சென்னை, செப்.22–

மனி­த­நேய மக்­கள் கட்­சி­யின் தலை­வர் பேரா­சி­ரி­யர் எம்.எச்.ஜவா­ஹி­ருல்லா விடுத்த அறிக்கை வரு­மாறு:–

சென்னை பல்­க­லைக்­க­ழ­கத்­தில் முது­க­லைப் படிப்­பில் முறை­யா­கச் சேர்ந்து, கட்­ட­ணம் செலுத்தி, கடந்த இரண்டு மாதங்­க­ளாக வகுப்­பு­க­ளி­லும் பங்­கேற்று வந்த புரட்­சி­கர மாண­வர் இளை­ஞர் முன்­னணி (பு.மா.இ.மு.) அமைப்­பைச் சேர்ந்த தலித் மாண­வர் தீரன் என்­கிற நவீ­னின் சேர்க்கை திடீ­ரென ரத்து செய்­யப்­பட்­டுள்­ள­தாக வெளி­யா­கி­யுள்ள தக­வல் அதிர்ச்­சி­ய­ளிக்­கி­றது.

மாண­வர் நவீ­னின் கடந்­த­கால அர­சி­யல் செயல்­பா­டு­களை மன­தில் கொண்டே அவ­ரது சேர்க்கை ரத்து செய்­யப்­பட்­டுள்­ள­தாக சக மாண­வர்­கள் குற்­றம்­சாட்­டு­ கின்­ற­னர். இது உண்­மை­யெ­னில், ஒரு மாண­வ­ரின் அர­சி­யல் கருத்து அல்­லது செயல்­பா­டு­க­ளின் அடிப்­ப­டை­யில் அவ­ரது கல்வி உரி­மை­யைப் பறிக்­கும் மிக­வும் கவ­லைக்­கு­ரிய நட­வ­டிக்­கை­யா­கும்.

முறை­யா­கக் கட்­ட­ணம் செலுத்தி, இரண்டு மாதங்­க­ளாக வகுப்­பு­க­ளுக்­குச் சென்று வந்த ஒரு மாண­வ­ரின் சேர்க்­கையை திடீ­ரென ரத்து செய்­வ­தற்கு முன்பு, அவ­ருக்கு எதி­ராக ஏதே­னும் குற்­றச்­சாட்டு இருந்­தால் அது குறித்து முறை­யான விசா­ரணை நடத்­தப்­பட்­டி­ருக்க வேண்­டும். மாண­வ­ருக்கு உரிய விளக்­க­ம­ளிக்­கும் வாய்ப்­பும் வழங்­கப்­பட்­டி­ருக்க வேண்­டும். எந்­த­வி­த­மான நடை­முறை விசா­ர­ணை­யும் இல்­லா­மல் எடுக்­கப்­ப­டும் நட­வ­டிக்கை கல்வி நிறு­வ­னங்­க­ளின் நியா­ய­மான நிர்­வாக நடை­மு­றை­க­ளுக்கு எதி­ரா­ன­தா­கும்.

மேலும், மாண­வர் நவீன் விடு­தி­யில் இடம் கோரி பல்­க­லைக்­க­ழ­கப் பதி­வா­ள­ரி­டம் எழுத்­துப்­பூர்­வ­மா­கக் கோரிக்கை வைத்­த­து­தான் அவ­ரது சேர்க்கை ரத்து செய்­யப்­பட்­ட­தற்­கான அடிப்­ப­டை­யாக இருந்­த­தா­க­வும் தக­வல்­கள் வெளி­யா­கி­யுள்­ளன. இது உண்­மை­யெ­னில், விடுதி வசதி கோரி­ய­தற்­கா­கவே ஒரு மாண­வ­ரின் கல்வி எதிர்­கா­லத்­தைப் பாதிக்­கும் நட­வ­டிக்கை எடுக்­கப்­பட்­டி­ருப்­பது மிக­வும் அநீ­தி­யா­ன­தா­கும்.

மாண­வர்­கள் சமூக மற்­றும் அர­சி­யல் பிரச்­சி­னை­கள் குறித்து சிந்­திப்­ப­தும், ஜன­நா­யக ரீதி­யாக தங்­க­ளது கருத்­து­களை வெளிப்­ப­டுத்­து­வ­தும் அவர்­க­ளின் குடிமை உணர்­வின் ஒரு பகு­தி­யா­கும். மாண­வர் அர­சி­யல் செயல்­பாட்டை ஒடுக்­கு­வ­தற்­காக கல்வி நிறு­வ­னங்­க­ளின் அதி­கா­ரம் பயன்­ப­டுத்­தப்­ப­டக் கூடாது.

எனவே, மாண­வர் நவீ­னின் சேர்க்கை ரத்து செய்­யப்­பட்­ட­தற்­கான கார­ணத்தை சென்னை பல்­க­லைக்­க­ழக நிர்­வா­கம் வெளிப்­ப­டை­யாக விளக்கவேண்­டும். இந்த விவ­கா­ரம் குறித்து உரிய முறை­யில் விசா­ரணை நடத்தி, மாண­வ­ருக்கு நியா­ய­மான வாய்ப்பு வழங்க வேண்­டும். அவ­ரது கல்வி பாதிக்­கப்­ப­டாத வகை­யில் உட­ன­டி­யாக சேர்க்­கையை மீண்­டும் வழங்கி, தொடர்ந்து தனது முது­க­லைப் படிப்பை மேற்­கொள்ள அனு­ம­திக்க வேண்­டும் என்று மனி­த­நேய மக்­கள் கட்­சி­யின் சார்­பில் வலி­யு­றுத்­திக் கேட்­டுக்­கொள்­கி­றேன்.

ஒரு மாண­வ­ரின் கல்வி உரிமை எந்­த­வொரு அர­சி­யல் கருத்து வேறு­பாட்­டிற்­கும் பலி­யா­கி­வி­டக் கூடாது. சென்னை பல்­க­லைக்­க­ழக நிர்­வா­கம் இந்த விவ­கா­ரத்­தில் உட­ன­டி­யாக தலை­யிட்டு நியா­ய­மான தீர்வை வழங்க வேண்­டும்.

இவ்­வாறு அவர் தனது அறிக்­கை­யில் குறிப்­பிட்­டு ள்­ளார்.