சென்னை, செப். 19–
திருவாவடுதுறை டி.என்.ராஜரத்தினம் மருமகனும், டி.என்.ஆர். வனஜா அவர்களது கணவருமானதிரு.ஜி.சுப்பிரமணியம் அவர்கள் மறைவெய்தினார் என்பதை
அறிவிக்க வருந்துகிறோம்.
இச்செய்தி அறிந்ததும் கழகத் தலைவர் மு.க.ஸ்டாலின் அவர்கள் தமது ஆழ்ந்த இரங்கலைத் தெரிவித்துள்ளார்.
கழகத் தலைவர் மு.க.ஸ்டாலின்அவர்களின் இரங்கல் செய்தி வருமாறு:
திருவாவடுதுறை டி.என்.ராஜ
ரத்தினம் அவர்களது மருமகனும்,
டி.என்.ஆர்.வனஜா அவர்களது கணவருமான ஜி.சுப்பிரமணியம் அவர்கள் மறைவெய்திய துயர்மிகு செய்தியறிந்து மிகவும் வருந்தினேன்.
எனது மனைவி திருமதி.துர்கா அவர்களின் சகோதரி திருமதி. ஜெயந்தி அவர்களின் மாமனாரான அவர், பாசத்திற்கு இலக்கணமாய் விளங்கி, அன்பும் பண்பும் நிறைந்தவராக அனைவரது நன்மதிப்பையும் பெற்றவர். அண்ணா பல்கலைக்கழகத்தில் பணியாற்றியவர்.
அன்னாரது மறைவால் வாடும் திருமதி ஜெயந்தி – சரவணன் இணையருக்கும், அவர்தம் குடும்பத்தினர், உறவினர்கள், நண்பர்கள் உள்ளிட்ட அனைவருக்கும் எனது ஆழ்ந்த இரங்கலையும் ஆறுதலையும் தெரிவித்துக் கொள்கிறேன்.
இவ்வாறு கழகத் தலைவர் மு.க.ஸ்டாலின் அவர்கள் இரங்கல் செய்தியில் குறிப்பிட்டுள்ளார்.