சென்னை, செப். 19 –
‘‘தி.மு.க. முப்பெரும் விழா’’ சென்னை – அண்ணா அறிவாலயம் -– கலைஞர் அரங்கில் இன்று பிரம்மாண்டமாக நடைபெறுகிறது. இவ்விழாவிற்கு கழகத் தலைவர் மு.க.ஸ்டாலின் அவர்கள் தலைமை யேற்று விருதுகள் மற்றும் பரிசுகள் வழங்கிச் சிறப்புரையாற்றுகிறார்.
தமிழ்நாட்டின் முதல்வராக அரியணை ஏறிய குறுகிய காலத்திற்குள், சென்னை மாநிலத்துக்குத் “தமிழ்நாடு” என்ற பெயர் மாற்றம்; சுய மரியாதைத் திருமணத்திற்குச் சட்ட அங்கீகாரம்; மும்மொழித் திட்டத்தை அகற்றிவிட்டு, தமிழ் – - ஆங்கிலம் மட்டும் என்ற இருமொழித் திட்டம் ; ஆகிய மூன்று முத்தான சாதனைகளை நிகழ்த்திக் காட்டிய
பேரறிஞர் அண்ணா அவர்களின் பிறந்த நாள் செப்டம்பர் 15.
இன்றைக்குநாம், ஆறறிவின்
பயனறிந்த மனிதர்களாக, வெண்ணெய்க்கும் சுண்ணாம்புக்கும் வேறுபாடு காணும், பொது அறிவுள்ளவர்களாக, எதிலும் ‘‘-ஏன், எப்படி, எப்போது, எதற்கு’’ என்றுகேள்வி மேல் கேள்வி தொடுத்து, அடிப்படை உண்மையைத் தெரிந்து கொள்வதில் ஆர்வம் காட்டுபவர்களாக நட
மாடுவதற்குக் காரணம், தந்தை
பெரியார் அவர்களும், அவராலே உருவாக்கப்பட்ட அறிவுச் சுடர்களின் பகுத்தறிவுப் பரப்புரையே!
“இத்தனை ஆண்டுகளிலும், நான் அறிந்த தலைவர், தெரிந்த தலைவர், பார்த்த தலைவர்; நான் கண்ட தலைவர், கொண்ட தலைவர், பெரியார் ஒருவர்தான். வேறு தலைவரின் தலைமையில் நான் வேலை செய்தது கிடையாது; அவர், நம் இதயத்திலே நிறைந்த, இதயபூர்வமான தலைவர் ! நமக்கெல்லாம் வழி காட்டியவர் பெரியார்!” என்று பேரறிஞர் அண்ணா அவர்களாலும்
“பாராட்டிப் போற்றி வந்த பழைமை லோகம்,
ஈரோட்டுப் பூகம்பத்தால் இடியுது பார் !”
என்று தலைவர் கலைஞர் அவர்களாலும் போற்றப்பட்ட தந்தை
பெரியார் அவர்களின் பிறந்த நாள் செப்டம்பர் 17.
திராவிடர் கழகத்திலிருந்து – தந்தை பெரியாரிடமிருந்து பிரிந்து சென்னை – ராயபுரம் ராபின்சன் பூங்காவில் கொட்டும் மழையில், “திராவிட முன்னேற்றக் கழகம்
தோன்றிவிட்டது. திராவிடர் கழகத்திற்குப் போட்டியாக அல்ல.திராவிடர் கழகத்தின் அடிப்படைக் கொள்கைகளின் மீதேதான் திராவிட முன்னேற்றக் கழகம் அமைக்கப்பட்டுள்ளது” என்று பேரறிஞர் அண்ணா அவர்களால் அறிவிக்கப்பட்டு ‘‘திராவிட முன்னேற்றக் கழகம்’’ எனும்
மாபெரும்இயக்கம் துவக்கப்பட்ட நாள் செப்டம்பர் 17.
பகுத்தறிவுப் பகலவன் தந்தை பெரியார், - காஞ்சி தந்த வள்ளுவன் பேரறிஞர் அண்ணா - ஆகியோர் பிறந்த நாளையும் - தமிழினத்தின் விடிவெள்ளியாகஉதித்த திராவிட முன்னேற்றக் கழகத்தின் தொடக்க நாளையும் இணைத்து ‘‘கழக முப்பெரும் விழா’’வாக கொண்டாடவேண்டும் என்று 1985-ஆம் ஆண்டுதலைவர் கலைஞர் அவர்கள் அறிவித்தார். அன்று முதல் இன்று வரை தொடர்ந்து நாம் இந்த விழாவை ஒவ்வொரு ஆண்டும் நடத்திக்கொண்டு வருகிறோம்.
இந்த ஆண்டுக்கான 2026 தி.மு.க முப்பெரும் விழா – இன்று (19.09.2026 – சனிக்கிழமை) மாலை 5 மணியளவில் சென்னை அண்ணா அறிவாலயம் – கலைஞர் அரங்கத்தில் நடைபெறுகிறது என்று
தி.மு.க. தலைமைக் கழகம் அறிவித்துள்ளது.
விழாவில் சென்னை மேற்கு மாவட்டச் செயலாளர் நே.சிற்றரசு வரவேற்புரையாற்றுகிறார்.
கழகப் பொதுச் செயலாளர் துரை முருகன் அவர்கள் தலைமை வகிக்கிறார்.
கழக விருதுக்காக தமிழகத்தில் உள்ள நான்கு மண்டலங்களில் ஒன்றியம், நகரம், பகுதி, பேரூர் ஆகியவற்றில் கழகப் பணியில் சிறப்பாக செயல்படும் தலா ஒருவருக்கு நற்சான்று,பணமுடிப்பு வழங்கப்படுகிறது.
விழாவில் விருது மற்றும் பரிசுகள் வழங்கி கழகத்தலைவர் மு.க. ஸ்டாலின் அவர்கள் சிறப்புரையாற்று கிறார்.
கழகப் பொருளாளர் டி.ஆர்.பாலு, கழக முதன்மைச் செயலாளர் கே.என்.நேரு,
துணைப் பொதுச் செயலாளர்கள் ஐ.பெரியசாமி, க.பொன்முடி,
கனிமொழி கருணாநிதி, திருச்சி என்.சிவா, -ஆ.இராசா,அந்தியூர்ப.செல்வராஜ், மு.பெ.சாமிநாதன் ஆகியோர் வாழ்த்துரை வழங்குகின்றனர்.
இவ்விழாவில் பெரியார் விருது --–
கு.செல்லப்பாவுக்கும்
அண்ணா விருது --– ஜி.கே.சுபாஷ்க்கும்
கலைஞர் விருது- -– திருச்சி சிவா
எம்.பி.க்கும்
பாவேந்தர் பாரதிதாசன் விருது-- –கனிமொழி என்.வி.என்.சோமு
வுக்கும்
பேராசிரியர் விருது- -– மிசா எஸ்.
அகமது தம்பிக்கும்
மு.க.ஸ்டாலின் விருது --– நா.இளைய ராஜாவுக்கும் வழங்கப்படு
கிறது.
முரசொலி அறக்கட்டளை சார்பில் “முரசொலி செல்வம் விருது” ஊடக
வியலாளரும் எழுத்தாளருமான
ப.திருமாவேலனுக்கு வழங்கப்படு
கிறது.
இம்முப்பெரும் விழாவில் கழக முன்னிணியினர், முன்னாள் அமைச்சர்கள், சட்டமன்ற– நாடாளுமன்ற உறுப்பினர்கள் மற்றும் கழகநிர்வாகிகள் பங்கேற்று சிறப்பிக்கின்ற னர்.