாகம் அமைக்க திட்டமிடப்பட்டுள்ளதாக தெரிவிக்கப்பட்டுள்ளது. இதற்காக பட்டினப்பாக்கம் பகுதியில் பல்வேறு நிலங்கள் அடையாளம் காணப்பட்டுள்ள தாகவும் தெரிவிக்கப்பட்டுள்ளது.
இதனால், மீனவ கிராமங்களான முள்ளிக்குப்பம், சீனிவாசபுரம், முள்ளி மாநகர், நம்பிக்கை நகர் உள்ளிட்ட மீனவப் பகுதிகளில் பல தலைமுறைகளாக வசித்து வரும் மக்களின் குடியிருப்பு மற்றும் நில உரிமைகள் பாதிக்கப்படும் அபாயம் இருக்கிறது. மேலும், மீன் பிடித்தல், படகுகளை நிறுத்து தல், மீன்பிடி வலைகளைபின்னுதல் மற்றும் உலர்த்துதல், மீன்களை உலர்த்தி விற்பனை செய்தல் உள்ளிட்ட தங்களது பாரம்பரிய கடலோரத் தொழில் நடவடிக்கைகள் பாதிக்கப்படும் என்று அப்பகுதியில் வசித்து வரும் மக்கள் தெரிவிக் கின்றனர்.
மீனவர்களின்நில உரிமைகள் தொடர்பாக 1957-ம் ஆண்டு மற்றும் 2019-ம் ஆண்டு கடலோர ஒழுங்குமுறை மண்டல அறிவிக்கை ஆகியவற்றை சுட்டிக் காட்டி, தங்களது வாழ்வாதாரத்தை பாதிக்கும் வகையில் புதிய தலைமைச் செயலகம் அமைக்கும் முடிவை அரசு மறுபரிசீலனை செய்ய வேண்டும் என பொதுமக்கள் வலியுறுத்தினர்.
இதுதொடர்பாக அடுத்தகட்ட போராட்ட நடவடிக்கைகள் குறித்து முடிவு செய்வதற்காக பட்டினப்பாக்கம் கடற்கரை பகுதியில் அவசர கலந்தாய்வுக் கூட்டம் நேற்று நடைபெற்றது.
எண்ணூர் நெட்டுக்குப்பம் முதல் கோவளம் வரையிலான 56 மீனவ கிராமங்களைச் சேர்ந்த பிரதிநிதிகள், நிர்வாகிகள் மற்றும் பொதுமக்கள் கூட்டத் தில் பங்கேற்றனர். புதிய தலைமைச் செயலகத் திட்டத்தால் மீனவர்களின் வாழ்வாதாரம் மட்டுமின்றி, அப்பகுதியில் ஏற்கனவே நிலவி வரும் போக்குவரத்து நெரிசலும் மேலும் அதிகரிக்கும். பட்டினப்பாக்கம் பகுதியில் பிரதான சாலை மற்றும் இணைப்புச் சாலை என குறைந்த எண்ணிக்கையிலான சாலைகளே உள்ள நிலையில், தலைமைச் செயலகம் போன்ற மிகப்பெரிய அரசு வளாகம் அமைந்தால் தினசரி வாகனப் போக்குவரத்து கணிசமாக அதிகரிக்கும் என்றும் மீனவர்கள் தெரிவித்தனர்.
முதல்வர் 17ம் தேதி தமிழ்நாடு திரும்புவதாக கூறப்படுகிறது. அதன்பிறகு மேலும் 3 நாட்கள்
காத்திருப்போம். 21ம் தேதிக்குள் அரசாணையை ரத்து செய்ய வேண்டும். அதையும் மீறி ஒரு செங்கல்லை கூட நட்டால், அரசு பெரும் விளைவுகளை சந்திக்க நேரிடும். மேலும், புதிய தலைமைச் செயலகத்துக்கான கட்டு மானப் பணிகள் தொடங்கும் பட்சத்தில், மீனவ கிராம மக்கள் ஒன்றிணைந்து தொடர் போராட்டத்தை முன்னெடுக்க முடிவு செய்துள்ளதாக தெரிவித்தனர். கடலில் இறங்கி போராட்டம் நடத்துவது, சாலை மறியல், தொடர் ஆர்ப்பாட்டங்கள் உள்ளிட்ட பல்வேறு வடிவங்களில் போராட்டங்களை நடத்த வேண்டும் என்றும், தேவையான கட்டத்தில் முதலமைச்சர் விஜய்யின் பட்டினப் பாக்கம் இல்லம் மற்றும் பனையூரில் உள்ள இல்லத்தை முற்றுகையிடும் போராட்டத்தையும் அறிவிக்க நேரிடலாம் எனவும் மீனவ கிராம பிரதிநிதிகள் கூறினர்.
அரசு உடனடியாக அரசாணையை திரும்பப் பெற்று, புதிய தலைமைச் செயலக திட்டத்தை மாற்று இடத்தில் செயல்படுத்த வேண்டும். இல்லையெனில் அனைத்து மீனவ கிராம மக்களையும் ஒருங்கிணைத்து தொடர் போராட்டம் நடத்தப்படும் என்று கலந்தாய்வுக் கூட்டத்தில் எச்சரிக்கை விடுக்கப்பட்டது. அரசு தங்களது கோரிக்கையை ஏற்காவிட்டால், ஆரம்பகட்ட எதிர்ப்பை தொடர்ந்து போராட்டத்தை தீவிரப்படுத்துவோம். 9 கிராமங்களில் இருந்து மட்டுமின்றி, தமிழகத்தின் பல்வேறு பகுதிகளில் உள்ள மீனவ மக்களையும் ஒருங்கிணைத்து பெரிய அளவில் போராட்டம் நடத்தப்படும் என்றும் மீனவ கிராம
பிரதிநிதிகள் தெரிவித்தனர்.
ஏற்கனவே, கூடங்குளம் அணு உலைக்கு எதிராக மீனவர்கள் பெரிய அளவில் போராட்டத்தை நடத்தி உலகின் கவனத்தை ஈர்த்தனர். அதேபோன்றதொரு போராட்டத்தை சென்னை மீனவர்கள் நடத்துவார்கள் என்றும் அவர்கள் அரசை எச்சரித்தனர்.
“தந்தை பெரியாரின் ஒவ்வொரு பிறந்த நாளும் “சமூகநீதி நாளாக” கடைபிடிக்கப்படும் என்றும்; அப்பிறந்த நாள் அன்று “சமூகநீதி நாள் உறுதிமொழி ஏற்க வேண்டும்” என கழகத் தலைவர் மு.க.ஸ்டாலின் அவர்கள், தமிழ்நாடு முதலமைச்சராக பொறுப்பு வகித்தபோது கடந்த 6.9.2021 அன்று சட்டப்பேரவையில் அறிவித்ததற்கிணங்க;
தந்தை பெரியார் பிறந்த நாளான இன்று ( 17.9.2026) காலை 10.30 மணி அளவில், அந்தந்த மாவட்டக் கழக அலுவலகத்தில், கழகத் தலைவர் அவர்கள் அறிவித்த பின்வரும் “சமூகநீதி நாள் உறுதிமொழி” ஏற்பு நிகழ்ச்சியினை நடத்திட வேண்டுமென அனைத்து மாவட்டக் கழகச் செயலாளர்/பொறுப்பாளர்கள் கேட்டுக் கொள்ளப்படுகிறார்கள்.
இன்றையதினம் காலை 10.30 மணி அளவில் சென்னை, அண்ணா அறிவாலயத்தில் உள்ள அறிஞர் அண்ணா - முத்தமிழறிஞர் கலைஞர் சிலை முன்பு, “சமூகநீதி நாள் உறுதிமொழி ஏற்பு” நிகழ்ச்சி நடைபெறும்.
“சமூக நீதி நாள் உறுதிமொழி”
•
‘பிறப்பொக்கும் எல்லா உயிர்க்கும்’ என்ற அன்பு நெறியும் - ‘யாதும் ஊரே யாவரும் கேளிர்’ என்ற பண்பு நெறியும் எனது வாழ்வியல் வழிமுறையாகக் கடைபிடிப்பேன்!
•
சுயமரியாதை ஆளுமைத்திறனும் - பகுத்தறிவுக் கூர்மைப் பார்வையும் கொண்டதாக என்னுடைய செயல்பாடுகள் அமையும்!
•
சமத்துவம், சகோதரத்துவம், சமதர்மம் ஆகிய கொள்கைகளுக்காக என்னை நான் ஒப்படைத்துக் கொள்வேன்!
•
மானுடப் பற்றும் மனிதாபிமானமும் ஒன்றே எனது இரத்த ஓட்டமாக அமையும்!
•
சமூகநீதியையே அடித்தளமாகக் கொண்ட சமுதாயம் அமைக்கும் எனது பயணம் தொடர இந்த நாளில் உறுதியேற்கிறேன்!
இந்நிகழ்ச்சியில் அந்தந்த மாவட்டத்தைச் சேர்ந்த மாவட்ட, ஒன்றிய, நகர, பகுதி, வட்ட, கிளைக் கழக நிர்வாகிகள் மற்றும் அனைத்து அணி நிர்வாகிகள் மற்றும் கழகத் தோழர்கள் தவறாது கலந்து கொள்ளுமாறு கேட்டுக் கொள்ளப்படுகிறார்கள்.
தலைமைக் கழகம்
தி.மு.க.