சு
ற்றி நடக்கும் அநீதிகளைப் பார்த்து "இது வழக்கம்போல நடப்பதுதானே" என்று அமைதியாகக் கடந்து போகாமல், "ஏன்? எதற்கு? எப்படி?" என்று கேள்வி கேட்கத் துணிந்த
உரிமைக்குரல் தான் “பெரியார்”.
அவர் ஒரு குறிப்பிட்ட காலத்திற்கு மட்டும் உரியவர் அல்ல; சுயமரியா தையும் பகுத்தறிவும் கொண்ட ஒவ்வொரு தலைமுறையின் சிந்தனை யிலும் வாழும் ஒரு கருத்து வடிவம்.
"நான் சொல்வதையும் அப்படியே நம்பாதே; உன் அறிவுக்கு எது சரியென்று படுகிறதோ, அதை மட்டுமே ஏற்றுக்கொள்" என்று உரக்கச் சொன்ன ஒப்பற்ற ஆசிரியர் அவர்.
தன்னை எந்த இடத்திலும் தலைவனாகவோ, புனிதனாகவோ நிலை நிறுத்திக் கொள்ள விரும்பாத ஒரே தலைவர் அவர். உலகிலேயே தன்னை விமர்சிக்கவும், தன் கருத்துக்களை மறுபரிசீலனை செய்யவும்
சக மனிதர்களுக்கு அழைப்பு விடுத்த மாபெரும் சிந்தனை யாளர்.
பிறப்பின் அடிப்படையில் மனிதர்களைப் பிரித்து வைத்த பாகுபாட்டுச் சுவர்களைத் தகர்த்தெறிந்தவர்.
எளிய மக்களுக்கும், விளிம்புநிலை மாணவர்களுக்கும் கல்வி மறுக்கப்பட்ட காலத்தில், "கல்வியே உரிமை" என்று குரல் கொடுத்தவர்.
பெண்களுக்கு சொத்துரிமை, மறுமண உரிமை, கல்வி, வேலைவாய்ப்பு என அனைத்துத் தளங்களிலும் சரிநிகர் சமானம் வேண்டும் என்று ஒரு நூற்றாண்டுக்கு முன்பே களமிறங்கிய தொலைநோக்குப் பார்வையாளர்.
மனிதன் எந்தச் சூழலிலும் தன்மானத்தையும் சுயமரியாதையையும் அடகு வைக்கக் கூடாது என்ற உணர்வை விதைத்தவர்.
இன்றைய டிஜிட்டல் உலகில் எத்தனையோ தகவல்கள், போலிச் செய்திகள், மூடநம்பிக்கைகள் நம்மைச் சூழ்ந்துள்ளன. அவற்றை அப்படியே ஏற்றுக் கொள்ளாமல், அறிவியல் மனப்பான்மையோடு (Scientific Temper) பகுத்தாய்ந்து முடிவெடுக்கும் சிந்தனைத் திறனே பெரியாரின் தத்துவம்.
பெரியார் என்பது வெறும் உருவமல்ல; அது சிந்தனைச் சுதந்திரம். அநீதியைக் கண்டு பொங்கும் துணிச்சலும், சக மனிதனைச் சமமாக நடத்தும் பண்பும்தான் பெரியாரியம்.
நீ உன் சுயசிந்தனையோடு வாழ்கிறாயா அப்படியென்றால் உன்
எண்ணங்களில் பெரியார் வாழ்கிறார்!
வாழ்க பெரியார்!
வளர்க பகுத்தறிவு!
வெல்க திராவிடம்!