கடலூர், செப். 19–
கடலூர் மாவட்டம் சிதம்பரத்தைச் சேர்ந்த பெண் தொழில்முனைவோர் ஒருவரின் புகைப்படங்களைப் பயன்படுத்தி, சமூகவலைதளங்களில் பாலியல் ரீதியாகவும் அவதூறாகவும் கருத்துக்களைப் பரப்பியதாகக் கூறப்படும் சம்பவம் பெரும் அதிர்ச்சியை ஏற்படுத்தியுள்ளது.
இது தொடர்பாகக் கடலூர் மாவட்ட காவல் கண்காணிப்பாளர் அலுவலகத்தில் பாதிக்கப்பட்ட பெண் நேரில் அளித்த பரபரப்பான புகார்ஆன்லைன் வட்டாரத்தில் பெரும் பரபரப்பை ஏற்படுத்தியுள்ளது.
பெண் தொழில்முனைவோர் மீது வன்மத் தாக்குதல்
கடலூர் மாவட்டம், சிதம்பரத்தைச் சேர்ந்த ஆர்த்தி செல்வகுமார் கடந்த ஆறு ஆண்டுகளாக ஆன்லைன் மூலம் உணவுப் பொருட்கள் உற்பத்தி மற்றும் விற்பனைத் தொழிலில் ஈடுபட்டு வருகிறார். இதன் மூலம் இப்பகுதியைச் சேர்ந்த ஏராளமான பெண்களுக்கு வேலைவாய்ப்பும் வழங்கி, சுயசார்புடன் வாழ்ந்து வருகிறார்.
இந்நிலையில், கடந்த சில நாட்களாக சமூக வலைதளப் பக்கங்களில் த.வெ.க. (தமிழகவெற்றிக் கழகம்) பெயர் மற்றும் சின்னத்தை தனது பயோவில் (Bio) குறிப்பிட்டு இயங்கி வரும் ஒரு நபர், ஆர்த்தி செல்வகுமாரின் தனிப்பட்ட புகைப்படங்கள் மற்றும் வீடியோக் களை முறையற்ற வகையில் பயன்படுத்திவந்துள்ளார். மேலும், அவர் பெண்களை வைத்து தவறான தொழில் செய்து வருவதாகக் குறிப்பிட்டு ஆபாசமான, இழிவான மற்றும்பாலியல் ரீதியான தகாத கருத்துக்களைத் தொடர்ந்து பரப்பி வந்துள்ளார்.
எஸ்.பி.யிடம் நேரில் அளித்த புகாரும், டிஜிட்டல் ஆதாரங்களும்
தொடர் அவதூறுகளால் கடுமையான மன உளைச்சலுக்கு ஆளான ஆர்த்தி செல்வகுமார், தற்கொலை செய்துகொள்ளும்அளவிற்குத் தள்ளப்பட்டுள்ளதாகத் தெரிவித்து, நேற்று கடலூர்மாவட்டக் காவல் கண்காணிப்பாளரை நேரில் சந்தித்துப் புகார் மனு அளித்தார்.
புகாரின்போது அவர் ஊடகங்களிடம் கூறிய
தாவது:
• “Mr. Manikandan Sankaranainar என்பவரது இன்ஸ்டாகிராம் ஐ.டி. மூலம் (Mani_history_mad), எனது புகைப்படம் மற்றும் வீடியோக்களைப் பயன்படுத்தி அவதூறான கருத்துக்கள் பரப்பப்பட்டு வருகின்றன.”
• “பொதுமக்கள் பார்க்கும் வகையில்வெளியிடப்பட்டுள்ள இந்தப் பதிவுகள் எனது நற்பெயர், குடும்பக் கண்ணியம் மற்றும் சமூக மரியாதைக்குப் பெரிய அளவில் களங்கத்தை ஏற்படுத்தியுள்ளன.”
• “சம்பந்தப்பட்ட இன்ஸ்டாகிராம் ஐ.டி.யின் சுயவிவரம் (Profile), பதிவுகள் (Posts), கமெண்டுகள் (Comments), ஸ்கிரீன் ஷாட்டுகள் மற்றும் வீடியோ பதிவுகள் போன்ற அனைத்து டிஜிட்டல் ஆதாரங்களும் என்னிடம் பத்திரமாக உள்ளன. விசாரணைக்கு அவற்றைச் சமர்ப்பிக்கத் தயாராக உள்ளேன்” எனக் கூறினார்.
சைபர் கிரைம் போலீசாரின் முதற்கட்ட விசாரணை!
பாதிக்கப்பட்ட பெண்ணின் புகாரைப் பெற்றுக் கொண்ட மாவட்ட காவல் கண்காணிப்பாளர், உடனடியாக உரிய நடவடிக்கை எடுக்குமாறு சைபர் கிரைம்(Cyber Crime) பிரிவு காவல்துறைக்கு உத்தரவிட்டுள்ளார்.
இதனைத் தொடர்ந்து சைபர் பிரிவு போலீசார் தீவிர விசாரணையைத் தொடங்கியுள்ளனர். முதற்கட்ட விசாரணையில், ஆர்த்தி மீது அவதூறு கருத்துக்களைப் பரப்பிய நபர் தமிழக வெற்றிக் கழகத்தைச் சேர்ந்தவர்என்பது தெரியவந்துள்ளது. பெண்களின் நற்பெயருக்குக் களங்கம் விளைவிக்கும் வகையில் சமூக வலைதளங் களைப் பயன்படுத்துவோர் மீது கடுமையான நடவடிக்கைஎடுக்கப்பட வேண்டும் என்பதே சமூக ஆர்வலர்களின்கோரிக்கையாக உள்ளது. தொடர்ந்து போலீசார் விசாரணை நடத்தி வருகின்றனர்.