நெல்லை, செப்.21–
கடலைப் பார்த்து முதல்வர் அமர வேண்டும் என்ற மூடநம்பிக்கையில் பல கோடி ரூபாய் மக்கள் வரிப்பணத்தில் கலைஞர் அவர்கள் கட்டித்தந்த நாமக்கல் கவிஞர் மாளிகையின் 10 வது மாடியை ஷூட்டிங் செட் மற்றும் சொகுசு அறைகள் அமைக்கிறீர்களே! உங்களுக்கு நினைவிருக்கிறதா? “ஊரான் வீட்டு நெய்யில் ஸ்வீட் செய்யாதீங்க” என்று ரீல் விட்டீங்களே ஊருக்குத்தான் உபதேசமா? CMsir? என சட்டப்பேரவை முன்னாள் தலைவர் மு.அப்பாவு தனது எக்ஸ் வலைதள பதிவில் கேள்வி எழுப்பியுள்ளார்.
இது குறித்து அவர் தனது எக்ஸ் வலைதள பதிவில் கூறியிருப்பதாவது:-–
நூற்றாண்டு பழமையான தமிழ்நாடு சட்டமன்றத்தில் தான் இந்தியாவிலே முதன்முதலாக நீதிக்கட்சி ஆட்சியில் பெண்களுக்கு வாக்குரிமை வழங்கும் சட்டம் கொண்டுவரப்பட்டது.கலைஞர் அவர்கள் ஆட்சியில் பெண்களுக்கு உள்ளாட்சியில் 33 சதவீத இட ஒதுக்கீடு மற்றும் “பெண்களுக்கு சொத்தில் உரிமை” வழங்கும் சட்டங்கள் கொண்டுவரப்பட்டன.
மு.க.ஸ்டாலின் அவர்கள் ஆட்சிக் காலத்தில் அரசு பணியில் இருக்கும் பெண்களின் முதல் இரண்டு பிரசவத்திற்கு ஓராண்டு சம்பளத்துடன் கூடிய விடுப்பும்,பள்ளி பயிலும் மாணவ, மாணவிகளுக்கு “முதல்வரின் காலை உணவுத் திட்டம்” உட்பட பல சமூக நீதி மசோதாக்கள் கொண்டு வந்து இந்தியாவிற்கே வழிகாட்டியது நம் தமிழ்நாடு சட்டமன்றம் என்பது தெரியுமா CMsir?
முதல்வரே உங்களுக்கு தற்போதைய சட்டமன்ற கட்டடம் பிடிக்கவில்லையா? அல்லது சட்டமன்றத்தில் உள்ள தலைவர்களின் திருவுருவப்படங்களை பார்ப்பது பிடிக்கவில்லையா?
கடலை பார்த்து முதல்வர் அமர வேண்டும் என்ற மூடநம்பிக்கையில் பல கோடி ரூபாய் மக்கள் வரிப்பணத்தில் கலைஞர் அவர்கள் கட்டித்தந்த நாமக்கல் கவிஞர் மாளிகையின் 10 வது மாடியை ஷூட்டிங் செட் மற்றும் சொகுசு அறைகள் அமைக்கிறீர்களே! உங்களுக்கு நினைவிருக்கிறதா? “ஊரான் வீட்டு நெய்யில் ஸ்வீட் செய்யாதீங்க” என்று ரீல் விட்டீங்களே ஊருக்குத்தான் உபதேசமா? CMsir?
காலம் காலமாக கடலைப் பார்த்து கடல் தாயை வணங்கி உயிரை பணயம் வைத்து மீன்பிடி தொழில் செய்து வரும் மீனவ மக்களை கடலில் தள்ளி விட்டு, விட்டு அவர்களின் நிலத்தை அபகரித்து புதிய சட்டமன்றம் கட்ட துடிப்பது மீனவ மக்களுக்கு செய்யும் துரோகம் இல்லையா CMsir?
இவ்வாறு அவர் கூறியுள் ளார்.