சென்னை, செப். 21–
லாபத்தில் இயங்கும் சென்னை விமான நிலையத்தை கார்ப்பரேட் நிறுவனங்களுக்கு தாரைவார்க்கும் ஒன்றிய அரசின் நடவடிக்கைக்கு, ஆளும்தவெக அரசே சிவப்புக் கம்பளம் விரிக்கிறதா என்ற கடுமையான குற்றச்சாட்டு கள் எழுந்துள்ளன. இந்தியாவில் உள்ள முக்கிய விமான நிலையங்களை தனியார் நிறுவனங்
களிடம் ஒப்படைக்கும் நடவடிக்கைகளை ஒன்றிய அரசின் சிவில் விமானப் போக்குவரத்து அமைச்சகம் தீவிரமாக முன்னெடுத்து வருகிறது.
இதன் ஒரு பகுதியாக, ஏற்கனவே மும்பை, அகமதாபாத், திருவனந்தபுரம் உள்ளிட்ட நாட்டின் மிக முக்கிய விமான நிலையங்கள் தனியார் பெருநிறுவனமான அதானி குழுமத்தின் கட்டுப்பாட்டுக்குச் சென்றுவிட்டன. தற்போது இந்தியாவில், ஒன்றிய அரசின் ‘இந்திய விமான நிலைய ஆணையத்தின்’ நேரடிக் கட்டுப்பாட்டில் எஞ்சியிருக்கும் பெருநகர விமான நிலையங்கள் சென்னையும், கொல்கத்தாவும் மட்டுமே.
அரசியல் விமர்சகர்கள்
கண்டனம்!
இவற்றையும் தனியார் வசம் ஒப்படைக்க ஒன்றிய அரசு திட்டமிட்டு வரும் சூழலில், சென்னை விமான நிலைய நிர்வாகத்தை மாற்றக் கோரி முதலமைச்சர் விஜய் பிரதமர் மோடிக்கு கடிதம் எழுதியுள்ளார். நிர்வாக மாற்றம் என்ற பெயரில், விமான நிலையத்தை அதானி அல்லது ஜி.எம்.ஆர் போன்ற தனியார் பெருநிறுவனங்களிடம் முழுமையாக ஒப்படைக்கவே இந்த நடவடிக்கை பயன்படும் என அரசியல் விமர்சகர்கள் சுட்டிக்
காட்டுகின்றனர்.
பொதுவாக, பொதுத் துறை நிறுவனங்களை ஒன்றிய அரசு தனியார்மயமாக்கும் போது, மாநில அரசுகள் தங்களின் மாநில உரிமைகளை முன்னிறுத்தி யும், தொழிலாளர்களின் நலன் சார்ந்தும் அதற்குக் கடும் எதிர்ப்பு தெரிவிப்பதே இந்திய அரசியலின் எழுதப்படாத மரபாக இருந்து வருகிறது. ஆனால், இதற்கு முற்றிலும் முரணாக, தமிழக அரசே முதல்முறையாக முன்வந்து, ஒன்றிய அரசின் கட்டுப்பாட்டில் உள்ள விமான நிலையத்தின் நிர்வாகத்தை மாற்றுமாறு கோரி கடிதம் எழுதியிருப்பது பெரும் பேசுபொருளாக மாறியுள்ளது.
இது, பொதுத்துறை நிறுவனங்களை விற்கும் பாஜ அரசின் திட்டத்திற்கு, தமிழக அரசே வெளிப்படையாக துணைபோகும் செயல் என சமூக ஆர்வலர்கள் குற்றம் சாட்டுகின்றனர். இந்த விவகாரத்தில் மற்றொரு முக்கிய பின்னணியும் சுட்டிக்காட்டப்
படுகிறது. முந்தைய அரசால் காஞ்சிபுரம் மாவட்டம் பரந்தூரில் அறிவிக்கப்பட்ட பல்லாயிரம் கோடி மதிப்பிலானபுதிய பசுமைவெளி விமானநிலைய திட்டத்தை’ த.வெ.க. அரசுசமீபத்தில் கைவிட்டது.
ரகசிய கடிதம்
பலத்த சந்தேகம்!
இது ஏற்கனவே தொழில் துறையினர் மற்றும் பொதுமக்களிடையே அதிருப்தியையும் விவாதத்தையும் ஏற்படுத்தியிருந்தது. புதிய விமான நிலையத் திட்டத்தை கைவிட்ட தவெக அரசு, தற்போது இருக்கக்கூடிய விமான நிலையத்தை யும் தனியாருக்கு வழங்கக் கோரி கடிதம் எழுதியிருப்பது பலத்த சந்தேகங்களை எழுப்பியுள்ளது. இந்த விவகாரத்தில் அரசியல் கட்சிகளை அதிகம் அதிர்ச்சிக்குள்ளாக்கியிருப்பது கடிதத்தின் ‘ரகசியத் தன்மை’ தான்.
பொதுவாக, பிரத மருக்கு முதலமைச்சர் விஜய் எழுதும் கடிதங்கள், கோரிக்கைகள் குறித்த தகவல்கள் அடுத்த சில நிமிடங்களிலேயே அதிகாரப்பூர்வமாக செய்திக் குறிப்பாகஅரசிடம் இருந்து ஊடகங்களுக்கு வெளியிடப்படும். ஆனால், சென்னை விமான நிலையம் தொடர்பாக கடந்த ஆகஸ்ட் மாதமே முதலமைச்சர் பிரதமர் மோடிக்கு இந்த கடிதத்தை எழுதியுள்ளார். பல மாதங்களாக இந்த விவகாரம் யாருக்கும் தெரியாமல், திட்டமிட்டு அரசுத் தரப்பில் ரகசியமாக வைக்கப்பட்டுள்ளது.
ஆளும் கூட்டணிக் கட்சிகள்
பெரும் அதிருப்தி!
தற்போது இந்த தகவல் கசிந்துள்ள நிலையில், ஏன் இந்த விவகாரத்தில் அரசு இவ்வளவு ரகசியம் காத்தது என்ற கேள்வி எழுந்துள்ளது. முதலமைச்சரின் இந்த ரகசிய நடவடிக்கையும், தனியார்மயமாக்கலுக்கு மறைமுகமாக ஆதரவளிக்கும் வகையிலான கடிதமும், ஆளும் கூட்டணிக் கட்சிகளிடையே பெரும் அதிருப்தியை ஏற்படுத்தியுள்ளது. தனியார்மயமாக்கலுக்கு எதிராகவும், மாநில உரிமைகளுக்காகவும் குரல் கொடுக்கும் கூட்டணிக் கட்சிகள், அரசின் இந்த நிலைப்பாட்டால் அதிர்ச்சியில் உறைந்துள்ளன.
அரசின் இந்த முடிவுக்கு கடும் கண்டனம் தெரிவித்துள்ளன. ஒன்றிய அரசின் தனியார்மயமாக்கல் கொள்கைக்கு தமிழக அரசு ஆதரவளிக்கிறதா, ரகசிய கடிதம் எழுதியதன் பின்னணி என்ன என்பது குறித்து முதலமைச்சர் விஜய் தரப்பில் உரிய விளக்கம் அளிக்கப்பட்டால் மட்டுமே இந்த சர்ச்சைக்கு முற்றுப்புள்ளி வைக்கப்படும் என அரசியல் நோக்கர்கள் கருதுகின்றனர்.