திருவள்ளூர், செப்.19;-
கழகத் தலைவர் அவர்களின் ஆலோசனைப்படி, கழக இளைஞரணிச் செயலாளரும், எதிர்க்கட்சித் தலைவருமான உதயநிதி ஸ்டாலின் அவர்களின் அறிவிப்பின்படி, தி.மு.க. இளைஞரணி அறக்கட்டளை சார்பில் மருத்துவச் சிகிச்சை உள்ளிட்ட பல்வேறு தேவைகளுக்காக தொட ர்ந்து நலத்திட்ட உதவிகள் வழங்கப்பட்டு வருகின்றன.
அதன் தொடர்ச்சியாக, திருவள்ளூர் மேற்கு மாவட்டம், பள்ளிப்பட்டு ஒன்றியம், கர்லம்பாக்கம் பகுதியைச் சேர்ந்த ஏழுமலை என்பவரின் மருத்துவச் சிகிச்சைக்காக ரூ.25 ஆயிரம் மதிப்பிலான மருத்துவ உதவித்தொகை வழங்கப்பட்டது. இதற்கான காசோலையை திருவள்ளூர் மேற்கு மாவட்டக் கழகச் செயலாளர் திருத்தணி எஸ்.சந்திரன், மாவட்ட இளைஞரணி அமைப்பாளர் ம.கிரண் முன்னிலையில் ஏழுமலைக்கு வழங்கினார்.
உதவித்தொகையைப் பெற்றுக்கொண்ட ஏழுமலை கூறுகையில், பொதுமக்கள் மற்றும் கழகத் தோழர்களின் பல்வேறு தேவைகளுக்கு உதவிக்கரம் நீட்டும் வகையில் தி.மு.க. இளைஞரணி அறக்கட்டளை சார்பில் பல்வேறு நலத்திட்ட உதவிகள் தொடர்ந்து வழங்கப்பட்டு வருவதாக தெரிவித்தார். மேலும், மருத்துவச் சிகிச்சைக்காக உதவி தேவைப்பட்ட நேரத்தில் தமது குடும்பத்திற்கு ஆதரவாக ரூ.25 ஆயிரம் மருத்துவ உதவித்தொகை வழங்கியிருப்பது மிகுந்த நன்றிக்குரியது என்றும், இந்த உதவி தங்களுக்கு பெரும் பயனளிக்கும் என்றும் அவர் தெரிவித்தார். இந்த நேரத்தில் மருத்துவ உதவித்தொகை வழங்கிட நடவடிக்கை மேற்கொண்ட கழகத் தலைவர் அவர்களுக்கும், கழக இளைஞரணிச் செயலாளரும், எதிர்க்கட்சித் தலைவருமான உதயநிதி ஸ்டாலின் அவர்களுக்கும், தி.மு.க. இளைஞரணி அறக்கட்டளைக்கும் எனது குடும்பத்தி னர் சார்பில் மனமார்ந்த நன்றியைத் தெரிவித்துக் கொள்கிறேன்” என்றார்.
இந்நிகழ்வில் பள்ளிப்பட்டுஒன்றியக் கழகச் செயலாளர் பி.டி.சந்திரன், நிர்வாகிகள் முரளி சேனா, எஸ்.சின்னா, மணி உள்ளிட்ட தி.மு.க. நிர்வாகிகள், கழகத் தோழர்கள் கலந்து கொண்டனர்.
முன்னாள் வட்ட பிரதிநிதியும் முத்த முன்னோடியுமான கே.நாகராஜ் புற்றுநோயினால் பாதிக்கப்பட்டு மருத்துவமனையில் சிகிச்சை பெற்று தற்போது இல்லத்தில் ஒய்வு பெற்று வரும் தகவலறிந்து தாம்பரம் மாநகர செயலாளர் எஸ்.ஆர்.ராஜா அவரது இல்லத்திற்கு நேரில் சென்று உடல்நலம் குறித்து கேட்டறிந்தார் உடன் 64,வது வட்டக் கழக செயலாளர் கே.ரமேஷ்பாபு,தலைமை கழக பேச்சாளர் பி.வி.ஏகாம்பரம் மற்றும் கழக தோழர்கள் உள்ளனர்.