தாராபுரம், செப்.20–
தாராபுரம் சட்டமன்ற தொகுதி இடைத்தேர்தல் ஆலோசனைக் கூட்டம், கழக வெற்றி வேட்பாளர் வழக்கறிஞர் எஸ்.சுகன்யா அறிமுகக் கூட்டம் முன்னாள் அமைச்சர் கே.என்.நேரு தலைமையில் திருப்பூர் கிழக்கு மாவட்டக் கழகச் செயலாளர், மாநகராட்சி 4-ம் மண்டல தலைவர் இல.பத்மநாபன் வரவேற்புரையில், முன்னாள் அமைச்சர்கள் மு.பெ.சாமிநாதன், கழக மகளிர் அணி துணைச் செயலாளர் என்.கயல்விழி செல்வராஜ், கழக இளைஞர் அணி துணைச் செயலாளர், கே.இ. பிரகாஷ் எம்.பி. ஆகியோர் முன்னிலையில் நடைபெற்றது.
கழக முதன்மைச் செயலாளர்,
முன்னாள் அமைச்சர் கே.என்.நேரு பேசியதாவது:
திராவிடமுன்னேற்ற கழகம் மீண்டும் ஒரு எழுச்சி பெறுவதற்கு ஒரு முக்கிய மான தேர்தல் இந்த நடைபெற இருக்கின்ற தேர்தல். மேடையிலே நம்முடையசாமிநாதன் யார் யாருக்கு எந்தெந்த பகுதி ஒதுக்கப்பட்டிருக்கிறது என்பதை இங்கு சொன்னார், அதிலே ஏதாவது சந்தேகம் இருக்குமென்று சொன்னால் கூட சாமிநாதன் அவர்களை மீண்டும் தொடர்பு கொண்டு அந்த பகுதியை தேர்ந்தெடுக்க வேண்டும். ஒரு சில பேருக்கு எங்களுக்கு மாற்றி தர வேண்டும் என்று சொன்னால் அதையும் மாற்றி தரக்கூடிய ஏற்பாடுகளை செய்து தருவார்.
நாளையிலிருந்து நீங்கள் பொறுப்பேற்று கொண்டிருக்கின்ற தலைவர்கள், வந்திருக்கிற ஒன்றிய கழக செயலாளர்கள் அவரவர்களுக்கு ஒதுக்கப்பட்ட இடங்களிலே இருந்து சிறப்பாக செயல்பட வேண்டும். நேற்று தலைவர் அவர்கள் எங்களுக்கு சொன்னது எல்லாரும் போய் கணக்கு காட்டிவிட்டு வந்திராதீங்க,
ஒவ்வொரு ஊராக போங்க, ஒவ்வொருத்தரா சந்திங்க, பொது மக்களுடைய கோரிக்கையை கேளுங்க, இன்றைக்கு ஆட்சியில் வந்தவர்கள் செய்திருக்கிற, தரேன்னு சொன்ன தேர்தல் அறிக்கையிலே சொன்னதை தராது இருக்கிறதை மக்கள் கிட்ட சொல்லுங்க. நீங்க போய் தேர்தல் வேலை பார்க்கிறேன்னு சொல்லி கணக்கெடுத்துட்டு ஒரு இடத்துல உட்கார்ந்துடக்கூடாதுன்னு நேத்து தலைவர் கூப்பிட்டு எங்களை கூப்பிட்டு இதெல்லாம் சொல்லுங்கன்னு சொன்னார்.
நான் சாமிநாதனிடமும், பத்மநாபனிடமும் சொன்னேன், நான் வருகின்றபோது கரூர் மாவட்ட செயலாளர்
செந்தில் பாலாஜி இடம் சொன்னேன். இதை தலைவர் அவர்கள் இப்படி பேசியிருக்கிறார். இதை அனைவரும் ஒரு அளவுகோலாக எடுத்து ஒரு எச்சரிக்கையாக எடுத்து அனைவரும் பணியாற்ற வேண்டும்.
எங்களுக்கு சொல்லுகிறபோது இங்க யார் யாருக்கு எந்தெந்த பகுதியை ஒதுக்கி இருக்கிறீங்க? எங்களுக்கு உடனே அனுப்புங்கன்னு சொல்லி தலைவரும், தலைவருடைய உதவியாளரும் சொன்னார்கள். வந்திருக்கிற
ஒன்றிய செயலாளர்களோடும் நம் தலைவர் அவர்களே நேரடியாக பேச இருக்கிறார்கள். எனவே எந்த நேரம் வேண்டுமானாலும் அவர் பேசுவார். ஆகவே அந்தந்த பகுதியில இருந்து பணியாற்ற வேண்டும். யாராவது நீங்கஒரு சில பேர் அவசியம் ஏதாவது வேலைஇருந்து போனீங்கன்னா மாற்று ஆள வச்சிட்டு போங்க. ஆள மட்டும் இந்த இடத்தை விட்டு போயிறாதீங்க. இது ஒரு முக்கியமான தேர்தல். இந்த இடைத்தேர்தலில் திராவிட முன்னேற்ற கழகம் நிச்சயமாக வெற்றி பெறும். ஏனென்று நான் சொன்னேன் என்று சொன்னால் உங்களை உற்சாகப்படுத்த வேண்டும் என்று சொல்வதாக கருத தேவை இல்லை,
நாம் இரண்டாவது இடத்தில் இருக்கிறோம். மூன்றாவது இடத்தில் தான் தவெக இருக்கிறது. முதல் இடத்தில் இருக்கிற அ.தி.மு.கவுக்கு மீண்டும் வாக்களிப்பார்களா என்பது சந்தேகம். எனவே நாம்தான் நிச்சயமாக இந்த தேர்தலிலே வெற்றி பெற போகிறோம் என்ற அந்த நம்பிக்கை இருக்கிறது.
தயவு செய்து வந்திருக்கிற பொறுப்பாளர்கள் உள்ளூர் செயலாளரோடு இணைந்து கொள்ளவும். நீங்க உங்களுக்கு உடனடியாக யாரையும் தெரிய வாய்ப்பிலை, ஆகவே உள்ளூர்ல இருக்கிற செயலாளரை வைத்து அவர்கள் மூலமாக இந்த பணியில் சிறப்பாக செயல்பட வேண்டும் என்று உங்களை எல்லாம் அன்போடு கேட்டு தொடர்ந்து செயல்படுவோம். வெற்றி பெற வைப்போம்.
தளபதி அவர்களை மீண்டும் இந்த நாட்டினுடையமுதலமைச்சராக, உதயநிதி அவர்களை மீண்டும் துணை முதலமைச்சராக உருவாக்க பாடுபடுவோம், பாடுபடுவோம் என்று சொல்லி நம்முடைய சாமிநாதன் தலைமையிலே சிறப்பாக நாம் அனைவரும் பணியாற்றுவோம், பணியாற்றுவோம். நம்முடைய வழக்கறிஞர் சுகன்யா அவர் முதல் நாள் பேசும்போதே சொன்னார் நிச்சயமாக விலைபோகா மாட்டேன் இந்த கட்சியிலே இணைந்து பணியாற்றுவேன் தளபதிக்கு உறுதுணையாக இருப்பேன் என்று அவர் சொல்லியிருக்கிறார் எனவே வழக்கறிஞர், இந்த கட்சியிலே வழக்கறிஞராக இருக்கிறவர் நமக்காக தந்திருக்கிற முதலமைச்சர் அவருடைய வேட்பாளர். இவருடைய பரிந்துரையின் பேரிலே நம்முடைய தளபதி அவர்கள் கழக தலைவரும் உதயநிதி அவர்கள் அளித்திருக்கிற வேட்பாளர். அவரை வெற்றி பெற வைத்து நாங்கள் சட்டமன்றத்திலே எப்படி சண்டை போடுகிறோமோ எங்களுக்கு உறுதுணையாக அவரும் சண்டை போட அனுப்புமாறு உங்களை அன்போடு நான் கேட்டுக்கொள்கிறேன்.
ஏன்னா பேசி, பேசி எங்களை வம்பு இழுக்குறாங்க, செந்தில் பாலாஜி எந்திரிச்சு பேசுவார், செந்தில் பாலாஜியை பேச விட மாட்டாங்க. செந்தில் பாலாஜி பேசறதுக்கு விடறது இல்ல. நாங்களும் செந்தில் பாலாஜி, செந்தில் பாலாஜின்னு கேக்குறோம். ஏன்னா அவர் கேக்குற கேள்விக்கு பதில் சொல்ல முடியாது. அவர் சொல்றாரு மின்சார துறையை பற்றி அந்த அமைச்சருக்கே தெரியாது பூரா விவரமும் அவர் சொன்னார்.
எனவே நாங்கள் எங்களோடு உறுதுணையாக இருப்பதற்கு நம்முடைய சுகன்யா அவர்களை எங்களோடு அழைத்துசெல்வதற்கு அனைவரும் பாடுபடுவோம் பாடுபடுவோம் என்று சொல்லி விடைபெறுகிறேன்.
இவ்வாறு அவர் பேசினார்.
இதில் கழக துணை பொதுச் செயலாளர் அந்தியூர் செல்வராஜ், கழக ஆதிதிராவிடர் குழு இணைச் செயலாளர் திப்பம்பட்டி வெ.ஆறுச்சாமி, மாவட்டக் கழக செயலாளர்கள், முன்னாள் அமைச்சர்கள் சு.முத்துசாமி ஈரோடு தெற்கு, கே.கே.எஸ்.எஸ்.ஆர்.ராமச்சந்திரன் எம்.எல்.ஏ., விருதுநகர் தெற்கு, தங்கம் தென்னரசு எம்.எல்.ஏ., விருதுநகர்வடக்கு, கே.ஆர்.பெரிய கருப்பன் சிவகங்கை தெற்கு, கீதா ஜீவன் தூத்துக்குடி வடக்கு, அரா.சக்கரபாணி எம்.எல்.ஏ., திண்டுக்கல் மேற்கு, வி.செந்தில் பாலாஜி எம்.எல்.ஏ., கரூர், தங்க தமிழ்ச்செல்வன் எம்.பி., தேனி வடக்கு, துரை சந்திரசேகரன் எம்.எல்.ஏ., தஞ்சாவூர் மத்தி, வைரமணி திருச்சி மத்தி, காடுவெட்டி தியாகராஜன் திருச்சி வடக்கு, என்.நல்லசிவம் ஈரோடு வடக்கு, என்.கௌதம்(நாகை), மு.அப்துல் வஹாப் எம்.எல்.ஏ.,நெல்லை மத்தி, ராஜா எம்.எல்.ஏ., தென்காசி மேற்கு, ராஜேஷ்குமார் எம்.பி., நாமக்கல் கிழக்கு, கே.எஸ்.மூர்த்தி
எம்.எல்.ஏ., நாமக்கல் மேற்கு, கோ.தளபதி மதுரை மாநகர், கே.கே.செல்லப்பாண்டியன் புதுக்கோட்டை வடக்கு, ஐ.பி.செந்தில்குமார் எம்.எல்.ஏ., திண்டுக்கல் கிழக்கு, பூண்டி கலைவாணன் எம்.எல்.ஏ., திருவாரூர், நிவேதா என்.முருகன் எம்.எல்.ஏ., மயிலாடுதுறை, மு.மணிமாறன் எம்.எல்.ஏ., மதுரை தெற்கு, கே.ஈஸ்வரசாமி எம்.பி., திருப்பூர் தெற்கு, துரை செந்தமிழ்ச் செல்வன் கோவை மாநகர், தொண்டாமுத்தூர் அ.ரவி கோவை வடக்கு, தளபதி முருகேசன் கோவை தெற்கு, ந.தினேஷ்குமார் திருப்பூர் வடக்கு, சட்டமன்ற உறுப்பினர்கள் இரா.ஜெயராமகிருஷ்ணன், மு.ஜெயக்குமார், மார்க்கண்டேயன், கடற்கரை ராஜ், மண்ணச்சநல்லூர் கதிரவன், கழக மகளிர் தொண்டரணி இணைச் செயலாளர், முன்னாள் அமைச்சர் தமிழரசி ரவிக்குமார், கழக மாணவர் அணி செயலாளர் ஜெ.வீரமணி, கழக மகளிர் தொண்டரணி செயலாளர் நாமக்கல் ப.ராணி, துணை செயலாளர் சத்யா பழனிக்குமார், கழக மகளிர் அணி பிரச்சாரக்குழு செயலாளர் செ.உமாமகேஸ்வரி, திருச்சி மேயர் அன்பழகன் உள்பட இந்நாள், முன்னாள் நாடாளுமன்ற, சட்டமன்ற உறுப்பினர்கள், கழக நிர்வாகிகள், கழக சார்பு அணிகளின் அமைப்பாளர், துணை அமைப்பாளர்கள் பலர் கலந்து கொண்டனர்.