#Title

தமிழ்நாட்டில் மின்வெட்டு – செயலிழந்த விஜய் அரசு! ‘தி டைம்ஸ் ஆப் இந்தியா’ நாளேடு கடும் விமர்சனம்! உருப்படியான நடவடிக்கை இல்லை!

சென்னை, செப். 20–

த.வெ.க. ஆட்சிக்கு வந்த 4 மாதங்களில் தமிழ்நாட்டில் அறிவிக்கப்படாத மின்வெட்டு இல்லாத பகுதியே இல்லை என்று கூறும் அளவுக்கு அரசு நிர்வாகத்தில் சுணக்கம் ஏற்பட்டுள்ளதாக Times of india குற்றம் சாட்டியுள்ளது.

த.வெ.க. ஆட்சியில் தமிழ்நாட்டில் நிலவும் வரலாறு காணாத மின்வெட்டால் நாள்தோறும் மக்கள் வீதிகளில் இறங்கி போராட்டம் நடத்துவது தொடர் கதையாகி வருகிறது. இந்நிலையில், மின்வெட்டு குறித்து Times of india ஆங்கில நாளிதழ் விரிவாக செய்தி வெளியிட்டுள்ளது.

அதில், கடந்த காலங்களில் உச்சகட்ட கோடைக்காலத்தில்கூட, மின்வெட்டு பிரச்சனை இருந்ததில்லை. ஆனால், இந்த ஆண்டு செப்டம்பர் மாதத்திலேயே கடுமையாக மின்வெட்டால் மக்கள் பாதிப்புக்கு உள்ளாகியுள்ளதாக கூறப் பட்டுள்ளது. த.வெ.க. ஆட்சிக்கு வந்த 4 மாதங்களில் தமிழ்நாட்டில் அறிவிக்கப்படாத மின்வெட்டு இல்லாத பகுதியே இல்லை என்று கூறும் அளவுக்கு அரசு நிர்வாகத்தில் சுணக்கம் ஏற்பட்டுள்ளதாக Times of india குற்றம் சாட்டியுள்ளது.

மின் நிலையங்களில் குறைவான உற்பத்தி மற்றும் மாற்று ஏற்பாடுகள் குறித்து முடிவெடுப்பதில் நிலவிய தயக்கம் ஆகியவையே மின்தடைக்கான மோசமான நிலையை உருவாக்கியுள்ளன. தமிழ்நாடு மின்வாரியத்துக்கு சொந்தமான அனல் மின் நிலையங்களில் மிகக் குறைந்த அளவிலேயே மின்சாரத்தை உற்பத்தி செய்து வருகிறது என்றும் Times of india குறிப்பிட்டுள்ளது. மின்தடை குறித்து புகார்களை தெரிவிப்பதற்கான மின்னகம் அழைப்பு மையம் அடிக்கடி செயல்படாமல் போவதாகவும் Times of india விமர்சித்துள்ளது.

ஒவ்வொரு உதவிப் பொறியாளர் அலுவலகத்திற்கும் மீண்டும் அறிமுகப்படுத்தப்பட்ட Fuse Off Call முறையும் எதிர்பார்த்த பலனைத் தரவில்லை; தொலைத்தொடர்பு நிறுவனத்துடனான கருத்து வேறுபாடு காரணமாக அனைத்து எண்களும் மாற்றப்பட வேண்டிய சூழல் ஏற்பட்டது. இதனால், புதிய எண்கள் குறித்த விவரங்கள் நுகர்வோருக்குத் தெரியாமல் போய்விட்டன.

இந்த மாற்றம் குறித்து அனைத்து நுகர்வோருக்கு மின்வாரியம் குறுஞ்செய்தியை கூட தமிழ்நாடு மின்வாரியம் அனுப்பவில்லை என்று Times of india குற்றம் சாட்டப்பட்டுள்ளது.

ஒட்டுமொத்தத்தில் மின்தட்டுப்பாட்டை போக்க எந்த உருப்படியான நடவடிக்கையையும் எடுக்காமல் முந்தைய அரசு மீது குறை கூறி, சாக்குபோக்கு சொல்லியே த.வெ.க. அரசு பொழுதை கழித்து வருவதாக Times of india ஆங்கில நாளிதழ் வெளியிட்டுள்ள சிறப்பு செய்தியில் கடுமையாக விமர்சித்துள்ளது.

ஒட்டுமொத்தத்தில் மின்தட்டுப்பாட்டைப் போக்க எந்த உருப்படியான நடவடிக்கை யையும் எடுக்காமல் முந்தைய அரசு மீது குறை கூறி, சாக்குபோக்கு சொல்லியே த.வெ.க. அரசு பொழுதை கழித்து வருவதாக Times of india ஆங்கில நாளிதழ் வெளியிட்டுள்ள சிறப்புச் செய்தியில் கடுமையாக விமர்சித்துள்ளது.

சென்னை, செப். 20-–

-தமிழகம் முழுதும் காலை, மதியம், இரவு என, மின் தடை செய்யப்படுகிறது. இதனால் ஏற்படும் பாதிப்பை சமாளிக்க முடியாமல் மக்கள் திணறி வருகின்றனர். இந்த பிரச்சினையில், தமிழக அரசு தலையிட்டு, அவசரகால நடவடிக்கைகளை எடுக்க வேண்டும் என்பதே, மக்களின் குமுறலாக உள்ளது என்று தினமலர் நாளேடு (19.9.2026) செய்தி வெளியிட்டுள்ளது.

இதுகுறித்து தினமலர் நாளேடு வெளியிட்டுள்ள செய்தி வருமாறு:–

தமிழகத்தில் கோடை காலம் முடிந்தும், இன் னும் வெயில் கடுமையாக உள்ளது. தினசரி மின் தேவை சராசரியாக, 20 ஆயிரம் முதல் 21 ஆயிரம் மெகா வாட்டாக உள்ளது. இது, கடந்த ஆண்டின் இதே காலத் தில், 16 ஆயிரம் மெகா வாட்டாக இருந்தது.

காற்றாலை மின் நிலையங்களில் இருந்து, மே முதல் கடந்த மாதம் வரை தினமும்சராசரியாக 4 ஆயிரம் மெகாவாட் மின்சாரம் கிடைத்து வந்தது; இம்மாதத்தில் அது பாதியாக குறைந்துள்ளது.

இதனால், தினசரி 1,500 முதல் 2,000 மெகா வாட் மின் பற்றாக்குறை ஏற்பட்டதால், கடந்த வாரத்தில் சென்னையை தவிர்த்து, மற்ற மாவட்டங்களில் அறிவிக்கப்படாமல், ஒரு மணி நேர மின் வெட்டு செய்யப்பட்டது.

பற்றாக்குறையைசமாளிக்க மின்சார சந்தையில், 3,500 மெகா வாட் மின்சாரத்தை, மின் வாரியம்கொள்முதல் செய்தது. தற்போது, தினசரி மின் தேவை 20 ஆயிரம் மெகா வாட்டாக உள்ளது.

சென்னையில் மின் தேவை அதிகரிப்பால், பல இடங்களில் டிரான்ஸ் பார்மர் உள்ளிட்ட மின் வினியோக சாதனங்கள், ‘ஓவர்லோடு’ காரணமாக பழுதாகிவருவதால், மின் தடை ஏற்பட்டு வருகிறது.

வண்ணாரப் பேட்டை, மார்டன் லேன், லாலா குண்டா கண்ணன் தெரு, தர்மராஜன் கோவில் தெரு, விஜயராமலு தெரு, காளிங்கராயன் தெரு உள்ளிட்ட தெருக் களில், 10 ஆயிரத்துக் கும் மேற்பட்ட மக்கள் வசித்து வருகின்றனர்.

இப்பகுதியில், ஒரு வாரமாக மின் தடை ஏற்பட்டு வருகிறது. வழக்கம் போல, நேற்று முன் தினம் நள்ளிரவு 12:00 மணிக்கும் மின் தடை ஏற்பட்டது. தொடர் மின் தடையால் ஆத்திரம் அடைந்த, 100க்கும் மேற்பட்ட மக்கள், வண்ணார ப்பேட்டை, கண்ணன் ரவுண்டானா அருகே மறியலில் ஈடுபட்டனர்.

இராயபுரம் எம்.எல்.ஏ. முற்றுகை!

அப்போது, ராயபுரம் எம்.எல்.ஏ., விஜய் தாமுவை கண்டித்து, கோஷம் எழுப்பினர். தொடர்ந்து பழைய சிறைச்சாலையில் உள்ள துணை மின் நிலைய அலுவலகத்தை சாலை முற்றுகையிட்டனர்.

அங்கு, இரவு பணியில் இருந்த மின் வாரிய பணியாளர்களிடம் கேள்வி எழுப்பினர். போலீசார் பேச்சு நடத்தி, கலைந்து போக செய்தனர்.

வியாசர்பாடி, மூர்த்திங்கர் இரண்டாவது தெரு, தேசிங்கபுரம், சுந்தரபுரம் பவர் லைன், எம்.எம்.கார்டனில், கடந்த நான்கு நாட்களாக அடிக்கடி மின் தடை ஏற்பட்டு வந்துள்ளது.

இதனால் ஆத்திரமடைந்த மக்கள், மூர்த்திங் கர் இரண்டாவது தெரு சந்திப்பில், எருக்கஞ்சேரி பிரதான சாலையில் நேற்று முன்தினம் மாலை 3:00 மணி யளவில் திடீர் சாலை மறியலில் ஈடுபட்டனர். போலீசார் மற்றும் மின் வாரிய அதிகாரிகள் நடவடிக்கை எடுப்பதாக கூறி, அனைவரையும் கலைந்து போகச் செய்தனர்.

கெல்லீஸ் கீழ்ப்பாக்கம், ‘சிக்னல்’ அருகே, சுற்று வட்டார பகுதி மக்கள் 20க்கும் மேற்பட்டோர், மின் தடையை கண்டித்து, புரசைவாக்கம் மின் வாரிய அலுவலகத்தை நேற்று முன்தினம் நள்ளிரவு முற்றுகை யிட்டனர்.

இதுகுறித்து, பாதிக்கப்பட்டவர்கள் கூறிய தாவது:

வழக்கமாக, இரவில் தான் மின் தடை ஏற் படும். ஆனால், சமீப காலமாக பகல், இரவு, நள்ளிரவு, அதிகாலை என, இஷ்டத்திற்கு மின் தடை ஏற்படுகிறது. அனல் காற்று வீசுவதால், வீடுகளில் மின்சாரம் இல்லாமல் இருக்க முடிவதில்லை.

இதுதொடர்பாக புகார் அளிக்க, மின்னகம் நுகர்வோர் சேவை மையத்தை தொடர்பு கொண்டாலும் இணைப்பு கிடைப்பதில்லை. உதவி பொறியாளர் களிடம் புகார் அளிக்க தொடர்பு கொண்டால், அவர்களின் மொபைல் போன் எண் மாறியுள்ளது.

மின்தடையால் சிரமம் புகார் ஏற்படுவ துடன், கூற முடியாத நிலையும் ஏற்படுவதால், மன உளைச்சல் ஏற்படுகிறது. எனவே, மின் வினியோக பிரச்னையில்,அரசு தலையிட்டு தீர்வு காண வேண்டும்.

இவ்வாறு அவர்கள் கூறினர்.