#Title

அ ன்பு கெழுமிய நண்பர், தலைவர் பாசமிகு ஸ்டாலின் அவர்களே,

அன்பான வணக்கமும், வாழ்த்து களும்,

உடல்நலம் சற்று தேறியவுடன், மீண்டும் கழகத்தவரிடையே தங்களை கண்டதும் மகிழ்ந்தோம்.

திராவிட மாதமான செப்டம்பரில், தொடர் கழகநிகழ்ச்சிகள் அனைத்தும் உணர்வு பூர்வமாக நடைபெறும். பேரறிஞர் அண்ணா வின்பிறந்தநாள், கழகம் தோற்றுவிக்கப்பட்ட நாள், திராவிடத் தத்துவத்தின் ஆசானான தந்தை பெரியார் அவர்களின் பிறந்த நாள். தொடர் நி்கழ்வுகள் ஆகியவை கழகத்தவர்க்கு உற்சாகத்தை மட்டுமல்ல, நமது இயக்க வரலாற்றையும் அதன் ஊடே கழகம் ஆற்றியபணிகளையும் நினைவு கூறும் வகையில் அமையும். இத்தொடர் நிகழ்வுகளின் முத்தாய்ப்பாக முப்பெரும் விழாவும் நடைபெறும்.

கழகத்தின் வரலாற்றில் தடம் பதித்த தோழர்களை இனம் கண்டு திராவிட இயக்க முன்னோடிகளின் பெயர்களை சுமந்த விருதுகள் வழங்கப்படுவது உண்டு, இந்த ஆண்டு விருதுக்காக தேர்ந்தெடுக்கப்பட்டவர்களுக்கு பேராசிரியர் இல்லத்து வாழ்த்துகள். விருதுக்கு பெருமை சேர்ப்பவர்களை கண்டறிந்த உங்களை போற்றுகிறேன். கழக செயல்வீரர்கள் பலரும் அவரவர் தொண்டு புரிந்தமையை பாராட்டி அவர்களை கவுரவித்தும் சிறப்பு. அவர்களுக்கும் வாழ்த்துகள்.

இன்றைய உங்கள் உரை அனைவரையும் கவரும் வகையில் சிறப்பாக இருந்தது. ஏமாற்றத்தை அளித்து வரும் த.வெ.க. ஆட்சியை சிறப்பாகச் சாடினீர்கள். மக்களின் அன்றாட பிரச்சினைகளை பட்டியலிட்டது மிகவும் அருமை. மின்வெட்டு பிரச்சினை, சட்டம் ஒழுங்கு சீர்குலைவு, தேர்தல் நேரத்தில் த.வெ.க. தந்த வாக்குறுதிகளை நிறைவேற்றாமல் ஏமாற்றுவது, சட்டமன்ற மாண்பைசீர்குலைக்கும் வகையில் செயல்படுவது, மக்கள் மீது திணிக்கப்பட்ட இடைத் தேர்தல் என்று கோர்வையாக தங்கள் பேச்சில் வெளிப்படுத்தியது மக்களிடையே பெரும் வரவேற்பை ஏற்படுத்தி உள்ளது.

மேலும் சட்டமன்றத்தில் த.வெ.க. தலைவர் விஜய் பேசிய பேச்சுக்கு தரமானபதிலடியை அளித்தது, கழகத்தவரும், இயக்க அனுதாபிகளும் மிகவும் ரசித்து மகிழ்ந்தனர். சட்டமன்றத் தேர்தல் முடிவுகள் அறிவிக்கப்பட்ட நேரத்தில் கொளத்தூர் தொகுதி மக்களின் நிலையும், நினைப்பும் திகைப்பை தந்தது, ஆனால் சட்டமன்ற நிகழ்வுகளை கண்ணுற்றப் பொழுது, தாங்கள் அந்த அவையில் இல்லாதிருப்பதே நன்று என்று பொதுமக்களும் நினைப்பதையே தாங்களும் சொன்னது மக்கள்மன்றத்தின் தரம் தாழ்ந்த நிலையை படம்பிடித்து காட்டியது.

மக்களிடையே தொடர்ந்து செயல்பட்டு, அவர்களுக்காக தொடர்ந்து குரல் கொடுப்பது கழகத்தின் பணி. அத்தகைய பணிகளை உங்களின் தலைமையில் தொடர்ந்து மேற்கொள்ள இந்த முப்பெரும் விழாவில் உறுதியேற்போம்.

கழகத்தவர் என்றும் உங்கள் பின்னால் அணிவகுப்போம். தி.மு.க. மீண்டெழும்!!! தி.மு.க. மீண்டும் வெல்லும். !!!

வெல்க உங்கள் புகழ்!!!

வாழ்க உங்கள் கொற்றம்!!!!

தொடர்க தங்களின் தொய்வில்லா அரசியல் பயணம்!!!!

வெல்க! வாழ்க ! பேரறிஞர் அண்ணா மற்றும் தந்தைபெரியாரின் புகழ்!!!

வெல்க திராவிட முன்னேற்றக் கழகம்!!!!

அன்பன்,

அ.அன்புச்செல்வன்

19,9,2026