தென்காசி மாவட்டம், கீழப்பாவூர் ஒன்றியம், ஆவுடையானூரில் திரு. குத்தாலிங்கம் – திருமதி. சீனியம்மாள் ஆகியோரின் மகனாக 16.11.1952 அன்று பிறந்தவர் கு. செல்லப்பா அவர்கள்.

1968ஆம் ஆண்டில் அறிஞர் அண்ணா, முத்தமிழறிஞர் கலைஞர் ஆகியோரின் சொற்பொழிவுகளை கேட்டு தன்னை மாணவர் தி.மு.க.வில் இணைத்துக் கொண்டு கழகப் பணியாற்றத் தொடங்கிய கு. செல்லப்பா, 1977ஆம் ஆண்டு ஆவுடையானூர் கிளைக் கழகச் செயலாளராகவும், கீழ்ப்பாவூர் ஒன்றியத்திலிருந்து மாவட்டப் பிரதிநிதியாகவும், கீழப்பாவூர் ஒன்றியச் செயலாளராக ஐந்து முறை பணியாற்றி பின்னர் 2015 முதல் மாநில தி.மு.க. விவசாய அணியின் துணைச் செயலாளராகப் பொறுப்பு வகித்து வருகிறார்.

கழகம் நடத்திய அனைத்துப் போராட்டங்களிலும் கலந்து கொண்டு ஒன்பது முறை சிறைவாசம் ஏகியவர் கு. செல்லப்பா. இலங்கைத் தமிழர் நலனுக்காக 1985ல் நடைபெற்ற ஆர்ப்பாட்டத்தில் கலந்து கொண்டு 15 நாட்கள் சிறைவாசம், இந்திக்கு எதிரான மறியலில் பாவூர் சத்திரம் காவல் நிலையத்தில் கலந்து கொண்டு கைதாகி பாளை மத்திய சிறையில் 81 நாட்கள் அடைப்பட்டிருந்தார். தொடர்ச்சியாக சமச்சீர் கல்விக்கான போராட்டத்தில் கலந்து கொண்டு பாளை மத்திய சிறையில் 10 நாட்கள் அடைப்பட்டிருந்தார்.

திருச்செந்தூர் கோவில் வைர வேல் திருட்டைக் கண்டித்து முத்தமிழறிஞர் கலைஞர் அவர்கள் மதுரையிலிருந்து திருச்செந்தூர் வரை நடைபயணம் மேற்கொண்டபோது, விருதுநகரிலிருந்து கலைஞர் அவர்களுடன் இணைந்து திருச்செந்தூர் வரை நடைபயணம் மேற்கொண்டார்.

கழகம் சந்தித்த அனைத்துத் தேர்தல்களிலும் சிறப்பாகப் பணியாற்றியவர் கு. செல்லப்பா அவர்கள்.

அண்ணா அறிவாலயம் கட்டுவதற்கு நெல்லை மாவட்டத்தில் அதிக நிதி திரட்டித் தந்ததனால் முத்தமிழறிஞர் கலைஞர் கையினால் கணையாழி பெற்றதை பெருமையுடன் நினைவு கூர்கிறார் கு. செல்லப்பா.

இவருடைய துணைவியார் பெயர் இந்திரா. இவருக்கு 3 மகள்கள். மூவருக்கும் திருமணமாகிவிட்டது.

ஆவுடையானூர் ஊராட்சி மன்றத் தலைவராக 1996ஆம் ஆண்டு தேர்ந்தெடுக்கப்பட்டார். இவருடைய துணைவியார் 2011ஆம் ஆண்டு ஆவுடையானூர் ஊராட்சி மன்றத் தலைவராகப் பணியாற்றியுள்ளார்.

இவரது கழகப் பணியினை பாராட்டிடும் வகையில், தலைமைக் கழகத்தின் சார்பில் நேற்று (19.9.2026), சென்னை, அண்ணா அறிவாலயம் “கலைஞர் அரங்கில்” நடைபெற்ற முப்பெரும் விழாவில், கழகத் தலைவர் மு.க.ஸ்டாலின் அவர்கள் “பெரியார் விருது” வழங்கிச் சிறப்பித்தார்.