புதுச்சேரி, செப்.19–

தொகு­தி­யைப் புறக்­க­ணித்த என்.ஆர்,காங்­கி­ர­சுக்­கும், மக்­கள் செல்­வாக்கை இழந்த காங்­கி­ரஸ் கட்­சிக்­கும் தட்­டாஞ்­சா­வடி தொகுதி மக்­கள் தகுந்த பாடம் புகட்­டு­வார்­கள் என்று தேர்­தல் பரப்­பு­ரை­யில் தி.மு.க. அமைப்­பா­ளர் இரா. சிவா பேசி­னார்.

தட்­டாஞ்­சா­வடி தொகுதி இடைத்­தேர்­த­லில் போட்­டி­யி­டும் தி.மு.க.வேட்­பா­ளர் சேது செல்­வத்தை ஆத­ரித்து திமுக அமைப்­பா­ளர் இரா. சிவா மற்­றும் விழுப்­பு­ரம் தெற்கு மாவட்­டச் செய­லா­ளர் டாக்­டர் பொன். கெள­த­ம­சி­கா­மணி ஆகி­யோர் தலை­மை­யில் திமுக மற்­றும் கூட்­டணி கட்சி நிர்­வா­கி­கள் அத்­தொ­கு­திக்கு உட்­பட்ட பாக்­கு­மு­டை­யான்­பேட் பகு­தி­யில் நேற்று பிரச்­சா­ரம் மேற்­கொண்­ட­னர். அப்­போது பேசிய தி.மு.க. அமைப்­பா­ளர் இரா. சிவா, தட்­டாஞ்­சா­வடி சட்­ட­மன்­றத் தொகுதி இடைத்­தேர்­தல் களம் என்­பது புதுச்­சேரி மாநி­லத்­தின் எதிர்­கா­லத்­தைத் தீர்­மா­னிக்­கும் ஒரு முக்­கி­யப் போர்க்­க­ள­மா­கும். இதில் தொகுதி வாக்­க­ளர்­களே எஜ­மா­னர்­கள்.

இந்த தேர்­த­லில் தி.மு.க. தலை­வர் மு.க.ஸ்டாலின், இளை­ஞர் அணிச் செய­லா­ளர் உத­ய­நிதி ஸ்டாலின் மற்­றும் தே.மு.­தி.க., திரா­வி­டர் கழ­கம், மக்­கள் நீதி மய்­யம், மனித நேய மக்­கள் கட்சி, எஸ்.டி.­பி.ஐ. கட்­சி­ க­ளின் ஆசி­பெற்ற வேட்­பா­ள­ராக, கடந்த 30 ஆண்­டு­க­ளாக மக்­கள் நல­னுக்­காக போரா­டி­வ­ரும் மக்­கள் போரா­ளி­யான சேது செல்­வம் அவர்­க­ளுக்கு தொகுதி வாக்­கா­ளப் பெரு­மக்­கள் தங்­க­ளின் பேரா­த­ரவை வழங்கி, உத­ய­சூ­ரி­யன் சின்­னத்­தில் வாக்­க­ளித்து பெரு­வா­ரி­யான வாக்­கு­கள் வித்­தி­யா­சத்­தில் வெற்றி பெறச் செய்ய வேண்­டும்.

தட்­டாஞ்­சா­வடி தொகு­தி­யைத் தங்­க­ளின் சொந்­தக் கோட்­டை­யாக நினைத்­துக் கொண்டு, கடந்த காலங்­க­ளில் மக்­க­ளுக்கு எந்­த­வொரு உருப்­ப­டி­யானதிட்­டத்­தை­யும் செய்­யாத என்.ஆர். காங்­கி­ரஸ் உட்­ச­பட்ச அதி­கா­ரத்­தில் இருந்­த­போது இளை­ஞர்­க­ளுக்க வேலை­வாய்ப்பை உரு­வாக்­கா­மல், தொகு­தி­யில் எந்த ஒரு அடிப்­படை வச­தி­யை­யும் ஏற்­ப­டுத்­திக் கொடுக்­கா­மல் தொகு­தி­யைப் புறக்­க­ணித்த இவர்­கள்மீண்­டும் வாக்கு கேட்க எந்த தார்­மீகு உரி­மை­யும் இல்லை. இவர்­க­ளின் மக்­கள் விரோ­தப் போக்­கிற்கு இந்த தேர்­த­லில் மக்­கள்தகுந்த பாடம் புகட்­டு­ வார்­கள். அதே நிலை தான்காங்­கி­ரஸ் கட்­சிக்­கும் ஏற்­ப­டும். கார­ணம் தேசிய அள­வில் காங்­கி­ரஸ் கட்சி மக்­க­ளின் நம்­பிக்­கையை இழந்­து­விட்­டது.

தி.மு.க. மட்­டுமே மக்­க­ளின் உண்­மை­யான குர­லாக, தொகு­தி­யின் வளர்ச்­சிக்­காகசெயல்­பட கூடிய இயக்­கம். தொகுதி மக்­க­ளின் அடிப்­ப­டைப் பிரச்­ச­னை­யாக உள்ள தர­மான குடி­நீர் வழங்­க­வும், தடை­யற்ற மின்­சா­ரம் கொடுக்­க­வும், உள்­கட்­ட­மைப்பை ஏற்­ப­டுத்­த­வும், படித்த இளை­ஞர்­க­ளுக்கு வேலை­வாய்ப்பை உரு­வாக்­கி­ட­வும் தி.மு.க. வேட்­பா­ள­ரின் வெற்றி இன்­றி­ய­மை­ யா­தது. ஆகவே, தட்­டாஞ்­சா­வடி தொகுதி மக்­கள் தி.மு.க. வேட்­பா­ளரை வெற்றி பெறச் செய்ய வேண்­டும்.

இவ்­வாறு அவர் பேசி­னார்.