சென்னை, செப்.21–

முன்­னாள் அமைச்­சர் கோவி.செழி­யன் எம்.எல்.ஏ. வெளி­யிட்ட அறிக்கை வருமாறு:–

அண்­ணல் அம்­பேத்­கர் அய­லக உயர் கல்வி உத­வித்­தொகை திட்­டத்­தில் மாண­வன் பார­தி­தா­சனை வஞ்­சித்­து­விட்டு, ஆதா­ரங்­கள்எல்­லாம் அள்­ளிப் போட்ட பிறகு, பழி­சொல்லை தவிர்க்க வியாக்­கி­யா­னம் பேசிக் கொண்­டி­ருக்­கி­றார் அமைச்­சர் வன்­னி அரசு ‘பார­தி­தா­ச­னுக்கு நிதியை வழங்க முடி­யாது என்­றால், தி.மு­.க.­வும், தமிழ்­நாட்டு மக்­க­ளும் இணைந்து மாண­வ­ரின் முழு கல்­விக் கட்­ட­ணத்­தை­யும் ஏற்று அவ­ரைப் படிக்க வைப்­போம்’ என தலை­வர் சொன்ன பிற­கு­தானே ‘‘நிதி வழங்­கப்­படும்’’ என்ற அறி­விப்பை வெளி­யி­டு­கி­றீர்­கள்.

தி.மு.க. ஆட்­சி­யில் எந்த தொய்­வும் இல்­லா­மல் சிறப்­பாக செயல்­பட்டு கொண்­டி­ருந்த இந்த திட்­டம், தவெக ஆட்­சி­யில் மாண­வர்­கள் கடு­மை­யாக பாதிக்­கப்­படும் நிலை ஏற்­பட்­டுள்­ளது. மாண­வர் பொது­வெ­ளி­யில் கேட்­டு­விட் டார் என்ற வஞ்­ச­கத்­து­டன் பழி­வாங்­கல் நட ­வ­டிக்­கை­களை மேற்­கொண்­டது கடு­மை­யாக கண்­டிக்­கத்­தக்­கது.

ஒடுக்­கப்­பட்ட மக்­க­ளின் உரி­மைக்­காக தொடங்­கப்­பட்ட இயக்­க­மான வி.சி.­க.வை சேர்ந்த வன்னி அரசு பொறுப்­பில்­லா­மல் நடந்து கொண்டு விட்டு, இப்­போது பார­தி­தா­சனை ‘‘தம்பி’’என்றுஉரு­கு­கிறார். இது கூட அந்த மாண­வன் சிந்­திய கண்­ணீ­ரும், எங்­கள் தலை­வர் “செலவை ஏற்றுபடிக்க வைப்­போம்’’ என சொன்ன பிற­கு­தானே நடக்­கி­றது? தன்­னு­டைய தவ­று­களை மறைக்க பொய்­களை சொல்லி மடை­மாற்ற பார்க்­கி­றது இந்த அரசு, அதற்கு உடந்­தை­யாக இருக்­கி­றார் அமைச்­சர் வன்னி அரசு.

இவ்­வாறு அவர் தமது அறிக்­கை­யில் கூறி­யுள்ளார்.