தேனி, செப். 19 –
தேனி மாவட்டம்
ஆண்டிபட்டி பேரூராட்சிக்கு உட்பட்ட பகுதிகளில் முறையான கட்டிட அனுமதி வாங்காமல் பல வணிக வளாக கட்டிடங்கள் மற்றும் திருமண மண்டபங்கள் பல ஆண்டுகளாக இயங்கி வருவதாக பரபரப்பு புகார் எழுந்துள்ளது. இதன் பின்னணியில் சம்பந்தப்பட்ட நபர்களிடம் மாபெரும் வசூல் வேட்டை நடைபெற்று வருவதாகவும், இது தொடர்பாக மாவட்ட ஊழல் தடுப்பு கண்காணிப்பு பிரிவு நடவடிக்கை எடுத்து வருவதாகவும் தகவல் வெளியாகியுள்ளது.
அனுமதியின்றி கட்டிடங்கள்
:
ஆண்டிபட்டி பேரூராட்சி பகுதிகளான பஸ் ஸ்டாண்ட் சாலை, தேனி சாலை, வைகை அணை சாலை, மதுரை சாலை உள்ளிட்ட முக்கிய பகுதிகளில் ஏராளமான வணிக வளாகங்கள், இரண்டு மற்றும் மூன்று மாடி கட்டிடங்கள், திருமண மண்டபங்கள்
கட்டப்பட்டுள்ளன.
இந்த கட்டிடங்களுக்கு பேரூராட்சியிடம் இருந்து முறையான கட்டிட அனுமதி பில்டிங் பிளான் அப்ரூவல், வரைபட அனுமதி பெறப்படவில்லை என்றும், பல கட்டிடங்கள் அனுமதிக்கப்பட்ட வரைபடத்தை விட கூடுதல் தளங்கள் கட்டி விதிமீறல் செய்துள்ளதாகவும் புகார் கூறப்படு
கிறது.
விதிப்படி ஒவ்வொரு கட்டிடத்திற்கும் சதுர அடிக்கு கட்டணம், வரைபட கட்டணம், தொழில் வரி என பேரூராட்சிக்குபல லட்சம் ரூபாய் வருவாய்வர வேண்டும். ஆனால் அனுமதி வாங்காமல் கட்டப்படுவதால் பேரூராட்சிக்கு பல கோடி ரூபாய் வருவாய் இழப்பு ஏற்பட்டுள்ளது.
மாபெரும் வசூல் வேட்டை:
இந்த விதிமீறல் கட்டிடங்கள் மீது நடவடிக்கை எடுக்க வேண்டிய பேரூராட்சி அதிகாரிகள் மற்றும் பணியாளர்கள்சிலர், கட்டிட உரிமையாளர்களிடம் மாதந்தோறும், வருடந்தோறும் பெரும் தொகையை வசூல் செய்து கொண்டு கண்டுகொள்ளாமல் இருந்து வருவதாக குற்றச்சாட்டு எழுந்துள்ளது.
ஒரு திருமண மண்டபத்திற்கு ரூ.50 ஆயிரம் முதல்ரூ.1 லட்சம் வரையும், வணிகவளாகங்களுக்கு கடைகளின்எண்ணிக்கைக்கு ஏற்ப வசூல் நடைபெறுவதாகவும் சமூக ஆர்வலர்கள் புகார் தெரிவிக்கின்றனர்.
ஊழல் தடுப்பு பிரிவு விசாரணை
இது சம்பந்தமாக தேனி மாவட்டஊழல் தடுப்பு மற்றும் கண்காணிப்பு பிரிவிற்கு விஜிலென்ஸ் ஆன்ட்டி கரெக்ஷன் ஆதாரங்களுடன்புகார் அளிக்கப்பட்டுள்ளதாகதெரிகிறது. அதன் அடிப்படையில் அதிகாரிகள் ஆண்டிபட்டி பேரூராட்சி அலுவலகத்தில் உள்ள கட்டிட அனுமதி கோப்புகளை கைப்பற்றி விசாரணை நடத்தி வருவதாக தகவல் வெளியாகியுள்ளது.
ஆண்டிபட்டி பேரூராட்சியில் உள்ள அனைத்து வணிக வளாகங்கள், திருமணமண்டபங்களின் கட்டிட அனுமதியை மாவட்ட நிர்வாகம் ஆய்வு செய்ய வேண்டும்.
அனுமதியின்றி கட்டப்பட்ட கட்டிடங்கள் மீது சீல் வைத்து, அபராதம் விதிக்க வேண்டும்.
வசூல் வேட்டையில் ஈடுபட்ட அதிகாரிகள், பணியாளர்கள் மீது ஊழல் தடுப்பு சட்டத்தின் கீழ் கடும் நடவடிக்கை எடுக்க வேண்டும். பேரூராட்சிக்கு வர வேண்டிய வருவாயை மீட்டு, அரசு கஜானாவில் சேர்க்க வேண்டும்.
மைனாரிட்டி த.வெ.க. ஆட்சியில் நேர்மையான ஆட்சி செய்கிறோம் என்று பொய் பிரச்சாரம் நேர்மையான அதிகாரிகள் இருக்கும்போது இப்படி ஒரு மோசடி நடப்பது அதிர்ச்சியளிப்பதாக பொதுமக்கள் தெரிவித்துள்ளனர்.