சென்னை, செப்.19–

முத்­த­மிழ் அறி­ஞர் கலை­ஞர் அவர்­க­ளின் நூற்­றாண்டு விழா தி.மு.கழக பவள விழா ஆண்டு தந்தை பெரி­யார், பேர­றி­ஞர் அண்ணா ஆகி­யோ­ரின் பிறந்த நாள் விழா கழ­கம் தொடங்­கிய நாள் ஆகி­ய­வற்றை கொண்­டா­டும் முப்­பெ­ரும் விழா இன்று (19–9–2026) மாலை 5 மணிக்கு அண்ணா அறி­வா­ல­யம் கலை­ஞர் அரங்­கில் நடை­பெற உள்­ளது. இதில் சென்னை தெற்கு மாவட்­டக் கழ­கத்­தி­னர் திரண்டு வாரீர் என முத்­த­மி­ழ­றி­ஞர் கலை­ஞ­ரின் 2013ஆம் ஆண்டு முப்­பெ­ரும் விழா செய்­தியை மேற்­கோள்­காட்டி மாவட்ட கழக செய­லா­ளர் மா.சுப்­பி­ர­ம­ணி­யன் அழைப்பு விடுத்­து ள்­ளார்.

அவ்­வ­றிக்கை வரு­மாறு:–

“குடி­சை­தான்! ஒரு புறத்­தில் கூரிய வேல்­வாள்

வரி­சை­யாய் அமைத்­தி­ருக்­கும் – வையத்­தைப்

பிடிப்­ப­தற்­கும் வெம்­பகை முடிப்­ப­தற்­கும்

வடித்­து­வைத்த படைக்­க­லம்­போல் மின்­னும்;

மிளி­ரும் புலி­யின் குகை­யி­னிலே அழ­கில்லை –

புது­மை­யல்­லன்று! கிலி­யும் மெய் சிலிர்ப்­பும்

கீழி­றங்­கும் தன்­மை­யும் தலை­காட்டா

மானத்­தின் உறை­வி­டம் – மற­வன் மாளிகை!

இல்­லத்து வாயி­லிலே கிண்­ணத்­துச் சோற்­றோடு

வெல்­லத்­தைச் சிறிது கலந்து வயிற்­றுக்­குள் வழி­ய­னுப்­பப்

பொக்கை வாய்­த­னைத் திறந்து பிடி­யன்­னம் எடுத்­துப் போட்­டாள்

பெரு­ந­ரைக் கிழவி யொருத்தி.

ஓடி வந்­தான் ஒரு வீரன்

“ஒரு சேதி பாட்டி!” என்­றான்.

ஆடி­வந்த சிறு­மி­போல்

பெரு­மூச்சு வாங்­கு­கின்­றாய்

ஆண் மகனா நீ தம்பி!

மூச்­சுக்கு மூச்சு இடை­வேளை ஏற்­ப­டட்­டும். பின்,

பேச்­சுக்­குத் தொடக்­கம் செய் என்­றாள் அந்­தக்

கிண்­ட­லுக்­குப் பேர்­போன கிழட்டு தமி­ழச்சி!

வேடிக்கை நேரம் இது­வல்ல பாட்டி – உன்

வாடிக்­கைக் கேலியை விட்­டு­விடு.

‘மடிந்­தான் உன் மகன் களத்­தில்’ என்­றான் –

மனம் ஒடிந்து நிமிர்ந்­தாள் தாய்க்­கி­ழவி ஒரு­முறை!

“தாயம் ஆடு­கை­யில் காய்­களை

வெட்­டு­வ­துண்­டு–­­க­ள­மும் அது­தான்.

காயம் மார்­பிலா? முது­கிலா?

கழ­று­வாய்”” என்­றாள் – முது­கி­லென்­றான்.

கிழவி துடித்­த­னள்; இத­யம் வெடித்­த­னன்;

வாளை எடுத்­த­னள். முழவு ஒலித்த திக்கை நோக்கி

முடுக்­கி­னாள் வேகம்!

“கோழைக்­குப் பால் கொடுத்­தேன்

குற்­புற வீழ்ந்து கிடக்­கும்

மோழைக்­குப் பெயர் போர் வீர­னாம்!

முன்­பொ­ரு­நாள் பாய்ந்­து­வந்த ஈட்­டிக்­குப்

பதில் சொல்ல மார்­பைக் காட்­டிச்

சாய்ந்து கிடந்­தார் என் சாகாத கண்­ணா­ளர்.

அவ­ருக்­குப் பிறந்­தானா?

அடடா மான­மெங்கே – குட்­டிச்

சுவ­ருக்­கும் கீழாக வீழ்ந்து பட்­டான்.

இமய வரம்­பி­னிலே வீரம் சிரிக்­கும் – இங்கு

வீணை நம்­பி­னிலே இசை துடிக்­கும்.

அது­வும் மானம் மான­மென்றே ஒலிக்­கும்!

மது­வும் சுறா­வும் உண்டு வாழும்

மான­மற்ற வம்­சமா நீ – ஏடா

மறத் தமிழ்க் குடி­யிலே மாசு தூவி விட்­டாய்

மார்பு கொடுத்­தேன் மக­னாய் வளர்த்­தேன் –

தின்று கொழுத்­துத் திமிர் பாய்ந்த தோள்­க­ளெங்கே?

தின­வெ­டுக்­க­வில்­லையா? அந்தோ!

வேலுக்கு வழி சொல்ல வகை­யற்ற

கோழையே – என் வீரப்

பாலுக்கு வழி சொல்­வாய்!!

என்று கத­றி­னாள்

எண்­பதை நெருங்­கிய ஏழைக் கிழவி.

சென்­றங்­குச்­செரு முனை­யில்

சித­றிக் கிடந்த செந்­த­மிழ்க் காளை­க­ளைப்

புரட்­டிப் பார்த்­தாள் – அங்கு

நந்­த­மிழ் நாட்டை காக்க ஓடிற்று ரத்த வெள்­ளம்!

பிணக்­கு­வி­ய­லிலே பெரு­மூச்சு வாங்க நடந்­தாள்!

மணப் பந்­த­லி­லும் அந்த மகிழ்ச்­சி­யில்லை – மகன்

பிறந்த போதும் மகிழ்ச்­சிக்கு எல்­லை­யுண்டு – அவன்

இறந்து கிடந்­தான் ஈட்­டிக்கு மார்பு காட்டி!

இதைக் கண்­டாள் – இத­யங் குளிர்ந்­தாள்!

“எதைக் கண்­டா­லும் இனிக் கவலை இல்லை

என் மகன் வீர­னாய் இறந்­தான்” என்­றாள்.

அறுத்­தெ­றிய இருந்­தேன்

அவன் குடித்த மார்பை – அடடா!

கருத்­தெ­ரி­யப் பொய் சொன்ன கய­வ­னெங்கே?

வாளிங்கே! அவன் நாக்­கெங்கே?”

என்று நாக்கை அறுப்­ப­தற்­குக் கேட்­டாள் தமிழ்த் தாய்.

புற­நா­னூற்­றுத் தாய்! ஏன் இதைச் சொல்­கி­றேன் என்­றால் இங்கே தாய்­மார்­கள் வந்­தி­ருக்­கி­றீர்­கள். அந்­தத் தாயை மன­திலே நினைத்­துக் கொண்டு, நம்­மு­டைய வீட்­டுப் பிள்­ளை­கள், வீரர்­க­ளாக விளங்க, இன­மான உணர்ச்சி பெற்­ற­வர்­க­ளாக விளங்க அவர்­களை வளர்த்து ஆளாக்­குங்­கள் என்று உங்­க­ளைக் கேட்­டுக் கொள்­வ­தற்­கா­கத் தான் – இறந்­தா­லும் புகழ் சாகாது, இறந்­தா­லும் பெயர் மாறாது என்ற அந்த உணர்­வோடு நாம் நம்­மு­டைய வீட்­டுப் பிள்­ளை­களை வளர்க்க வேண்­டும் என்ற உறு­தியை எடுத்­துக் கொள்ள வேண்­டும்” என்று 2013ஆம் ஆண்டு நடை­பெற்ற முப்­பெ­ரும் விழா­வில் முத்­த­மி­ழ­றி­ஞர் கலை­ஞர் அவர்­கள் முப்­பெ­ரும் விழா வாயி­லாக நாட்­டுக்கு நற்­செய்­தியை உரைத்­திட்­டார்.

இந்நிலையில் ஆண்­டு­தோ­றும் முப்­பெ­ரும் விழா திரா­விட முன்­னேற்­றக் கழ­கத்­தின் சார்­பில் இன­வு­ணர்­வோடு திரா­வி­டர் இயக்­கத்­தின் சிறப்­பு­ தனை கழ­கக் கண்­ம­ணி­க­ளுக்கு எடுத்­துக்­காட்டி புத்­து­ணர்­வூட்­டப்­ப­டு ­கி­றது. அந்த வகை­யில் இன்று (19–9–2026) அன்று மாலை 5 மணி­ய­ள­வில் அண்ணா அறி­வா­ல­யத்­தில் உள்ள கலை­ஞர் அரங்­கத்­தில் நடை­பெ­றும் முப்­பெ­ரும் விழா­வில் சென்னை தெற்கு மாவட்­டத்­திற்­குட்­பட்ட கழக நிர்­வா­கி­கள், பொறுப்­பா­ளர்­கள், கழக உடன்­பி­றப்­பு­கள், அனைத்து அணி­க­ளைச் சேர்ந்த அமைப்­பா­ளர்­கள், துணை அமைப்­பா­ளர்­கள், கழக முன்­னோ­டி­கள் அனை­வ­ரும் பங்­கேற்று சிறப்­பித்­தி­டு­மாறு அன்­பு­டன் கேட்­டுக்­கொள்­கி­றேன்.

இவ்­வாறு மா.சுப்­பி­ர­ம­ணி­யன் அறி­வித்­துள்­ளார்.

சென்னை தெற்கு மாவட்டக் கழக ஆலோசனைக் கூட்டம் நேற்று மாமண்டூர் ஜி.எஸ்.டி சாலையில் உள்ள சி.எஸ்.கே. திருமண மண்டபத்தில் மதுராந்தகம் வடக்கு ஒன்றியக் கழக செயலாளர் சத்திய சாய் தலைமையிலும், மாவட்ட அவைத் தலைவர் எஸ்.குணசேகரன் முன்னிலையிலும் நடைபெற்றது. இக்கூட்டத்தில் மாவட்டச் செயலாளர் மா.சுப்பிரமணியன் உரையாற்றினார். இதில் தி.மு.கழக வேட்பாளர் இ.பரந்தாமன், தலைமைச் செயற்குழு உறுப்பினர்கள் மு.மகேஷ்குமார், பாலவாக்கம் க.சோமு, பா.அருணாச்சலம், மாவட்டக் கழக நிர்வாகிகள் பாலவாக்கம் த.விஸ்வநாதன், பாலவாக்கம் மு.மனோகரன், வாசுகிபாண்டியன், பொருளாளர் எஸ்.பாஸ்கரன், மாநில நிர்வாகிகள் ரத்னாலோகேஷ்வரன், டாக்டர் யாழினி பகுதி கழகச் செயலாளர்கள் எம்.கிருஷ்ணமூர்த்தி, இரா.துரைராஜ், கே.கண்ணன், மு.ராசா, வே.ஆனந்தம், எம்.விநாயகமூர்த்தி, காரம்பாக்கம் க.கணபதி, நொளம்பூர் வே.ராஜன், பெருங்குடி எஸ்.வி.ரவிச்சந்திரன், எஸ்.அரவிந்த்ரமேஷ், ஒன்றியக் கழகச் செயலாளர், கோவிலம்பாக்கம் வெங்கடேசன், தலைமைப் பொதுக்குழு உறுப்பினர்கள் எம்.கே.ஏழுமலை, களக்காடி எல்லப்பன், எஸ்.ஏ.அரிகிருஷ்ணன், ராமாபுரம் செல்வக்குமார், பி.ஜே.பாஸ்கர், அணிகளின் மாவட்ட அமைப்பாளர்கள் பா.அருண்குமார், எம்.பார்த்திபன், மணிகண்டன் நாடிமுத்து, சைதை சாதிக், கழக த.ரமேஷ், முகேஷ்கண்ணன், பரிமேலழகன், அடையார் சி.சுரேஷ், கனிமொழிதனசேகரன், நிஷாசையத், சசிக்குமார், வானகரம் அருள், மற்றும் இளைஞர் அணி மாவட்ட துணை அமைப்பாளர்கள் ஆர்.கிருஷ்ணகுமார், கோட்டூர் பிரகாஷ், சங்கர்கணேஷ், ரவி, ஜெ.இ.பாண்டியன், தியாகராஜன், ஸ்ரீகாந்த், சந்திரேஷ். சண்முகநாதன் கலந்துகொண்டனர்.