தி.மு.க. தலைவர் மு.க ஸ்டாலின் அறிவுறுத்தியபடி தந்தை பெரியார் அவர்களின் 148வது பிறந்தநாள் சமூக நீதி உறுதிமொழி ஏற்பு நாளாக கொண்டாடப்பட்டது. இதையொட்டி தூத்துக்குடி வடக்கு மாவட்ட கழக செயலாளர் முன்னாள் அமைச்சர் பி.கீதாஜீவன் தலைமையில் தெற்கு காவல் நிலையம் அருகில் அமைந்துள்ள பெரியார் சிலைக்கு மலர் மாலை அணிவித்து மரியாதை செய்யப்பட்டது. நிகழ்வில் மாநகராட்சி மேயர் ஜெகன் பெரியசாமி, மாநகர கழக செயலாளர் எஸ்.ஆர்.ஆனந்தசேகரன், மாவட்டப்பொருளாளர் சுசீ ரவீந்திரன், மாவட்ட துணை செயலாளர் ராஜ்மோகன் செல்வின் மற்றும் மாமன்ற உறுப்பினர்கள், பகுதி, வட்ட கழக செயலாளர்கள், நிர்வாகிகள், பொதுமக்கள் என திரளாக கலந்து கொண்டனர். பின்னர் தூத்துக்குடி வடக்கு மாவட்ட கழக அலுவலகத்தில் அலங்கரித்து வைக்கப்பட்டு இருந்த தந்தை பெரியார் படத்துக்கு முன்பு மாவட்ட கழக செயலாளர் பி.கீதாஜீவன் சமூக நீதி நாள் உறுதிமொழி வாசிக்க கழக நிர்வாகிகள் அனைவரும் உறுதிமொழி ஏற்றனர்.