வி ருதுநகர் மாவட்டம் வாழவந்தாள்புரத்தில் புலவர் மு.படிக்கராமு – - முத்துலக்குமி இணையரின் மகனாகப் பிறந்த ப.திருமாவேலன், கோவில்பட்டியில் பள்ளிக் கல்வியைப் படித்தவர்.சென்னை டாக்டர் அம்பேத்கர் சட்டக் கல்லூரியில் சட்டம் படித்தவர். இதழியல் ஆர்வம் காரணமாக பத்திரிக்கைத் தொழிலையே தன்னுடைய முழுநேரப் பணியாகத் தேர்ந்தெடுத்தார்.

சட்டக் கல்லூரியில் படிக்கும் போதே விடுதலைக்குயில்கள், இனி, போர்வாள் ஆகிய இதழ்களில் பணியாற்றினார். குங்குமம், விகடன் பேப்பர், ஆனந்தவிகடன், ஜூனியர் விகடன் ஆகிய இதழ்களில் செய்தியாளராக பணியாற்றினார். தினகரன், தமிழ்முரசு ஆகிய நாளிதழ்களின் தலைமைச் செய்தியாளராக இருந்தார்.பின்னர் ஆனந்தவிகடன் பொறுப்பாசிரியராகப் பொறுப்பேற்றார். ஜூனியர் விகடன் இதழின் ஆசிரியராகவும் பதிப்பாளராகவும் பத்து ஆண்டுகள் இருந்தார்.

இப்போது கலைஞர் செய்திகள் தொலைக்காட்சியின் செய்திப்பிரிவுத் தலைமைப் பொறுப்பில் உள்ளார். முரசொலி நாளிதழில் தலையங்க ஆசிரியராக எட்டு ஆண்டுகளாக தொடர்ந்து பங்களித்து வருகிறார்.

கடந்த முப்பதாண்டு காலத்தில் பல நூறு பேட்டிகள், செய்தி விமர்சனக் கட்டுரைகள் எடுத்துள்ளார். சுதேசி தேசம் சுரண்டப்பட்ட வரலாறு, பெரியோர்களே தாய்மார்களே, நினைவுச்சிறகுகள், எனக்குப் பிடிக்கும் ஆகிய தொடர்களை எழுதி உள்ளார்.

மனைவி பெயர் ரேணுகா. அமிர்தா, அதிதி ஆகிய இரு மகள்கள் இவருக்கு.

இதுவரை வெளியான இவரது புத்தகங்கள்:

1.இன்றைய ஆட்சி ஏன் ஒழிய வேண்டும்?

2.காந்தி ராமசாமியும் பெரியார் ராமசாமியும்

3.காந்தியார் சாந்தியடைய

4.அரசியல் - நல்லகண்ணு, அ.மார்க்ஸ் விவாதம்

5.தேர்தல் 2009

6.மனிதம் கொன்று மனம் தின்று ஈழம் இன்று

7.குற்றவாளிக் கூண்டில் ராஜபக்சே

8.நீங்கள் எந்தப் பக்கம்? மார்க்சிஸ்ட்டுகள் சிந்தனைக்கு

9.நடக்கட்டும் நாக்கு வியாபாரம்

10.சுதேசி தேசம் சுரண்டப்பட்ட வரலாறு

11.பெரியோர்களே தாய்மார்களே

12.யாரைத் தான் எதிர்க்கவில்லை?

13.ஆதிக்கசாதிகளுக்கு மட்டுமே அவர் பெரியாரா?

14.கடந்த காலத்தின் கனத்த சாட்சியங்கள்

15.இவர் தமிழர் இல்லை என்றால் எவர் தமிழர்?

16. கலைஞரின் பெரியார் நாடு,

17.அவர்கள் அவர்களே,

18.எனக்கும் பிடிக்கும்

19. பண்டிதர் எஸ்.எஸ். ஆனந்தரின் தமிழ்நாடு

20. பெரியாரும் தமிழ்நாடும்

21. வைக்கம் வீரரும் ஜெயமோகனின் கயமையும்,

22. தீரர்கள் கோட்டம் தி.மு.க.

23. திராவிட அரசியல் - திராவிட அரசு இயல்

24. முறை செய்து காப்பாற்றும் முதலமைச்சர் ஆகிய நூல்களை இதுவரை எழுதி வெளியிட்டுள்ளார்.

‘இவர் தமிழர் இல்லை என்றால் எவர் தமிழர்’ என்ற நூலை 2022 ஆம் ஆண்டு தலைவர் மு.க.ஸ்டாலின் அவர்கள் அண்ணா அறிவாலயம் கலைஞர் அரங்கில் வெளியிட்டார்கள். தீரர்கள் கோட்டம் திமுக, திராவிட அரசியல் - திராவிட அரசு இயல் ஆகிய இரண்டு நூல்களையும் 2025 ஆம் ஆண்டு தலைவர் மு.க.ஸ்டாலின் அவர்கள் பேரறிஞர் அண்ணா நூற்றாண்டு அரங்கில் வெளியிட்டு சிறப்பித்தார்கள்.

இவரது இதழியல் பணியினை பாராட்டிடும் வகையில் முரசொலி அறக்கட்டளை சார்பில் நேற்று முன்தினம் (19.09.2026) சென்னை, அண்ணா அறிவாலயம் ‘கலைஞர் அரங்கில்’ நடைபெற்ற முப்பெரும் விழாவில் கழகத் தலைவர் மு.க.ஸ்டாலின் அவர்கள் “முரசொலி செல்வம் விருது” வழங்கிச் சிறப்பித்தார்.