சென்னை, செப். 22–

முதல்­வரை டம்­மி­யாக வைத்­துக்­கொண்டு தலை­மைச் செய­ல­கம் கட்­டும் பணி­களை செய்­யும் சக்தி எது? தி.மு.க. சட்­டத்­துறை இணைச்­செ­ய­லா­ளர் பரந்­தா­மன் சர­மாரி கேள்வி எழுப்­பி­யுள்­ளார்.

தி.மு.க. சட்­டத்­துறை இணைச் செய­லா­ள­ரும், மது­ராந்­த­கம் தி.மு.க. வேட்­பா­ள­ரு­மான இ.பரந்­தா­மன் தமது சமூக வளை­த­ளப் பதி­வில் கூறி­யி­ருப்­ப­தா­வது:–

வாயை திறந்­தாலே பொய் என்­ப­தற்கு உதா­ர­ண­மாக வாழும் அமைச்­ச­ரின் லேட்­டஸ்ட் பொய். பட்­டி­னப்­பாக்­கத்­தில் தலை­மைச் செய­ல­கம் கட்­டும் முடிவை முதல்­வர் விஜய் இன்­னும் எடுக்­க­வில்­லை­யாம். ஏமாற்றி பழ­கி­விட்­டோம் என்­ப­தற்­காக, எதை சொன்­னா­லும் நம்பி ஏமாந்து விடு­வார்­கள் என்று மக்­களை ஏள­ன­மாக நினைப்­பதா?.

எந்த இடத்­தில் தலை­மைச் செய­ல­கத்தை கட்­டு­வது என ஆராய குழு அமைத்து, இந்­தந்த இடங்­களை ஆராய்ந்து சொல்­லுங்­கள் என இடம் தேர்வு செய்­வ­தற்­கான அர­சாணை வெளி­யி­டப்­பட்­டி­ருந்­தால், முதல்­வர் இன்­னும் முடி­வெ­டுக்­க­ வில்லை என சொல்­வ­தில் ஒரு நியா­யம் இருக்­கி­றது. ஆனால், இடத்தை முடிவு செய்து, இத்­தனை லட்­சம் சதுர அடி­யில்கட்­டி­டம் கட்­டு­கி­றோம். அதில், வரு­வாய்த்­து­றைக்கு சொந்­த­மான இடம் எவ்­வ­ளவு, வீட்­டு­வ­சதி வாரி­யத்­திற்கு சொந்­த­மான அரசு நிலம் எவ்­வ­ளவு என விரி­வாக 25.55 ஏக்­கர் நிலத்­தில் போர்­ஷோர் எஸ்­டேட்­டில், 1,200 கோடி­யில் தலை­மைச் செய­ல­கம் கட்­டப்­ப­டும் என்று ‘in-principle approval’ கொடுத்த ஓர் அர­சாணை வெளி­யா­கி­யுள்­ளது.

இப்­படி ஓர் ஆணை முதல்­வ­ருக்கு தெரி­யா­மல் எப்­படி வர முடி­யும் அல்­லது முதல்­வரை டம்­மி­யாக வைத்­துக் கொண்டு தலை­மைச் செய­ல­கத்­தைக் கட்­டும் பணி­களை மேற்­கொள்­ளும் சக்தி எது?.

எல்லா தரப்­பி­ன­ரின் எதிர்ப்­பை­யும் மீறி மீன­வர்­கள் வாழ்­வா­தா­ரத்தை அழித்து, அவர்­கள் வயிற்­றில் அடித்து தலை­மைச் செய­ல­கம் கட்ட முதல்­வ­ருக்கு கூட தெரி­யாம அறி­விக்­கும் அதி­கா­ரம் உள்ள ” சூப்­பர் சிம்” யார்?. பொய் சொல்லி, மடை மாற்றி மக்­களை ஏமாற்­றும் போக்கை தவெக நிறுத்­திக்­கொள்ள வேண்­டும். நேர்­மை­யாக மக்­களை எதிர்­கொண்டு பதில் சொல்ல வேண்­டும்.

இவ்­வாறு இ.பரந்­தா­மன் தமது சமூக வலை­த­ளப் பதி­வில் கூறி­யுள்­ளார்.

மதுராந்தகம் சட்டமன்ற இடைத்தேர்தலை முன்னிட்டு திருவள்ளூர் மேற்கு மாவட்டத்திற்கு மதுராந்தகம் கீழ்கரணை பகுதியில் தேர்தல் பணிமனையை மாவட்ட கழக செயலாளர் திருத்தணி எஸ். சந்திரன் தலைமையில் காஞ்சிபுரம் தெற்கு மாவட்ட கழக செயலாளர் க.சுந்தர் திறந்து வைத்தார். இந்நிகழ்வில் திருவள்ளூர் மேற்கு மாவட்ட செயற்குழு கூட்டத்தில் கழக வேட்பாளர் இ.பரந்தாமன் கலந்து கொண்டு வாக்கு சேகரித்தார். உடன் திருவள்ளூர் முன்னாள் சட்டமன்ற உறுப்பினர் வி.ஜி.ராஜேந்திரன், மாநில இளைஞரணி துணைச் செயலாளர் ப.அப்துல் மாலிக், மாவட்ட அவைத் தலைவர் கே.திராவிடபக்தன் உள்பட கழக நிர்வாகிகள் ஒன்றிய நகர பேரூர் கழக செயலாளர் கழக மூத்த முன்னோடிகள் அனைவரும் கலந்து கொண்டனர்.