சென்னை, செப். 19 –
மீனவர்களின் வாழ்வாதாரம் பாதிக்கப்படும் என்பதால், சென்னை பட்டினப்பாக்கத்தில் புதிய தலைமைச்செயலகம் கட்டும் பணியை முதலமைச்சர் விஜய் கைவிடவேண்டும் என, உயர்நீதிமன்ற முன்னாள் நீதிபதி சந்துரு தெரிவித்துள்ளார்.
(சென்னை உயர்நீதிமன்ற முன்னாள் நீதிபதி சந்துரு ஆங்கில நாளிதழ் ஒன்றில் எழுதியுள்ள கட்டுரையில், செயின்ட் ஜார்ஜ் கோட்டையில் உள்ள தற்போதைய தலைமைச் செயலகம் இடநெருக்கடி மற்றும் நிர்வாகச் சிக்கல்கள் நிறைந்ததாக மாறியுள்ளது என்பதை யாரும் மறுக்கவில்லை என்றாலும், கல்வி நிறு வனங்கள் மற்றும் வழிபாட்டுத் தலங்கள் நிறைந்த, குறுகிய மற்றும் நெரிசலான சாந்தோம் நெடுஞ்சாலைப் பகுதியில் புதிய தலைமைச்செயலக வளாகத்தைத் திட்டமிடுவது கடுமையான கவலைகளைஎழுப்புவதாக கூறியுள்ளார்.
கடந்த 2019 ஆம் ஆண்டு பிரதமர் மோடி சீன அதிபர் ஜி ஜின்பிங்கை மகாபலிபுரத்தில் சந்திக்க விரும்பிய போது, அவர்கள் இருவரையும் கோவளம் அருகே உள்ள ஒரு நட்சத்திர விடுதியில் தங்க வைக்கத் திட்டமிடப்பட்டது. ஆனால், அந்த விடுதி கடற்கரைக்கு மிக அருகில் இருந்ததாலும், எதிரி நாட்டுப் போர்க்கப்பல்களால் எளிதில் தாக்கப்படக்கூடிய நிலையில் இருந்ததாலும், சீனப் பாதுகாப்பு நிபுணர்கள் அந்த இடத்திற்கு ஒப்புதல் அளிக்க மறுத்துவிட்டனர்.எனவே,சீன அதிபர் கிண்டியில் அமைந்துள்ளஒரு விடுதியில் தங்கி அந்தச் சந்திப்பில் பங்கேற்றார். ஒரு வெளிநாட்டுத் தலைவருக்கு இத்தகைய பாதுகாப்பு அச்சுறுத்தல் இருந்த நிலையில், பாதுகாப்பு குறித்த எந்தவிதமான புரிதலும் இன்றி, ஒட்டுமொத்த தமிழ்நாடு மாநிலத்தின் தலைமைச் செயலகத்தை கடற்கரையிலிருந்து 500 மீட்டர் தொலைவிற்குள் அமைக்கத் தற்போதைய அரசு ஏன் திட்டமிடு கிறது? என்று முன்னாள் நீதிபதி
சந்துரு கேள்வி எழுப்பியுள்ளார்.
மேலும், புதிய தலைமைச்செயலகம் அமையவுள்ள பட்டினப்பாக்க வளாகத்தை அடைய மாற்றுச் சாலை இல்லாத நிலையில், அங்கு கூடுதல் போக்குவரத்துச் சுமை உருவாகும் என்றும் தலைமைச் செயலகம் மற்றும் சட்டமன்றம் இங்கு அமைக்கப்பட்டால், நிரந்தர ஊழியர்கள், துணைப் பணியாளர்கள் மற்றும் பொதுமக்கள் என நாளொன்றுக்கு ஒரு லட்சம் பேர் இங்கு வரு வார்கள் என்று மதிப்பிடப்பட்டுள்ளது. பட்டினப்பாக்கத்துக்கு அருகிலுள்ள உள்ள மந்தைவெளி ரயில் நிலையம் ஒன்றரை கிலோ மீட்டர் தொலைவிலும், அடையாறில்அமையவுள்ள மெட்ரோ ரயில் நிலையம் 2 கிலோ மீட்டர் தொலைவிலும் உள்ளன. வடக்கையும் தெற்கையும் இணைக்கும் ஒரே சாலையான சாந்தோம் நெடுஞ்சாலையில் பேருந்து வழித்தடங்களை அதிகரிப்பதற்கான வாய்ப்பு இல்லை. எனவே, ஊழியர் களுக்கும், பொதுமக்களுக்கும் போதுமான போக்குவரத்து வசதிகளைச் செய்து தராமல், வெறும் அலுவலக வளாகத்தை மட்டும் அமைப்பது ஒரு தீர்வாகாது என்று நீதிபதி சந்துரு
தெரிவித்துள்ளார்.
மேலும், சீற்றத்துடன் கூடிய கடல் நீர் நிலப்பகுதிக்குள் 2 முதல் 3 கிலோ மீட்டர் வரை ஊடுருவிய 2004 ஆம் ஆண்டு சுனாமியை யாரும் மறக்க முடியாது. அப்போது புதிய தலைமைச்செயலகம் அமையவுள்ள தற்போதைய இடம் முழுமையாகத் தனிமைப்பட்டு வெள்ளத்தில் மூழ்கியது, நீர் மட்டம் மந்தைவெளி பேருந்து நிலையம் வரை உயர்ந்ததால், அப்பகுதியை மீனவர்களின் படகுகள்மூலம் மட்டுமே அணுகக்கூடிய நிலைஏற்பட்டது. இதேபோன்று, ஸ்ரீனிவாச புரத்தில் முழு குடியிருப்பும் அடித்துச் செல்லப்பட்டதால், அது மீண்டும் கட்டப்பட வேண்டிய சூழல் உருவானது. எனவே, கடற்கரைக்கு அருகில் மேற்கொள்ளப்படும் எந்தவொரு திட்டமிடலிலும் இயற்கையின் சீற்றத்தைக் கருத்தில் கொள்ள வேண்டும் என்றுஅவர் குறிப்பிட்டுள்ளார். எனவே, சென்னை பட்டினப்பாக்கத்தில் புதிய தலைமைச்செயலகம் கட்டும் பணியை முதலமைச்சர் விஜய் கைவிடவேண்டும் என, உயர்நீதிமன்ற முன்னாள் நீதிபதி சந்துரு தெரிவித்துள்ளார்.